Xenophon, Cyropaedia, Κύρου Παιδείασ Η, chapter 1 47:

καταμαθεῖν δὲ τοῦ Κύρου δοκοῦμεν ὡσ οὐ τούτῳ μόνῳ ἐνόμιζε χρῆναι τοὺσ ἄρχοντασ τῶν ἀρχομένων διαφέρειν, τῷ βελτίονασ αὐτῶν εἶναι, ἀλλὰ καὶ καταγοητεύειν ᾤετο χρῆναι αὐτούσ. στολήν τε γοῦν εἵλετο τὴν Μηδικὴν αὐτόσ τε φορεῖν καὶ τοὺσ κοινῶνασ ταύτην ἔπεισεν ἐνδύεσθαι· ‐ αὕτη γὰρ αὐτῷ συγκρύπτειν ἐδόκει εἴ τίσ τι ἐν τῷ σώματι ἐνδεὲσ ἔχοι, καὶ καλλίστουσ καὶ μεγίστουσ ἐπιδεικνύναι τοὺσ φοροῦντασ·