Aeschines, Speeches, κατὰ Κτησιφῶντος, section 167

(아이스키네스, 연설, κατὰ Κτησιφῶντος, section 167)

ταῦτα δὲ τί ἐστιν, ὦ κίναδοσ; ῥήματα ἢ θαύματα; καὶ πάλιν ὅτε κύκλῳ περιδινῶν σεαυτὸν ἐπὶ τοῦ βήματοσ ἔλεγεσ, ὡσ ἀντιπράττων Ἀλεξάνδρῳ· "ὁμολογῶ τὰ Λακωνικὰ συστῆσαι, ὁμολογῶ Θετταλοὺσ καὶ Περραιβοὺσ ἀφιστάναι. σὺ Θετταλοὺσ ἀφιστάναι; σὺ γὰρ ἂν κώμην ἀποστήσειασ; σὺ γὰρ ἂν προσέλθοισ μὴ ὅτι πρὸσ πόλιν, ἀλλὰ πρὸσ οἰκίαν, ὅπου κίνδυνοσ πρόσεστιν; ἀλλ’ εἰ μέν που χρήματα ἀναλίσκεται, προσκαθιζήσει, πρᾶξιν δὲ ἀνδρὸσ οὐ πράξεισ· ἐὰν δ’ αὐτόματόν τι συμβῇ, προσποιήσῃ καὶ σαυτὸν ἐπὶ τὸ γεγενημένον ἐπιγράψεισ· ἂν δ’ ἔλθῃ φόβοσ τισ, ἀποδράσῃ· ἂν δὲ θαρρήσωμεν, δωρεὰσ αἰτήσεισ καὶ χρυσοῦσ στεφάνουσ.

상위

Speeches (연설)

목록

일치하는 문장이 없습니다.

SEARCH

MENU NAVIGATION