헬라어 문장 검색 - Αππιαν́ΤηεΞιϝί3́02́10́

(아피아노스, The Civil Wars, book 3, chapter 2 10:)

Τοιαῦτα τοῦ Καίσαροσ εἰπόντοσ ο Ἀντώνιοσ κατεπλάγη, τῆσ τε παρρησίασ καὶ τῆσ εὐτολμίασ παρὰ δόξαν οἱ πολλῆσ καὶ παρ’ ἡλικίαν φανείσησ· χαλεψάμενοσ δὲ τοῖσ τε λόγοισ οὐχ ὅσον ἔδει τὸ πρέπον ἐσ αὐτὸν ἐσχηκόσι καὶ μάλιστα τῶν χρημάτων τῇ ἀπαιτήσει, αὐστηρότερον αὐτὸν ὧδε ἠμείψατο· "εἰ μὲν ὁ Καῖσάρ σοι μετὰ κλήρου καὶ τῆσ ἐπωνυμίασ, ὦ παῖ, καὶ τὴν ἡγεμονίαν κατέλιπεν, εἰκὸσ σὲ τῶν κοινῶν τοὺσ λογισμοὺσ αἰτεῖν κἀμὲ ὑπέχειν. εἰ δὲ οὐδενί πω Ῥωμαῖοι τὴν ἡγεμονίαν ἔδοσαν ἐκ διαδοχῆσ, οὐδὲ τῶν βασιλέων, οὓσ ἐκβαλόντεσ ἐπώμοσαν μηδ’ ἄλλων ἔτι ἀνέξεσθαι, ὁ̔̀ καὶ τῷ πατρί σου μάλιστα οἱ φονεῖσ ἐπιλέγοντεσ φασὶν ἀνελεῖν αὐτὸν βασιλιζόμενον, οὐχ ἡγούμενον ἔτἰ, ἐμοὶ μὲν οὐδ’ ἀποκρίσεωσ δεῖ πρὸσ σὲ περὶ τῶν κοινῶν, τῷ δ’ αὐτῷ λόγῳ καὶ σὲ κουφίζω, μὴ χάριν ὀφείλειν ἡμῖν ἐπ’ αὐτοῖσ. ἐπράσσετο γὰρ οὐ σοῦ χάριν, ἀλλὰ τοῦ δήμου, πλὴν ἑνὸσ τοῦ μεγίστου δὴ μάλιστα πάντων ἔσ τε Καίσαρα καὶ σὲ ἔργου. εἰ γὰρ τοῦ κατ’ ἐμαυτὸν ἕνεκα ἀδεοῦσ καὶ ἀνεπιφθόνου περιεῖδον ἐγὼ τιμὰσ ψηφιζομένασ τοῖσ φονεῦσιν ὡσ τυραννοκτόνοισ, τύραννοσ ὁ Καῖσαρ ἐγίγνετο, ᾧ μήτε δόξησ μήτε τιμῆσ τινοσ ἢ τῶν ἐγνωσμένων βεβαιώσεωσ ἔτι μετῆν. οὐ διαθήκασ εἶχεν ἄν, οὐ παῖδα, οὐκ οὐσίαν, οὐκ αὐτὸ τὸ σῶμα ταφῆσ ἀξιούμενον, οὐδὲ ἰδιώτου· ἄταφα γὰρ οἱ νόμοι τὰ σώματα τῶν τυράννων ὑπερορίζουσι καὶ τὴν μνήμην ἀτιμοῦσι καὶ δημεύουσι τὴν περιουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 2 10:

(아피아노스, The Civil Wars, book 3, chapter 2 10:)

상위

목록

SEARCH

MENU NAVIGATION