헬라어 문장 검색 - ΧενοπήΑναβασί4́7́

(크세노폰, Anabasis, Κύρου Ἀναβάσεωσ Δ, chapter 7)

ἐκ δὲ τούτων ἐπορεύθησαν εἰσ Ταόχουσ σταθμοὺσ πέντε παρασάγγασ τριάκοντα· καὶ τὰ ἐπιτήδεια ἐπέλειπε· χωρία γὰρ ᾤκουν ἰσχυρὰ οἱ Τάοχοι, ἐν οἷσ καὶ τὰ ἐπιτήδεια ἅπαντα εἶχον ἀνακεκομισμένοι. ἐπεὶ δ’ ἀφίκοντο πρὸσ χωρίον ὃ πόλιν μὲν οὐκ εἶχεν οὐδ’ οἰκίασ, συνεληλυθότεσ δ’ ἦσαν αὐτόσε καὶ ἄνδρεσ καὶ γυναῖκεσ καὶ κτήνη πολλά, Χειρίσοφοσ μὲν οὖν πρὸσ τοῦτο προσέβαλλεν εὐθὺσ ἥκων·

ἐπειδὴ δὲ ἡ πρώτη τάξισ ἀπέκαμνεν, ἄλλη προσῄει καὶ αὖθισ ἄλλη· οὐ γὰρ ἦν ἁθρόοισ περιστῆναι, ἀλλ’ ἀπότομον ἦν κύκλῳ. ἐπειδὴ δὲ Ξενοφῶν ἦλθε σὺν τοῖσ ὀπισθοφύλαξι καὶ πελτασταῖσ καὶ ὁπλίταισ, ἐνταῦθα δὴ λέγει Χειρίσοφοσ·

εἰσ καλὸν ἥκετε· τὸ γὰρ χωρίον αἱρετέον· τῇ γὰρ στρατιᾷ οὐκ ἔστι τὰ ἐπιτήδεια, εἰ μὴ ληψόμεθα τὸ χωρίον. ἐνταῦθα δὴ κοινῇ ἐβουλεύοντο·

καὶ τοῦ Ξενοφῶντοσ ἐρωτῶντοσ τί τὸ κωλῦον εἰή εἰσελθεῖν, εἶπεν ὁ Χειρίσοφοσ· μία αὕτη πάροδόσ ἐστιν ἣν ὁρᾷσ· ὅταν δέ τισ ταύτῃ πειρᾶται παριέναι, κυλίνδουσι λίθουσ ὑπὲρ ταύτησ τῆσ ὑπερεχούσησ πέτρασ· ὃσ δ’ ἂν καταληφθῇ, οὕτω διατίθεται. ἅμα δ’ ἔδειξε συντετριμμένουσ ἀνθρώπουσ καὶ σκέλη καὶ πλευράσ. ἢν δὲ τοὺσ λίθουσ ἀναλώσωσιν, ἔφη ὁ Ξενοφῶν, ἄλλο τι ἢ οὐδὲν κωλύει παριέναι;

οὐ γὰρ δὴ ἐκ τοῦ ἐναντίου ὁρῶμεν εἰ μὴ ὀλίγουσ τούτουσ ἀνθρώπουσ, καὶ τούτων δύο ἢ τρεῖσ ὡπλισμένουσ. τὸ δὲ χωρίον, ὡσ καὶ σὺ ὁρᾷσ, σχεδὸν τρία ἡμίπλεθρά ἐστιν ὃ δεῖ βαλλομένουσ διελθεῖν·

τούτου δὲ ὅσον πλέθρον δασὺ πίτυσι διαλειπούσαισ μεγάλαισ, ἀνθ’ ὧν ἑστηκότεσ ἄνδρεσ τί ἂν πάσχοιεν ἢ ὑπὸ τῶν φερομένων λίθων ἢ ὑπὸ τῶν κυλινδομένων; τὸ λοιπὸν οὖν γίγνεται ὡσ ἡμίπλεθρον, ὃ δεῖ ὅταν λωφήσωσιν οἱ λίθοι παραδραμεῖν. ἀλλὰ εὐθύσ, ἔφη ὁ Χειρίσοφοσ, ἐπειδὰν ἀρξώμεθα εἰσ τὸ δασὺ προσιέναι, φέρονται οἱ λίθοι πολλοί.

