Appian, The Civil Wars, book 3, chapter 2 9:

(아피아노스, The Civil Wars, book 3, chapter 2 9:)

"Ἐσ δὲ τὸ μέλλον, ὦ Ἀντώνιε, πρὸσ θεῶν τε φιλίων καὶ πρὸσ αὐτοῦ σοι Καίσαροσ, εἰ μέν τι καὶ τῶν γεγονότων μεταθέσθαι θέλεισ ̔δύνασαι γάρ, εἰ θέλεισ̓· εἰ δὲ μή, τά γε λοιπὰ τοὺσ φονέασ ἀμυνομένῳ μοι μετὰ τοῦ δήμου καὶ τῶνδε τῶν ἔτι μοι πατρικῶν φίλων συνίστασθαι καὶ συνεργεῖν· εἰ δέ σε τῶν ἀνδρῶν τισ ἢ τῆσ βουλῆσ αἰδὼσ ἔχει, μὴ ἐπιβαρεῖν. καὶ τάδε μὲν ἀμφὶ τούτων· οἶσθα δ’, ὅπωσ ἔχει μοι καὶ τὰ οἴκοι, δαπάνησ τε ἐσ τὴν διανομήν, ἣν ὁ πατὴρ ἐκέλευσε τῷ δήμῳ δοθῆναι, καὶ ἐπείξεωσ ἐσ αὐτήν, ἵνα μὴ βραδύνων ἀχάριστοσ εἶναι δοκοίην μηδ’ ὅσοι καταλεχθέντεσ εἰσ τὰσ ἀποικίασ ἐπιμένουσι τῇ πόλει, δι’ ἐμὲ τρίβοιντο. ὅσα δὴ τῶν Καίσαροσ εὐθέωσ ἐπὶ τῷ φόνῳ πρὸσ σὲ μετενήνεκται ὡσ ἐπ’ ἀσφαλὲσ ἐξ ἐπικινδύνου τότε οἰκίασ, τὰ μὲν κειμήλια αὐτῶν καὶ τὸν ἄλλον ἅπαντα κόσμον ἔχειν ἀξιῶ σε καὶ ὅσα ἂν ἐθέλῃσ ἄλλα παρ’ ἡμῶν ἐπιλαβεῖν, ἐσ δὲ τὴν διανομὴν ἀποδοῦναί μοι τὸ χρυσίον τὸ ἐπίσημον, ὃ συνηθροίκει μὲν ἐσ τοὺσ πολέμουσ ἐκεῖνοσ, οὓσ ἐπενόει, ἀρκέσει δ’ ἐμοὶ νῦν ἐσ τριάκοντα μυριάδασ ἀνδρῶν μεριζόμενον. τὰ δὲ λοιπὰ τῆσ δαπάνησ, εἰ μὲν θαρρήσαιμί σοι, παρὰ σοῦ ἂν ἴσωσ ἢ διὰ σοῦ δανεισαίμην ἐκ τῶν δημοσίων χρημάτων, ἂν διδῷσ· διαπεπράσεται δὲ αὐτίκα καὶ ἡ οὐσία.

일치하는 문장이 없습니다.

SEARCH

MENU NAVIGATION