호흡부호 보기
강세부호 보기
장단부호 보기
작은 Iota 보기
모든 부호 보기
ὅτι δ’ ἀληθῆ λέγω, σημεῖον ὑμῖν μέγα τούτου ἐξ αὐτῶν τῶν νόμων ἐπιδείξω. αὐτὸν γὰρ τὸν χρυσοῦν στέφανον, ὃσ ἂν ἐν τῷ θεάτρῳ τῷ ἐν ἄστει ἀναρρηθῇ, ἱερὸν εἶναι τῆσ Ἀθηνᾶσ ὁ νόμοσ κελεύει, ἀφελόμενοσ τὸν στεφανούμενον. καίτοι τίσ ἂν ὑμῶν τολμήσειε τοσαύτην ἀνελευθερίαν καταγνῶναι τοῦ δήμου τοῦ Ἀθηναίων; μὴ γὰρ ὅτι πόλισ, ἀλλ’ οὐδ’ ἂν ἰδιώτησ οὐδὲ εἷσ οὕτωσ ἀγεννὴσ γένοιτο, ὥστε ὃν αὐτὸσ ἔδωκε στέφανον ἅμα ἀνακηρύττειν καὶ ἀφαιρεῖσθαι. ἀλλ’ οἶμαι διὰ τὸ ξενικὸν εἶναι τὸν στέφανον καὶ ἡ καθιέρωσισ γίγνεται, ἵνα μηδεὶσ ἀλλοτρίαν εὔνοιαν περὶ πλείονοσ ποιούμενοσ τῆσ πατρίδοσ χείρων γένηται τὴν ψυχήν.
호흡부호 보기
강세부호 보기
장단부호 보기
작은 Iota 보기
모든 부호 보기