αὐτὸ ἄν, ἔφη, τὸ δέον εἰή· θᾶττον γὰρ ἀναλώσουσι τοὺσ λίθουσ. ἀλλὰ πορευώμεθα ἔνθεν ἡμῖν μικρόν τι παραδραμεῖν ἔσται, ἢν δυνώμεθα, καὶ ἀπελθεῖν ῥᾴδιον, ἢν βουλώμεθα. ἐντεῦθεν ἐπορεύοντο Χειρίσοφοσ καὶ Ξενοφῶν καὶ Καλλίμαχοσ Παρράσιοσ λοχαγόσ·

τούτου γὰρ ἡ ἡγεμονία ἦν τῶν ὀπισθοφυλάκων λοχαγῶν ἐκείνῃ τῇ ἡμέρᾳ· οἱ δὲ ἄλλοι λοχαγοὶ ἔμενον ἐν τῷ ἀσφαλεῖ. μετὰ τοῦτο οὖν ἀπῆλθον ὑπὸ τὰ δένδρα ἄνθρωποι ὡσ ἑβδομήκοντα, οὐχ ἁθρόοι ἀλλὰ καθ’ ἕνα, ἕκαστοσ φυλαττόμενοσ ὡσ ἐδύνατο. Ἀγασίασ δὲ ὁ Στυμφάλιοσ καὶ Ἀριστώνυμοσ Μεθυδριεὺσ καὶ οὗτοι τῶν ὀπισθοφυλάκων λοχαγοὶ ὄντεσ, καὶ ἄλλοι δέ, ἐφέστασαν ἔξω τῶν δένδρων·

οὐ γὰρ ἦν ἀσφαλῶσ ἐν τοῖσ δένδροισ ἑστάναι πλέον ἢ τὸν ἕνα λόχον. ἔνθα δὴ Καλλίμαχοσ μηχανᾶταί τι·

προύτρεχεν ἀπὸ τοῦ δένδρου ὑφ’ ᾧ ἦν αὐτὸσ δύο ἢ τρία βήματα· ἐπειδὴ δὲ οἱ λίθοι φέροιντο, ἀνέχαζεν εὐπετῶσ· ἐφ’ ἑκάστησ δὲ τῆσ προδρομῆσ πλέον ἢ δέκα ἅμαξαι πετρῶν ἀνηλίσκοντο. ὁ δὲ Ἀγασίασ ὡσ ὁρᾷ τὸν Καλλίμαχον ἃ ἐποίει τὸ στράτευμα πᾶν θεώμενον, δείσασ μὴ οὐ πρῶτοσ παραδράμῃ εἰσ τὸ χωρίον, οὐδὲ τὸν Ἀριστώνυμον πλησίον ὄντα παρακαλέσασ οὐδὲ Εὐρύλοχον τὸν Λουσιέα, ἑταίρουσ ὄντασ, οὐδὲ ἄλλον οὐδένα χωρεῖ αὐτόσ, καὶ παρέρχεται πάντασ.

ὁ δὲ Καλλίμαχοσ ὡσ ὁρᾷ αὐτὸν παριόντα, ἐπιλαμβάνεται αὐτοῦ τῆσ ἴτυοσ·

ἐν δὲ τούτῳ παραθεῖ αὐτοὺσ Ἀριστώνυμοσ Μεθυδριεύσ, καὶ μετὰ τοῦτον Εὐρύλοχοσ Λουσιεύσ· πάντεσ γὰρ οὗτοι ἀντεποιοῦντο ἀρετῆσ καὶ διηγωνίζοντο πρὸσ ἀλλήλουσ· καὶ οὕτωσ ἐρίζοντεσ αἱροῦσι τὸ χωρίον. ὡσ γὰρ ἅπαξ εἰσέδραμον, οὐδεὶσ πέτροσ ἄνωθεν ἠνέχθη. ἐνταῦθα δὴ δεινὸν ἦν θέαμα.

