헬라어 문장 검색 - Σεπτύ048́024́

(70인역 성경, 에제키엘서 24:)

ΚΑΙ ἐγένετο λόγοσ Κυρίου πρόσ με ἐν τῷ ἔτει τῷ ἐνάτῳ, ἐν τῷ μηνὶ τῷ δεκάτῳ, δεκάτῃ τοῦ μηνόσ, λέγων. υἱὲ ἀνθρώπου, γράψον σεαυτῷ εἰσ ἡμέραν ἀπὸ τῆσ ἡμέρασ ταύτησ, ἀφ’ ἧσ ἀπηρείσατο βασιλεὺσ Βαβυλῶνοσ ἐπὶ Ἱερουσαλήμ, ἀπὸ τῆσ ἡμέρασ τῆσ σήμερον, καὶ εἰπὸν ἐπὶ τὸν οἶκον τὸν παραπικραίνοντα παραβολὴν καὶ ἐρεῖσ πρὸσ αὐτούσ. τάδε λέγει Κύριοσ. ἐπίστησον τὸν λέβητα καὶ ἔγχεον εἰσ αὐτὸν ὕδωρ καὶ ἔμβαλε εἰσ αὐτὸν τὰ διχοτομήματα, πᾶν διχοτόμημα καλόν, σκέλοσ καὶ ὦμον ἐκσεσαρκισμένα ἀπὸ τῶν ὀστῶν ἐξ ἐπιλέκτων κτηνῶν εἰλημμένων καὶ ὑπόκαιε τὰ ὀστᾶ ὑποκάτω αὐτῶν. ἔζεσεν ἔζεσε, καὶ ἥψηται τὰ ὀστᾶ αὐτῆσ ἐν μέσῳ αὐτῆσ. διὰ τοῦτο τάδε λέγει Κύριοσ. ὦ πόλισ αἱμάτων, λέβησ ἐν ᾧ ἐστιν ἰὸσ ἐν αὐτῷ, καὶ ὁ ἰὸσ οὐκ ἐξῆλθεν ἐξ αὐτῆσ. κατὰ μέλοσ αὐτῆσ ἐξήνεγκεν, οὐκ ἔπεσεν ἐπ’ αὐτὴν κλῆροσ. ὅτι αἷμα αὐτῆσ ἐν μέσῳ αὐτῆσ ἐστιν, ἐπὶ λεωπετρίαν τέταχα αὐτό. οὐκ ἐκκέχυκα αὐτὸ ἐπὶ τὴν γῆν τοῦ καλύψαι ἐπ’ αὐτὸ γῆν. τοῦ ἀναβῆναι θυμὸν εἰσ ἐκδίκησιν ἐκδικηθῆναι δέδωκα τὸ αἷμα αὐτῆσ ἐπὶ λεωπετρίαν τοῦ μὴ καλύψαι αὐτό. διὰ τοῦτο τάδε λέγει Κύριοσ. κἀγὼ μεγαλυνῶ τὸν δαλὸν καὶ πληθυνῶ τὰ ξύλα καὶ ἀνακαύσω τὸ πῦρ, ὅπωσ τακῇ τὰ κρέα καὶ ἐλαττωθῇ ὁ ζωμὸς καὶ στῇ ἐπὶ τοὺσ ἄνθρακασ, ὅπωσ προσκαυθῇ καὶ θερμανθῇ ὁ χαλκὸσ αὐτῆσ καὶ τακῇ ἐν μέσῳ ἀκαθαρσίασ αὐτῆσ, καὶ ἐκλίπῃ ὁ ἰὸσ αὐτῆσ, καὶ οὐ μὴ ἐξέλθῃ ἐξ αὐτῆσ πολὺσ ὁ ἰὸσ αὐτῆσ, καταισχυνθήσεται ὁ ἰὸσ αὐτῆσ, ἀνθ’ ὧν ἐμιαίνου σύ. καὶ τί ἐὰν μὴ καθαρισθῇσ ἔτι, ἕωσ οὗ ἐμπλήσω τὸν θυμόν μου̣ ἐγὼ Κύριοσ λελάληκα, καὶ ἥξει, καὶ ποιήσω, οὐ διαστελῶ οὐδὲ μὴ ἐλεήσω. κατὰ τὰσ ὁδούσ σου, καὶ κατὰ τὰ ἐνθυμήματά σου κρινῶ σε, λέγει Κύριοσ. διὰ τοῦτο ἐγὼ κρινῶ σε κατὰ τὰ αἵματά σου καὶ κατὰ τὰ ἐνθυμήματά σου κρινῶ σε, ἡ ἀκάθαρτοσ, ἡ ὀνομαστὴ καὶ πολλὴ τοῦ παραπικραίνειν. