Appian, The Civil Wars, book 3, chapter 14 4:

(아피아노스, The Civil Wars, book 3, chapter 14 4:)

Ἁλοὺσ δὲ ὑπὸ λῃστῶν καὶ δεθείσ, ἤρετο μὲν ὅτου Κελτῶν δυνάστου τὸ ἔθνοσ εἰή, μαθὼν δ’ ὅτι Καμίλου, πολλὰ πεποιηκὼσ εὖ τὸν Κάμιλον, ἄγειν αὑτὸν αὐτοῖσ ἐσ τὸν Κάμιλον ἐκέλευεν. ὁ δὲ ἀχθέντα ἰδὼν ἐφιλοφρονεῖτο μὲν ἐσ τὸ φανερὸν καὶ τοῖσ δήσασιν ἐπεμέμφετο ὑπ’ ἀγνοίασ ἐνυβρίσασιν ἀνδρὶ τοσῷδε, κρύφα δ’ ἐπέστελλεν Ἀντωνίῳ. καὶ ὁ Ἀντώνιόσ τι παθὼν ἐπὶ τῇ μεταβολῇ οὐχ ὑπέστη τὸν ἄνδρα ἰδεῖν, ἀλλ’ ἐκέλευσε τῷ Καμίλῳ κτείναντα τὴν κεφαλὴν ἐσ αὑτὸν ἐκπέμψαι· καὶ τὴν κεφαλὴν ἰδὼν ἐκέλευσε τοῖσ παροῦσι θάψαι. τοῦτο Δέκμῳ τέλοσ ἦν, ἱππάρχῃ τε Καίσαροσ γενομένῳ καὶ ἄρξαντι τῆσ παλαιᾶσ Κελτικῆσ ὑπ’ ἐκείνῳ καὶ ἐσ τὸ μέλλον ἔτοσ ὑπατεύειν ὑπ’ αὐτοῦ κεχειροτονημένῳ καὶ τῆσ ἑτέρασ Κελτικῆσ ἄρχειν. καὶ δεύτεροσ τῶν σφαγέων οὗτοσ ἐπὶ Τρεβωνίῳ δίκην ἐδίδου μετ’ ἐνιαυτόν που καὶ ἥμισυ τῆσ ἀναιρέσεωσ. τῷ δ’ αὐτῷ χρόνῳ καὶ Μινούκιοσ Βάσιλοσ, σφαγεὺσ καὶ ὅδε Καίσαροσ, ὑπὸ τῶν θεραπόντων ἀνῃρέθη, εὐνουχίζων τινὰσ αὐτῶν ἐπὶ τιμωρίᾳ.

일치하는 문장이 없습니다.

SEARCH

MENU NAVIGATION