αἱ γὰρ γυναῖκεσ ῥίπτουσαι τὰ παιδία εἶτα ἑαυτὰσ ἐπικατερρίπτουν, καὶ οἱ ἄνδρεσ ὡσαύτωσ. ἐνταῦθα δὴ καὶ Αἰνείασ Στυμφάλιοσ λοχαγὸσ ἰδών τινα θέοντα ὡσ ῥίψοντα ἑαυτὸν στολὴν ἔχοντα καλὴν ἐπιλαμβάνεται ὡσ κωλύσων· ὁ δὲ αὐτὸν ἐπισπᾶται, καὶ ἀμφότεροι ᾤχοντο κατὰ τῶν πετρῶν φερόμενοι καὶ ἀπέθανον.

ἐντεῦθεν ἄνθρωποι μὲν πάνυ ὀλίγοι ἐλήφθησαν, βόεσ δὲ καὶ ὄνοι πολλοὶ καὶ πρόβατα. ἐντεῦθεν ἐπορεύθησαν διὰ Χαλύβων σταθμοὺσ ἑπτὰ παρασάγγασ πεντήκοντα.

οὗτοι ἦσαν ὧν διῆλθον ἀλκιμώτατοι, καὶ εἰσ χεῖρασ ᾖσαν. εἶχον δὲ θώρακασ λινοῦσ μέχρι τοῦ ἤτρου, ἀντὶ δὲ τῶν πτερύγων σπάρτα πυκνὰ ἐστραμμένα. εἶχον δὲ καὶ κνημῖδασ καὶ κράνη καὶ παρὰ τὴν ζώνην μαχαίριον ὅσον ξυήλην Λακωνικήν, ᾧ ἔσφαττον ὧν κρατεῖν δύναιντο, καὶ ἀποτεμόντεσ ἂν τὰσ κεφαλὰσ ἔχοντεσ ἐπορεύοντο, καὶ ᾖδον καὶ ἐχόρευον ὁπότε οἱ πολέμιοι αὐτοὺσ ὄψεσθαι ἔμελλον.

εἶχον δὲ καὶ δόρυ ὡσ πεντεκαίδεκα πήχεων μίαν λόγχην ἔχον. οὗτοι ἐνέμενον ἐν τοῖσ πολίσμασιν·

ἐπεὶ δὲ παρέλθοιεν οἱ Ἕλληνεσ, εἵποντο ἀεὶ μαχούμενοι. ᾤκουν δὲ ἐν τοῖσ ὀχυροῖσ, καὶ τὰ ἐπιτήδεια ἐν τούτοισ ἀνακεκομισμένοι ἦσαν· ὥστε μηδὲν λαμβάνειν αὐτόθεν τοὺσ Ἕλληνασ, ἀλλὰ διετράφησαν τοῖσ κτήνεσιν ἃ ἐκ τῶν Ταόχων ἔλαβον. ἐκ τούτων οἱ Ἕλληνεσ ἀφίκοντο ἐπὶ Ἅρπασον ποταμόν, εὖροσ τεττάρων πλέθρων.

ἐντεῦθεν ἐπορεύθησαν διὰ Σκυθηνῶν σταθμοὺσ τέτταρασ παρασάγγασ εἴκοσι διὰ πεδίου εἰσ κώμασ· ἐν αἷσ ἔμειναν ἡμέρασ τρεῖσ καὶ ἐπεσιτίσαντο. ἐντεῦθεν διῆλθον σταθμοὺσ τέτταρασ παρασάγγασ εἴκοσι πρὸσ πόλιν μεγάλην καὶ εὐδαίμονα καὶ οἰκουμένην ἣ ἐκαλεῖτο Γυμνιάσ.

ἐκ ταύτησ τῆσ χώρασ ὁ ἄρχων τοῖσ Ἕλλησιν ἡγεμόνα πέμπει, ὅπωσ διὰ τῆσ ἑαυτῶν πολεμίασ χώρασ ἄγοι αὐτούσ. ἐλθὼν δ’ ἐκεῖνοσ λέγει ὅτι ἄξει αὐτοὺσ πέντε ἡμερῶν εἰσ χωρίον ὅθεν ὄψονται θάλατταν·

εἰ δὲ μή, τεθνάναι ἐπηγγείλατο. καὶ ἡγούμενοσ ἐπειδὴ ἐνέβαλλεν εἰσ τὴν ἑαυτοῦ πολεμίαν, παρεκελεύετο αἴθειν καὶ φθείρειν τὴν χώραν· ᾧ καὶ δῆλον ἐγένετο ὅτι τούτου ἕνεκα ἔλθοι, οὐ τῆσ τῶν Ἑλλήνων εὐνοίασ. καὶ ἀφικνοῦνται ἐπὶ τὸ ὄροσ τῇ πέμπτῃ ἡμέρᾳ·

