호흡부호 보기
강세부호 보기
장단부호 보기
작은 Iota 보기
모든 부호 보기
ἡμεῖσ μὲν οὖν, ὦ ἄνδρεσ Ἀθηναῖοι, κατεμείναμεν διὰ τοῦτο τὸ ψήφισμα, οἱ δ’ ἄλλοι Ἀμφικτύονεσ συνελέγησαν εἰσ Πύλασ πλὴν μιᾶσ πόλεωσ, ἧσ ἐγὼ οὔτ’ ἂν τοὔνομα εἴποιμι, μήθ’ αἱ συμφοραὶ παραπλήσιοι γένοιντο αὐτῆσ μηδενὶ τῶν Ἑλλήνων. καὶ συνελθόντεσ ἐψηφίσαντο ἐπιστρατεύειν ἐπὶ τοὺσ Ἀμφισσέασ, καὶ στρατηγὸν εἵλοντο Κόττυφον τὸν Φαρσάλιον τὸν τότε τὰσ γνώμασ ἐπιψηφίζοντα, οὐκ ἐπιδημοῦντοσ ἐν Μακεδονία Φιλίππου, οὐδ’ ἐν τῇ Ἑλλάδι παρόντοσ, ἀλλ’ ἐν Σκύθαισ οὕτω μακρὰν ἀπόντοσ· ὃν αὐτίκα μάλα τολμήσει λέγειν Δημοσθένησ ὡσ ἐγὼ ἐπὶ τοὺσ Ἕλληνασ ἐπήγαγον.
호흡부호 보기
강세부호 보기
장단부호 보기
작은 Iota 보기
모든 부호 보기