Appian, The Civil Wars, book 3, chapter 14 3:

(아피아노스, The Civil Wars, book 3, chapter 14 3:)

Τοσάδε μὲν ἀλλήλοισ ἐπέστειλαν, διώκοντι δὲ τῷ Ἀντωνίῳ Δέκμον προσγίγνεται Πολλίων Ἀσίνιοσ ἄγων δύο τέλη. ἤλλαξε δὲ τὴν ἐσθῆτα ἐσ τὸ Κελτικόν, ἐξεπιστάμενοσ ἅμα καὶ τὴν φωνήν, καὶ διεδίδρασκε σὺν ἐκείνοισ οἱᾶ́ τισ Κελτόσ, οὐ τὴν μακροτέραν ἔτι περιιών, ἀλλὰ ἐπὶ Ἀκυληίασ, λήσεσθαι νομίζων διὰ τὴν ὀλιγότητα. καὶ Πλάγκῳ μὲν Ἀσίνιοσ ἔπραξε διαλλαγάσ, καὶ ὁ Πλάγκοσ σὺν τρισὶ τέλεσι μεθίστατο ἐσ τὸν Ἀτώνιον, ὥστε ἤδη βαρυτάτησ δυνάμεωσ ἦρχεν ὁ Ἀντώνιοσ· Δέκμῳ δὲ ἦν τέλη δέκα, ὧν τέσσαρα μὲν τὰ ἐμπειροπολεμώτατα ὑπὸ λιμοῦ διέφθαρτο καὶ ἐνόσει ἔτι, τὰ νεοστράτευτα δὲ ἦν ἕξ, ἀταλαίπωρα ἔτι καὶ πόνων ἄπειρα. ἀπογνοὺσ οὖν μάχεσθαι, φεύγειν ἔκρινε πρὸσ Βροῦτον ἐσ Μακεδονίαν. ἔφευγε δ’ οὐκ ἐπὶ τάδε τῶν Ἄλπεων, ἀλλ’ ἐσ Ῥάβενναν ἢ Ἀκυληίαν. ἐπεὶ δὲ Καῖσαρ ὥδευε ταύτῃ, ἄλλην μακροτέραν ὁδὸν καὶ δύσπορον ἐπενόει, τόν τε Ῥῆνον περᾶσαι καὶ τὰ ἀγριώτερα τῶν βαρβάρων ὑπερελθεῖν· ὅθεν αὐτὸν ὑπό τε τῆσ ἀπορίασ καὶ τοῦ καμάτου πρῶτοι μὲν οἱ νεοστράτευτοι καταλιπόντεσ ἐσ Καίσαρα ἐχώρουν, ἐπὶ δὲ ἐκείνοισ καὶ τὰ ἀρχαιότερα τέσσαρα ἐσ Ἀντώνιον καὶ ὁ ἄλλοσ ὅμιλοσ ἤδη χωρὶσ τῶν σωματοφυλάκων ἱππέων Κελτῶν. ὁ δὲ καὶ τούτων τοῖσ ἐθέλουσιν ἐπιτρέψασ ἐσ τὰ οἰκεῖα σφῶν ἀφίστασθαι καὶ διαδοὺσ ἐκ τοῦ παρόντοσ ἔτι χρυσίου, μετὰ τριακοσίων τῶν παραμεινάντων μόνων ἐπὶ τὸν Ῥῆνον ἐφέρετο. δυσπόρου δ’ ὄντοσ αὐτοῦ περᾶν σὺν ὀλίγοισ, ἀπελείφθη καὶ ὑπὸ τῶνδε πλὴν δέκα μόνων.

일치하는 문장이 없습니다.

SEARCH

MENU NAVIGATION