Appian, The Civil Wars, book 3, chapter 14 2:

(아피아노스, The Civil Wars, book 3, chapter 14 2:)

Τοσάδε πράξασ ὁ Καῖσαρ ἐπενόει μὲν τὰσ ἐσ τὸν Ἀντώνιον διαλύσεισ, πυνθανόμενοσ ἤδη τοῖσ ἀμφὶ τὸν Βροῦτον εἴκοσι συνῆχθαι τέλη στρατοῦ, καὶ χρῄζων ἐπ’ αὐτὰ Ἀντωνίου, ἐξῄει δὲ τῆσ πόλεωσ ἐπὶ τὸν Ιὄνιον καὶ σχολαίωσ ἀνεζεύγνυε, τὰ παρὰ τῆσ βουλῆσ ἐπιμένων· Πέδιοσ γὰρ αὐτὴν ἀποστάντοσ τοῦ Καίσαροσ ἔπειθε τὰ ἐσ ἀλλήλουσ μὴ δυσίατα ποιουμένουσ συναλλαγῆναι Λεπίδῳ τε καὶ Ἀντωνίῳ. οἱ δὲ προεώρων μὲν ὅτι μὴ σφίσι μηδ’ ὑπὲρ τῆσ πατρίδοσ εἰσὶν αἱ διαλλαγαί, ἀλλ’ ἐσ συμμαχίαν Καίσαρι κατὰ Κασσίου τε καὶ Βρούτου, ἐπῄνουν δ’ ὅμωσ καὶ συνετίθεντο ὑπ’ ἀνάγκησ. καὶ τὰ πολέμια δόγματα Ἀντωνίου τε καὶ Λεπίδου καὶ τῶν ὑπ’ αὐτοῖσ στρατῶν κατελύετο, εἰρηναῖα δὲ ἕτερα αὐτοῖσ ἐπέμπετο. καὶ ὁ Καῖσαρ αὐτοῖσ συνήδετο γράφων, Ἀντωνίῳ δὲ καὶ βοηθὸσ ἐπὶ Δέκμου ὑπισχνεῖτο ἥξειν, εἰ δέοιτο. οἱ δὲ ἀντεφιλοφρονοῦντο μὲν αὐτὸν ἄφνω καὶ ἐπῄνουν, ὁ δ’ Ἀντώνιοσ ἔγραφεν αὐτὸσ ἀποτίσεσθαι Δέκμον τε ὑπὲρ Καίσαροσ καὶ Πλάγκον ὑπὲρ ἑαυτοῦ καὶ συμμίξειν Καίσαρι.

일치하는 문장이 없습니다.

SEARCH

MENU NAVIGATION