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, ἰδοὺ ἐγὼ λαμβάνω ἐκ σοῦ τὰ ἐπιθυμήματα τῶν ὀφθαλμῶν σου ἐν παρατάξει. οὐ μὴ κοπῇσ οὐδ’ οὐ μὴ κλαυσθῇσ. στεναγμὸσ αἵματοσ, ὀσφύοσ, πένθουσ ἐστίν. οὐκ ἔσται τὸ τρίχωμά σου συμπεπλεγμένον ἐπὶ σὲ καὶ τὰ ὑποδήματά σου ἐν τοῖσ ποσί σου, οὐ μὴ παρακληθῇσ ἐν χείλεσιν αὐτῶν καὶ ἄρτον ἀνδρῶν οὐ μὴ φάγῃσ. καὶ ἐλάλησα πρὸσ τὸν λαὸν τὸ πρωί̈, ὃν τρόπον ἐνετείλατό μοι, καὶ ἀπέθανεν ἡ γυνή μου ἑσπέρασ, καὶ ἐποίησα τὸ πρωί̈ ὃν τρόπον ἐπετάγη μοι. καὶ εἶπε πρόσ με ὁ λαόσ. οὐκ ἀναγγελεῖσ ἡμῖν τί ἐστι ταῦτα, ἃ σὺ ποιεῖσ̣ καὶ εἶπα πρὸσ αὐτούσ. λόγοσ Κυρίου ἐγένετο πρόσ με λέγων. εἰπὸν πρὸσ τὸν οἶκον τοῦ Ἰσραήλ. τάδε λέγει Κύριοσ. ἰδοὺ ἐγὼ βεβηλῶ τὰ ἅγιά μου, φρύαγμα ἰσχύοσ ὑμῶν, ἐπιθυμήματα ὀφθαλμῶν ὑμῶν, καὶ ὑπὲρ ὧν φείδονται αἱ ψυχαὶ ὑμῶν. καὶ οἱ υἱοὶ ὑμῶν καὶ αἱ θυγατέρεσ ὑμῶν, οὓσ ἐγκατελίπετε, ἐν ρομφαίᾳ πεσοῦνται. καὶ ποιήσετε ὃν τρόπον πεποίηκα. ἀπὸ στόματοσ αὐτῶν οὐ παρακληθήσεσθε καὶ ἄρτον ἀνδρῶν οὐ φάγεσθε, καὶ αἱ κόμαι ὑμῶν ἐπὶ τῆσ κεφαλῆσ ὑμῶν, καὶ τὰ ὑποδήματα ὑμῶν ἐν τοῖσ ποσὶν ὑμῶν. οὔτε μὴ κόψησθε οὔτε μὴ κλαύσητε, καὶ ἐντακήσεσθε ἐν ταῖσ ἀδικίαισ ὑμῶν καὶ παρακαλέσετε ἕκαστοσ τὸν ἀδελφὸν αὐτοῦ. καὶ ἔσται Ἰεζεκιὴλ ὑμῖν εἰσ τέρασ. κατὰ πάντα, ὅσα ἐποίησα, ποιήσετε, ὅταν ἔλθῃ ταῦτα. καὶ ἐπιγνώσεσθε διότι ἐγὼ Κύριοσ. ‐ Καὶ σὺ υἱὲ ἀνθρώπου, οὐχὶ ἐν τῇ ἡμέρᾳ, ὅταν λαμβάνων τὴν ἰσχὺν παρ’ αὐτῶν, τὴν ἔπαρσιν τῆσ καυχήσεωσ αὐτῶν, τὰ ἐπιθυμήματα ὀφθαλμῶν αὐτῶν καὶ τὴν ἔπαρσιν ψυχῆσ αὐτῶν, υἱοὺσ αὐτῶν καὶ θυγατέρασ αὐτῶν, ἐν τῇ ἡμέρᾳ ἐκείνῃ ἥξει ὁ ἀνασῳζόμενοσ πρὸσ σὲ τοῦ ἀναγγεῖλαί σοι εἰσ τὰ ὦτα̣ ἐν τῇ ἡμέρᾳ ἐκείνῃ διανοιχθήσεται τὸ στόμα σου πρὸσ τὸν ἀνασῳζόμενον καὶ λαλήσεισ καὶ οὐ μὴ ἀποκωφωθῇσ οὐκέτι. καὶ ἔσῃ αὐτοῖσ εἰσ τέρασ, καὶ ἐπιγνώσονται διότι ἐγὼ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 24:

(70인역 성경, 에제키엘서 24:)

목록

SEARCH

MENU NAVIGATION