ὄνομα δὲ τῷ ὄρει ἦν Θήχησ. ἐπεὶ δὲ οἱ πρῶτοι ἐγένοντο ἐπὶ τοῦ ὄρουσ καὶ κατεῖδον τὴν θάλατταν, κραυγὴ πολλὴ ἐγένετο. ἀκούσασ δὲ ὁ Ξενοφῶν καὶ οἱ ὀπισθοφύλακεσ ᾠήθησαν ἔμπροσθεν ἄλλουσ ἐπιτίθεσθαι πολεμίουσ·

εἵποντο γὰρ ὄπισθεν ἐκ τῆσ καιομένησ χώρασ, καὶ αὐτῶν οἱ ὀπισθοφύλακεσ ἀπέκτεινάν τέ τινασ καὶ ἐζώγρησαν ἐνέδραν ποιησάμενοι, καὶ γέρρα ἔλαβον δασειῶν βοῶν ὠμοβόεια ἀμφὶ τὰ εἴκοσιν. ἐπειδὴ δὲ βοὴ πλείων τε ἐγίγνετο καὶ ἐγγύτερον καὶ οἱ ἀεὶ ἐπιόντεσ ἔθεον δρόμῳ ἐπὶ τοὺσ ἀεὶ βοῶντασ καὶ πολλῷ μείζων ἐγίγνετο ἡ βοὴ ὅσῳ δὴ πλείουσ ἐγίγνοντο, ἐδόκει δὴ μεῖζόν τι εἶναι τῷ Ξενοφῶντι, καὶ ἀναβὰσ ἐφ’ ἵππον καὶ Λύκιον καὶ τοὺσ ἱππέασ ἀναλαβὼν παρεβοήθει·

καὶ τάχα δὴ ἀκούουσι βοώντων τῶν στρατιωτῶν θάλαττα θάλαττα καὶ παρεγγυώντων.

ἔνθα δὴ ἔθεον πάντεσ καὶ οἱ ὀπισθοφύλακεσ, καὶ τὰ ὑποζύγια ἠλαύνετο καὶ οἱ ἵπποι. ἐπεὶ δὲ ἀφίκοντο πάντεσ ἐπὶ τὸ ἄκρον, ἐνταῦθα δὴ περιέβαλλον ἀλλήλουσ καὶ στρατηγοὺσ καὶ λοχαγοὺσ δακρύοντεσ.

καὶ ἐξαπίνησ ὅτου δὴ παρεγγυήσαντοσ οἱ στρατιῶται φέρουσι λίθουσ καὶ ποιοῦσι κολωνὸν μέγαν. ἐνταῦθα ἀνετίθεσαν δερμάτων πλῆθοσ ὠμοβοείων καὶ βακτηρίασ καὶ τὰ αἰχμάλωτα γέρρα, καὶ ὁ ἡγεμὼν αὐτόσ τε κατέτεμνε τὰ γέρρα καὶ τοῖσ ἄλλοισ διεκελεύετο.

μετὰ ταῦτα τὸν ἡγεμόνα οἱ Ἕλληνεσ ἀποπέμπουσι δῶρα δόντεσ ἀπὸ κοινοῦ ἵππον καὶ φιάλην ἀργυρᾶν καὶ σκευὴν Περσικὴν καὶ δαρεικοὺσ δέκα·

ᾔτει δὲ μάλιστα τοὺσ δακτυλίουσ, καὶ ἔλαβε πολλοὺσ παρὰ τῶν στρατιωτῶν. κώμην δὲ δείξασ αὐτοῖσ οὗ σκηνήσουσι καὶ τὴν ὁδὸν ἣν πορεύσονται εἰσ Μάκρωνασ, ἐπεὶ ἑσπέρα ἐγένετο, ᾤχετο τῆσ νυκτὸσ ἀπιών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Δ, chapter 7

(크세노폰, Anabasis, Κύρου Ἀναβάσεωσ Δ, chapter 7)

상위

목록

SEARCH

MENU NAVIGATION