Appian, The Civil Wars, book 3, chapter 2 8:

(아피아노스, The Civil Wars, book 3, chapter 2 8:)

"Ἀλλὰ Μάριοσ μὲν ἐξ ἐπιτάγματοσ ἀνῃρέθη κατὰ τὸ τῆσ ἀρχῆσ μέγεθοσ, ἀνδροφόνουσ δὲ ἐκφυγεῖν ὑπερεῖδεσ καὶ ἐσ ἡγεμονίασ ἐνίουσ διαδραμεῖν, ἃσ ἀθεμίστωσ ἔχουσι τὸν δόντα ἀνελόντεσ. Συρίαν μὲν δὴ καὶ Μακεδονίαν εὖ ποιοῦντεσ οἱ ὕπατοι, σὺ καὶ Δολοβέλλασ, καθισταμένων ἄρτι τῶν πραγμάτων περιεσπάσατε ἐσ ἑαυτούσ. καὶ τοῦδέ σοι χάριν ᾔδειν ἄν, εἰ μὴ αὐτίκα Κυρήνην καὶ Κρήτην αὐτοῖσ ἐψηφίσασθε καὶ φυγάδασ ἠξιώσατε ἡγεμονίαισ αἰεὶ κατ’ ἐμοῦ δορυφορεῖσθαι· Δέκμον τε τὴν ἐγγὺσ Κελτικὴν ὑπερορᾶτε ἔχοντα, καὶ τόνδε τοῖσ ἄλλοισ ὁμοίωσ αὐθέντην τοὐμοῦ πατρὸσ γενόμενον. ἀλλὰ καὶ τάδε τὴν βουλὴν ἐρεῖ τισ ἐγνωκέναι. σὺ δ’ ἐπεψήφιζεσ καὶ προυκάθησο τῆσ βουλῆσ, ᾧ μάλιστα πάντων ἡρ́μοζε διὰ σαυτὸν ἀντειπεῖν· τὸ γὰρ ἀμνηστίαν δοῦναι τὴν σωτηρίαν ἦν ἐκείνοισ χαριζομένων μόνον, τὸ δὲ ἡγεμονίασ αὖθισ ψηφίζεσθαι καὶ γέρα ὑβριζόντων Καίσαρα καὶ τὴν σὴν γνώμην ἀκυρούντων. "Ἐπὶ τάδε με δὴ τὸ πάθοσ ἐξήνεγκε παρὰ τὸ ἁρμόζον ἴσωσ ἐμοὶ τῆσ τε ἡλικίασ καὶ τῆσ πρὸσ σὲ αἰδοῦσ. εἴρηται δ’ ὅμωσ ὡσ ἐσ ἀκριβέστερον φίλον Καίσαρι καὶ πλείστησ ὑπ’ ἐκείνου τιμῆσ καὶ δυνάμεωσ ἠξιωμένον καὶ τάχα ἂν αὐτῷ καὶ θετὸν γενόμενον, εἰ ᾔδει σε δεξόμενον Αἰνεάδην ἀντὶ Ἡρακλείδου γενέσθαι· τοῦτο γὰρ αὐτὸν . . . ἐνδοιάσαι, πολὺν τῆσ διαδοχῆσ λόγον ποιούμενον.

일치하는 문장이 없습니다.

SEARCH

MENU NAVIGATION