호흡부호 보기
강세부호 보기
장단부호 보기
작은 Iota 보기
모든 부호 보기
ἃ χρὴ διαμνημονεύοντασ ὑμᾶσ μισεῖν τοὺσ τὰ παράνομα γράφοντασ, καὶ μηδὲν ἡγεῖσθαι μικρὸν εἶναι τῶν τοιούτων ἀδικημάτων, ἀλλ’ ἕκαστον ὑπερμέγεθεσ, καὶ τοῦθ’ ὑμῶν τὸ δίκαιον μηδένα ἐᾶν ἀνθρώπων ἐξαιρεῖσθαι, μήτε τὰσ τῶν στρατηγῶν συνηγορίασ, οἳ ἐπὶ πολὺν ἤδη χρόνον συνεργοῦντέσ τισι τῶν ῥητόρων λυμαίνονται τὴν πολιτείαν, μήτε τὰσ τῶν ξένων δεήσεισ, οὓσ ἀναβιβαζόμενοί τινεσ ἐκφεύγουσιν ἐκ τῶν δικαστηρίων, παράνομον πολιτείαν πολιτευόμενοι· ἀλλ’ ὥσπερ ἂν ὑμῶν ἕκαστοσ αἰσχυνθείη τὴν τάξιν λιπεῖν ἣν ἂν ταχθῇ ἐν τῷ πολέμῳ, οὕτω καὶ νῦν αἰσχύνθητε ἐκλιπεῖν τὴν τάξιν ἣν τέταχθε ὑπὸ τῶν νόμων φύλακεσ τῆσ δημοκρατίασ τήνδε τὴν ἡμέραν.
호흡부호 보기
강세부호 보기
장단부호 보기
작은 Iota 보기
모든 부호 보기