호흡부호 보기
강세부호 보기
장단부호 보기
작은 Iota 보기
모든 부호 보기
κατιδόντεσ δ’ αὐτὸν οἱ τῇ τῆσ πόλεωσ προσπολεμοῦντεσ ἡσυχίᾳ, ἄσμενοι παρεκάλουν ἐπὶ τὸ βῆμα, τὸν μόνον ἀδωροδόκητον ὀνομάζοντεσ τῇ πόλει· ὁ δὲ παριὼν ἀρχὰσ αὐτοῖσ ἐνεδίδου πολέμου καὶ ταραχῆσ. οὗτόσ ἐστιν, ὦ ἄνδρεσ Ἀθηναῖοι, ὁ πρῶτοσ ἐξευρὼν Σέρριον τεῖχοσ καὶ Δορίσκον καὶ Ἐργίσκην καὶ Μυρτίσκην καὶ Γάνοσ καὶ Γανιάδα, χωρία ὧν οὐδὲ τὰ ὀνόματα ᾔδεμεν πρότερον. καὶ εἰσ τοῦτο φέρων περιέστησε τὰ πράγματα, ὥστ’ εἰ μὲν μὴ πέμποι πρέσβεισ Φίλιπποσ, καταφρονεῖν αὐτὸν ἔφη τῆσ πόλεωσ, εἰ δὲ πέμποι, κατασκόπουσ πέμπειν, ἀλλ’ οὐ πρέσβεισ.
호흡부호 보기
강세부호 보기
장단부호 보기
작은 Iota 보기
모든 부호 보기