헬라어 문장 검색 - Αππιαν́ΤηεΞιϝί3́01́05́

(아피아노스, The Civil Wars, book 3, chapter 1 5:)

Ὁ δέ, εἴτε εἰσ τοῦτο αὐτὸ πάντα πεπραχὼσ εἴτε τὴν συντυχίαν ὡσ εὔχρηστον ἀσπασάμενοσ τὴν φρουρὰν κατέλεγεν, αἰεὶ προστιθεὶσ μέχρι ἐσ ἑξακισχιλίουσ, οὐκ ἐκ τῶν γινομένων ὁπλιτῶν, οὓσ εὐμαρῶσ ἂν ἐν ταῖσ χρείαισ ᾤετο ἕξειν καὶ ἑτέρωθεν, ἀλλὰ πάντασ λοχαγοὺσ ὡσ ἡγεμονικούσ τε καὶ ἐμπειροπολέμουσ καί οἱ γνωρίμουσ ἐκ τῆσ στρατείασ τῆσ ὑπὸ Καίσαρι· ταξιάρχουσ δ’ αὐτοῖσ ἐσ τὸν πρέποντα κόσμον ἐξ αὐτῶν ἐκείνων ἐπιστήσασ ἦγεν ἐν τιμῇ καὶ κοινωνοὺσ ἐποιεῖτο τῶν φανερῶν βουλευμάτων. ἡ δὲ βουλὴ τό τε πλῆθοσ αὐτῶν καὶ τὴν ἐπίλεξιν ἐν ὑπονοίᾳ τιθέμενοι συνεβούλευον τὴν φρουρὰν ὡσ ἐπίφθονον ἐσ τὸ ἀρκοῦν ἐπαναγαγεῖν. ὁ δὲ ὑπισχνεῖτο ποιήσειν, ὅταν σβέσῃ τοῦ δήμου τὸ ταραχῶδεσ. ἐψηφισμένον δ’ εἶναι κύρια, ὅσα Καίσαρι πέπρακτό τε καὶ γενέσθαι βεβούλευτο, τὰ ὑπομνήματα τῶν βεβουλευμένων ὁ Ἀντώνιοσ ἔχων καὶ τὸν γραμματέα τοῦ Καίσαροσ Φαβέριον ἐσ πάντα οἱ πειθόμενον, διότι καὶ ὁ Καῖσαρ τὰ τοιάδε αἰτήματα ἐσ τὸν Ἀντώνιον ἐξιὼν ἀνετίθετο, πολλὰ ἐσ πολλῶν χάριν προσετίθει καὶ ἐδωρεῖτο πόλεσι καὶ δυνάσταισ καὶ τοῖσδε τοῖσ ἑαυτοῦ φρουροῖσ· καὶ ἐπεγράφετο μὲν πᾶσι τὰ Καίσαροσ ὑπομνήματα, τὴν δὲ χάριν οἱ λαβόντεσ ᾔδεσαν Ἀντωνίῳ. τῷ δὲ αὐτῷ τρόπῳ καὶ ἐσ τὸ βουλευτήριον πολλοὺσ κατέλεγε καὶ ἄλλα τῇ βουλῇ δι’ ἀρεσκείασ ἔπρασσεν, ἵνα μὴ φθονοῖεν ἔτι τῆσ φρουρᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 1 5:

(아피아노스, The Civil Wars, book 3, chapter 1 5:)

상위

목록

SEARCH

MENU NAVIGATION