Aristides, Aelius, Ars Rhetorica, περὶ ἀφελοῦσ λόγου., περὶ γλυκύτητοσ.

(아리스티데스, 아일리오스, Ars Rhetorica, περὶ ἀφελοῦσ λόγου., περὶ γλυκύτητοσ.)

ἡ δὲ λέξεωσ γλυκύτησ εἴπομεν ὅτι πορίζεται ἐκ κωμῳδίασ καὶ Πλάτωνοσ καὶ Ξενοφῶντοσ, χρῶνται δὲ οἱ ἀφελεῖσ καὶ ποιητικαῖσ λέξεσιν, ὅταν ὄγκον βούλωνται περιθεῖναι τῷ λόγῳ τῶν θεωρημάτων καὶ ἐκ κωμῳδίασ. ἐστὶν ἀπὸ μερισμῶν ἄρχεσθαι καὶ ὡσ ἀπὸ προσθήκησ, καίτοι, καὶ μήν, ἀλλὰ τοίνυν, ἀλλὰ μήν· ἀφέλειαν γὰρ τῷ λόγῳ παρέχεται τὰ τοιαῦτα. ὅπου δ’ ἂν θέλῃσ γλυκύτητα ἐργάσασθαι, τοιαύταισ χρήσῃ μεταφοραῖσ, ὀνόματα ἐπ’ ἄλλων πραγμάτων κείμενα μεταφέρων ἐφ’ ἕτερα·

καὶ ὅταν μὴ μένῃσ ἐπὶ τοῖσ ἀκριβῶσ σημαντικοῖσ, οἱο͂ν τὸ σημαντικὸν τοῦ ὑποκειμένου ἔδοσαν, καὶ τὸ μετενηνεγμένον ἐκ τῆσ τροπῆσ καὶ ἐτίμησαν Χείρωνα διὰ δικαιότητα ἀντὶ τοῦ ἔδοσαν. καὶ τὰ μεγάλα μικρῶσ λέγων, τὰ δὲ μικρὰ μεγάλωσ γλυκύτητα ἐργάσῃ.

τὸ οὖν τὰ μικρὰ μεγάλωσ ὀνομάζειν λέγομεν ὅτι γλυκύτητα παρέχει τῷ λόγῳ, καὶ ἔστι θαυμασιωτάτη ἡ τροπὴ ἡ τοιαύτη, πόλεμον εἰπεῖν κυνὸσ καὶ θηρίου, πρῶτον μὲν χρὴ εἶναι τὰσ κύνασ ἑκάστου γένουσ, μὴ τὰσ ἐπιτυχούσασ, ἵνα ἕτοιμαι ὦσι πολεμεῖν τῷ θηρίῳ. γλυκύτητα δὲ καὶ ἐν τῷ Ἀγησιλάῳ θαυμαστὴν ἐποίησεν εἰπών, ὁπότε γε μὴν πορεύοιτο, συντεταγμένον μὲν οὕτωσ ἦγε τὸ στράτευμα, ὡσ ἂν ἐπικουρεῖν μάλιστα ἑαυτοῖσ δύναιντο, εἶτα παράδειγμα ἐπήνεγκεν, ὡσ ἂν ἀφελὴσ ἀνὴρ γλυκύτητα μετὰ σεμνότητοσ ἐμφαίνων, ἡσύχωσ δέ, ὥσπερ ἂν παρθένοσ ἡ σωφρονεστάτη προβαίνοι.

τὴν δὲ ἄνεσιν ἔχει τό τε μειοῦν τοῦ παραδείγματοσ καὶ τὸ μὴ πάντη ἐοικόσ· τί γὰρ ἐοίκε στρατοπέδῳ παρθένοσ; ὅμωσ δὲ τὸ μὲν εἰπεῖν παρθένοσ ἡ σώφρων εὐτέλειαν εἶχε, τὸ δὲ ἀναστρέψαι καὶ τὸ παρακολουθοῦν πρόθεσιν εἶναι τοῦ προσώπου σεμνότητα μετὰ γλυκύτητοσ εἰργάσατο, ὥσπερ ἂν ἡ σωφρονεστάτη παρθένοσ. καὶ περὶ μὲν γλυκύτητοσ καὶ ἐν τοῖσ προάγουσιν εἴπομεν, ὅσα τε ἀποτελεῖ ἐν τῷ πολιτικῷ λόγῳ καὶ πάλιν ὅσα ἐν τῷ ἀφελεῖ.

σχεδὸν αὐτὴ ἡ ἀρετὴ τῆσ γλυκύτητοσ τοῦ ἀφελοῦσ ἐστι μᾶλλον.

일치하는 문장이 없습니다.

SEARCH

MENU NAVIGATION