헬라어 문장 검색 - ΑριστίΑρσΡηετ́2́05́

(아리스티데스, 아일리오스, Ars Rhetorica, περὶ ἀφελοῦσ λόγου., περὶ περιβολῆσ.)

γίνεται δὲ καὶ ἐν ἀφελεῖ λόγῳ περιβολή, ὅταν τισ πλαγιάσασ νόημα ἐπεμβάλῃ ἕτερον δεύτερον μήπω τῆσ διανοίασ ἀπηρτισμένησ μηδὲ τοῦ συμπεράσματοσ ἐπηγμένου, ὡσ μίαν δοκεῖν ἔννοιαν, οἱο͂ν βουλευομένων δὲ περὶ τούτων Λακεδαιμονίων Ἀγησίλαοσ ὑπέστη, νῦν τὸ ἀπαρτίζον, διαβήσεσθαι οὐκ ἔτι πλαγιάσασ· μακρὸν γὰρ ἐγίνετο, οἱο͂ν διαβὰσ ποιήσειν τὰ καὶ τά, ἀλλὰ διαβήσεσθαι. πᾶσα δὲ περιβολὴ δύναμιν ἐργάζεται ἐν τῷ λόγῳ, δεῖ δὲ ἡμᾶσ ἐπεσκέφθαι καθὸ διαλλάττει τοῦ πολιτικοῦ λόγου ἡ ἐν τῷ ἀφελεῖ λόγῳ γινομένη δύναμισ.

οὐκοῦν σκόπει· τὸ γὰρ εὖ πράττειν παρὰ τὴν ἀξίαν ἀφορμὴ τοῦ κακῶσ φρονεῖν τοῖσ ἀνοήτοισ γίγνεται. οὔ φημι τοίνυν ἐγὼ λυσιτελεῖν ἐν τῷ ἀφελεῖ τὸ ἀποφαντικὸν τοῦ σχήματοσ· ἀξίωμα μὲν γὰρ καὶ δύναμιν περιτίθησιν, οὐκέτι δὲ ἁπλοῦν οὐδὲ κατ’ ἄνθρωπόν ἐστιν, ἵνα οὕτωσ εἴπῃ τισ τὸ πρᾶγμα, ἀλλ’ ἐπηρμένον τε καὶ τετυφωμένον· οὐδὲ τὸ ὑποτακτικὸν μόριον· τὸ γὰρ εὖ. τὰ γὰρ τοιαῦτα μόρια ἀναγκάζει τὸν λόγον ἐμπεριλαμβάνοντα τὰ νοήματα στρογγύλον γίνεσθαι καὶ σκληρὸν καὶ κατεσφιγμένον, ὅθεν οὐ χρὴ τὰ μόρια προστιθέναι, ἐπειδὰν δυνάμεώσ τι σημεῖον ἐξενεγκεῖν βουλώμεθα, ἀλλ’ ἀπὸ ῥηματικῶν ἄρξασθαι ἁπλῶσ. περιβολῆσ δὲ καὶ τὸ τοιοῦτον καὶ ἔνδοξον ποιοῦν τὸν λόγον καὶ ἔχειν ἀξίωμα, [καὶ] ὅταν τὰ πράγματα μὴ καθ’ ἑαυτὰ εἰσάγῃ τισ καὶ ἐπὶ τῶν ὑποκειμένων ὀνομάζῃ, οἱο͂ν Καλλίασ ἀξιοθέατοσ ἐφαίνετο διὰ τὸ κατέχεσθαι ἔρωτι τοῦ Αὐτολύκου, ἀλλὰ καὶ ἔξωθεν προσλαμβάνηταί τινα τοῖσ ἀορίστοισ ὡρισμένα·

ἅπαντεσ μὲν οὖν οἱ ἐκ θεῶν του κατεχόμενοι ἀξιοθέατοι δοκοῦσιν εἶναι. καὶ εἰ μὲν οὖν ἐβούλου ταχέωσ μεταβῆναι ἐπὶ τὸ ὑποκείμενον καὶ μὴ σφόδρα τὸν λόγον ἐξᾶραι, εἶπεσ ἄν, μάλιστα δὲ οἱ ὑπὸ ἔρωτοσ κατεχόμενοι· νῦν δὲ πολλῷ πλέον ἐξήρθη διὰ τὸ προειλῆφθαι διὰ μέσου τὰσ διαφοράσ, πρὶν προσάγεσθαι τούτου τὸ ὑποκείμενον· ἀλλ’ οἱ μὲν ἐξ ἄλλων πρὸσ τὸ γοργότερον ὁρᾶσθαι καὶ φοβερώτερον φθέγγεσθαι καὶ σφοδρότεροι εἶναι φαίνονται. πολλῷ δὲ συγγραφικώτερον τὸ ὀρθοῦν ἐν τοῖσ σχήμασι καὶ μὴ πλαγιάζειν, τὸ δὲ πλαγιάζειν τῶν πολιτικῶν ἐστι·

σεμνότητα γὰρ καὶ περιβολὴν ἔχει. εἰ μὲν οὖν ἐπλαγίαζεσ, οὕτωσ ἂν ἔλεγεσ· ληξάσησ δὲ τῆσ ἱπποδρομίασ, τὸ δὲ ὀρθοῦν τοιοῦτόν ἐστιν, ὡσ δὲ ἡ ἱπποδρομία ἔληξεν· ἀνειμένον δὲ τοῦτο καὶ ἀναπεπτωκὸσ εἶναι δοκεῖ. ὁ δὲ πολιτικὸσ οὐχ οὕτωσ ἂν ἐποίησεν, ἀλλὰ συντονώτερον, ἐπειδὴ δὲ ἡ ἱπποδρομία ἔληξεν. ὥσπερ δὲ ὁ πολιτικὸσ συνειλκυσμένοσ ἐστὶ καὶ συνειληφὼσ τὰ νοήματα, οὕτωσ ὁ ἀφελὴσ ὕπτιοσ καὶ ἀποτεταμένοσ. περιβολὴ δὲ καὶ τοῦτο, ὡσ ἐν τῷ Συμποσίῳ καὶ ὁ Σωκράτησ εἶπεν, ἐν πολλοῖσ μὲν καὶ ἄλλοισ δῆλον, καὶ ἐν οἷσ δὲ ἡ παῖσ.

ἐμπερίβολον εἶπεν· τί δέ ἐστι τὸ ποιῆσαν τὴν περιβολήν; τοῦ ἀορίστου ἡ πρόσληψισ καὶ ἐπί τι ὡρισμένον μετάστασισ, ἐν πολλοῖσ μὲν καὶ ἄλλοισ, δῆλον δὲ καὶ ἐν οἷσ ἡ παῖσ. Σωκρατικὸσ δὲ ὁ τρόποσ καὶ ἀρχαῖοσ τὸ ἐκ παντὸσ χρήσιμόν τι εἰσάγειν, ὅπου γε καὶ ἐξ ἀρχῆσ ἑώσ εὑρέθησαν περὶ ἀρετῆσ λόγοι, καὶ τὸ μέγιστον δόγμα ὅτι ἡ αὐτὴ ἀρετὴ ἀνδρῶν καὶ γυναικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Ars Rhetorica, περὶ ἀφελοῦσ λόγου., περὶ περιβολῆσ.

(아리스티데스, 아일리오스, Ars Rhetorica, περὶ ἀφελοῦσ λόγου., περὶ περιβολῆσ.)

상위

목록

SEARCH

MENU NAVIGATION