헬라어 문장 검색 - Αππιαν́ΤηεΞιϝί3́01́04́

(아피아노스, The Civil Wars, book 3, chapter 1 4:)

Καὶ ὁ μὲν τάραχοσ ἐπέπαυτο, μῖσοσ δὲ ἄρρητον ἐξ ἀρρήτου εὐνοίασ τοῦ δήμου πρὸσ τὸν Ἀντώνιον ἐγήγερτο. ἡ βουλὴ δ’ ἔχαιρον ὡσ οὐκ ἂν ἑτέρωσ ἐν ἀδεεῖ περὶ τῶν ἀμφὶ τὸν Βροῦτον γενόμενοι. ὡσ δὲ καὶ Σέξστον Πομπήιον ὁ Ἀντώνιοσ, τὸν Πομπηίου Μάγνου περιποθήτου πᾶσιν ἔτι ὄντοσ, εἰσηγήσατο καλεῖν ἐξ Ἰβηρίασ, πολεμούμενον ἔτι πρὸσ τῶν Καίσαροσ στρατηγῶν, ἀντί τε τῆσ πατρῴασ οὐσίασ δεδημευμένησ ἐκ τῶν κοινῶν αὐτῷ δοθῆναι μυριάδασ Ἀττικῶν δραχμῶν πεντακισχιλίασ, εἶναι δὲ καὶ στρατηγὸν ἤδη τῆσ θαλάσσησ, καθὼσ ἦν καὶ ὁ πατὴρ αὐτοῦ, καὶ ταῖσ Ῥωμαίων ναυσὶν αὐτίκα ταῖσ πανταχοῦ χρῆσθαι εἰσ τὰ ἐπείγοντα, θαυμάζουσα ἕκαστα ἡ βουλὴ μετὰ προθυμίασ ἐξεδέχετο καὶ τὸν Ἀντώνιον ἐπὶ ὅλην εὐφήμουν ἡμέραν· οὐ γάρ τισ αὐτοῖσ ἐδόκει Μάγνου γενέσθαι δημοκρατικώτεροσ, ὅθεν οὐδὲ περιποθητότεροσ ἦν. ὅ τε Κάσσιοσ καὶ ὁ Βροῦτοσ, ἐκ τῆσ στάσεωσ ὄντε τῆσ Μάγνου καὶ πᾶσι τότε τιμιωτάτω, τὴν σωτηρίαν ἐδόκουν ἕξειν ἀσφαλῆ καὶ τὴν γνώμην ὧν ἐπεπράχεσαν ἐγκρατῆ, καὶ τὴν δημοκρατίαν ἐσ τέλοσ ἐπάξεσθαι, τῆσ μοίρασ σφῶν ἀνισχούσησ. ἃ καὶ Κικέρων συνεχῶσ ἐπῄνει τὸν Ἀντώνιον· καὶ ἡ βουλὴ συγγινώσκουσα αὐτῷ διὰ σφᾶσ ἐπιβουλεύοντα τὸν δῆμον ἔδωκε φρουρὰν περιστήσασθαι περὶ τὸ σῶμα, ἐκ τῶν ἐστρατευμένων καὶ ἐπιδημούντων ἑαυτῷ καταλέγοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 3, chapter 1 4:

(아피아노스, The Civil Wars, book 3, chapter 1 4:)

상위

목록

SEARCH

MENU NAVIGATION