헬라어 문장 검색 - Σεπτύ044́043́

(70인역 성경, 예레미야서 43:)

ΕΝ τῷ ἐνιαυτῷ τῷ τετάρτῳ Ἰωακεὶμ υἱοῦ Ἰωσία βασιλέωσ Ἰούδα ἐγενήθη λόγοσ Κυρίου πρόσ με λέγων. λάβε σεαυτῷ χαρτίον βιβλίου καὶ γράψον ἐπ’ αὐτοῦ πάντασ τοὺσ λόγουσ, οὓσ ἐλάλησα πρὸσ σὲ ἐπὶ Ἱερουσαλὴμ καὶ ἐπὶ Ἰούδα καὶ ἐπὶ πάντα τὰ ἔθνη, ἀφ’ ἧσ ἡμέρασ λαλήσαντόσ μου πρὸσ σέ, ἀφ’ ἡμερῶν Ἰωσία βασιλέωσ Ἰούδα καὶ ἕωσ τῆσ ἡμέρασ ταύτησ. ἴσωσ ἀκούσεται ὁ οἶκοσ Ἰούδα πάντα τὰ κακά, ἃ ἐγὼ λογίζομαι ποιῆσαι αὐτοῖσ, ἵνα ἀποστρέψωσιν ἀπὸ τῆσ ὁδοῦ αὐτῶν τῆσ πονηρᾶσ, καὶ ἵλεωσ ἔσομαι ταῖσ ἀδικίαισ αὐτῶν καὶ ταῖσ ἁμαρτίαισ αὐτῶν. καὶ ἐκάλεσεν Ἱερεμίασ τὸν Βαροὺχ υἱὸν Νηρίου, καὶ ἔγραψεν ἀπὸ στόματοσ Ἱερεμίου πάντασ τοὺσ λόγουσ Κυρίου, οὓσ ἐχρημάτισε πρὸσ αὐτόν, εἰσ χαρτίον βιβλίου. καὶ ἐνετείλατο Ἱερεμίασ τῷ Βαροὺχ λέγων. ἐγὼ φυλάσσομαι, οὐ μὴ δύνωμαι εἰσελθεῖν εἰσ οἶκον Κυρίου. καὶ ἀναγνώσῃ ἐν τῷ χαρτίῳ τούτῳ εἰσ τὰ ὦτα τοῦ λαοῦ ἐν οἴκῳ Κυρίου ἐν ἡμέρᾳ νηστείασ, καὶ ἐν ὠσὶ παντὸσ Ἰούδα τῶν ἐρχομένων ἐκ πόλεων αὐτῶν ἀναγνώσῃ αὐτοῖσ. ἴσωσ πεσεῖται ἔλεοσ αὐτῶν κατὰ πρόσωπον Κυρίου, καὶ ἀποστρέψουσιν ἐκ τῆσ ὁδοῦ αὐτῶν τῆσ πονηρᾶσ, ὅτι μέγασ ὁ θυμὸσ καὶ ἡ ὀργὴ Κυρίου, ἣν ἐλάλησεν ἐπὶ τὸν λαὸν τοῦτον. καὶ ἐποίησε Βαροὺχ κατὰ πάντα, ἃ ἐνετείλατο αὐτῷ Ἱερεμίασ, τοῦ ἀναγνῶναι ἐν τῷ βιβλίῳ τοὺσ λόγουσ Κυρίου ἐν οἴκῳ Κυρίου. καὶ ἐγενήθη ἐν τῷ ἔτει τῷ ὀγδόῳ τῷ βασιλεῖ Ἰωακεὶμ ἐν τῷ μηνὶ τῷ ἐνάτῳ, ἐξεκκλησίασαν νηστείαν κατὰ πρόσωπον Κυρίου πᾶσ ὁ λαὸσ ἐν Ἱερουσαλὴμ καὶ οἶκοσ Ἰούδα. καὶ ἀνεγίνωσκε Βαροὺχ ἐν τῷ βιβλίῳ τοὺσ λόγουσ Ἱερεμίου ἐν οἴκῳ Κυρίου, ἐν οἴκῳ Γαμαρίου, υἱοῦ Σαφὰν τοῦ γραμματέωσ, ἐν τῇ αὐλῇ τῇ ἐπάνω ἐν προθύροισ πύλησ τοῦ οἴκου Κυρίου τῆσ καινῆσ καὶ ἐν ὠσὶ παντὸσ τοῦ λαοῦ. καὶ ἤκουσε Μιχαίασ υἱὸσ Γαμαρίου υἱοῦ Σαφὰν ἅπαντασ τοὺσ λόγουσ Κυρίου ἐκ τοῦ βιβλίου. καὶ κατέβη εἰσ οἰκίαν τοῦ βασιλέωσ, εἰσ τὸν οἶκον τοῦ γραμματέωσ, καὶ ἰδοὺ ἐκεῖ πάντεσ οἱ ἄρχοντεσ ἐκάθηντο, Ἐλισαμὰ ὁ γραμματεὺσ καὶ Δαλαίασ υἱὸσ Σελεμίου καὶ Ἐλνάθαν υἱὸσ Ἀκχοβὼρ καὶ Γαμαρίασ υἱὸσ Σαφὰν καὶ Σεδεκίασ υἱὸσ Ἀνανίου καὶ πάντεσ οἱ ἄρχοντεσ, καὶ ἀνήγγειλεν αὐτοῖσ Μιχαίασ πάντασ τοὺσ λόγουσ, οὓσ ἤκουσεν ἀναγινώσκοντοσ Βαροὺχ εἰσ τὰ ὦτα τοῦ λαοῦ. καὶ ἀπέστειλαν πάντεσ οἱ ἄρχοντεσ πρὸσ Βαροὺχ υἱὸν Νηρίου τὸν Ἰουδὶν υἱὸν Ναθανίου, υἱοῦ Σελεμίου, υἱοῦ Χουσί, λέγοντεσ. τὸ χαρτίον, ἐν ᾧ σὺ ἀναγινώσκεισ ἐν αὐτῷ ἐν ὠσὶ τοῦ λαοῦ, λάβε αὐτὸ εἰσ τὴν χεῖρά σου καὶ ἧκε. καὶ ἔλαβε Βαροὺχ τὸ χαρτίον καὶ κατέβη πρὸσ αὐτούσ. καὶ εἶπαν αὐτῷ. πάλιν ἀνάγνωθι εἰσ τὰ ὦτα ἡμῶν. καὶ ἀνέγνω Βαρούχ. καὶ ἐγενήθη ὡσ ἤκουσαν πάντασ τοὺσ λόγουσ, συνεβουλεύσαντο ἕκαστοσ πρὸσ τὸν πλησίον αὐτοῦ καὶ εἶπον. ἀναγγέλλοντεσ ἀναγγείλωμεν τῷ βασιλεῖ ἅπαντασ τοὺσ λόγουσ τούτουσ. καὶ τὸν Βαροὺχ ἠρώτησαν λέγοντεσ. πόθεν ἔγραψασ πάντασ τοὺσ λόγουσ τούτουσ̣ καὶ εἶπε Βαρούχ. ἀπὸ στόματοσ αὐτοῦ ἀνήγγειλέ μοι Ἱερεμίασ πάντασ τοὺσ λόγουσ τούτουσ, καὶ ἔγραφον ἐν βιβλίῳ. καὶ εἶπον τῷ Βαρούχ. βάδισον καὶ κατακρύβηθι σὺ καὶ Ἱερεμίασ. ἄνθρωποσ μὴ γνώτω ποῦ ὑμεῖσ. καὶ εἰσῆλθον πρὸσ τὸν βασιλέα εἰσ τὴν αὐλήν, καὶ τὸ χαρτίον ἔδωκαν φυλάσσειν ἐν οἴκῳ Ἐλισαμά, καὶ ἀνήγγειλαν τῷ βασιλεῖ πάντασ τοὺσ λόγουσ τούτουσ. καὶ ἀπέστειλεν ὁ βασιλεὺσ τὸν Ἰουδὶν λαβεῖν τὸ χαρτίον, καὶ ἔλαβεν αὐτὸ ἐξ οἴκου Ἐλισαμά. καὶ ἀνέγνω Ἰουδὶν εἰσ τὰ ὦτα τοῦ βασιλέωσ καὶ εἰσ τὰ ὦτα πάντων τῶν ἀρχόντων τῶν ἑστηκότων περὶ τὸν βασιλέα. καὶ ὁ βασιλεὺσ ἐκάθητο ἐν οἴκῳ χειμερινῷ καὶ ἐσχάρα πυρὸσ κατὰ πρόσωπον αὐτοῦ. καὶ ἐγενήθη ἀναγινώσκοντοσ Ἰουδὶν τρεῖσ σελίδασ καὶ τέσσαρασ, ἀπέτεμεν αὐτὰσ τῷ ξυρῷ τοῦ γραμματέωσ καὶ ἔρριπτεν εἰσ τὸ πῦρ τὸ ἐπὶ τῆσ ἐσχάρασ, ἕωσ ἐξέλιπε πᾶσ ὁ χάρτησ εἰσ τὸ πῦρ τὸ ἐπὶ τῆσ ἐσχάρασ. καὶ οὐκ ἐζήτησαν καὶ οὐ διέρρηξαν τὰ ἱμάτια αὐτῶν ὁ βασιλεὺσ καὶ οἱ παῖδεσ αὐτοῦ οἱ ἀκούοντεσ πάντασ τοὺσ λόγουσ τούτουσ. καὶ Ἐλνάθαν καὶ Γοθολίασ καὶ Γαμαρίασ ὑπέθεντο τῷ βασιλεῖ πρὸσ τὸ μὴ κατακαῦσαι τὸ χαρτίον. καὶ ἐνετείλατο ὁ βασιλεὺσ τῷ Ἱερεμεὴλ υἱῷ τοῦ βασιλέωσ καὶ τῷ Σαραίᾳ υἱῷ Ἐσριὴλ συλλαβεῖν τὸν Βαροὺχ καὶ τὸν Ἱερεμίαν. καὶ κατεκρύβησαν. Καὶ ἐγένετο λόγοσ Κυρίου πρὸσ Ἱερεμίαν μετὰ τὸ κατακαῦσαι τὸν βασιλέα τὸ χαρτίον, πάντασ τοὺσ λόγουσ, οὓσ ἔγραψε Βαροὺχ ἀπὸ στόματοσ Ἱερεμίου λέγων. πάλιν λάβε σὺ χαρτίον ἕτερον καὶ γράψον πάντασ τοὺσ λόγουσ τοὺσ ὄντασ ἐπὶ τοῦ χαρτίου, οὓσ κατέκαυσεν ὁ βασιλεὺσ Ἰωακείμ. καὶ ἐρεῖσ. οὕτωσ εἶπε Κύριοσ. σὺ κατέκαυσασ τὸ χαρτίον τοῦτο λέγων. διατί ἔγραψασ ἐπ’ αὐτῷ λέγων. εἰσπορευόμενοσ εἰσπορεύσεται βασιλεὺσ Βαβυλῶνοσ καὶ ἐξολοθρεύσει τὴν γῆν ταύτην, καὶ ἐκλείψει ἐπ’ αὐτῆσ ἄνθρωποσ καὶ κτήνη̣ διὰ τοῦτο οὕτωσ εἶπε Κύριοσ ἐπὶ Ἰωακεὶμ βασιλέα Ἰούδα. οὐκ ἔσται αὐτῷ καθήμενοσ ἐπὶ θρόνου Δαυίδ, καὶ τὸ θνησιμαῖον αὐτοῦ ἔσται ἐρριμμένον ἐν τῷ καύματι τῆσ ἡμέρασ καὶ ἐν τῷ παγετῷ τῆσ νυκτόσ. καὶ ἐπισκέψομαι ἐπ’ αὐτὸν καὶ ἐπὶ τὸ γένοσ αὐτοῦ καὶ ἐπὶ τοὺσ παῖδασ αὐτοῦ καὶ ἐπάξω ἐπ’ αὐτοὺσ καὶ ἐπὶ τοὺσ κατοικοῦντασ Ἱερουσαλὴμ καὶ ἐπὶ τὴν γῆν Ἰούδα πάντα τὰ κακά, ἃ ἐλάλησα πρὸσ αὐτούσ, καὶ οὐκ ἤκουσαν. καὶ ἔλαβε Βαροὺχ χαρτίον ἕτερον καὶ ἔγραψεν ἐπ’ αὐτῷ ἀπὸ στόματοσ Ἱερεμίου ἅπαντασ τοὺσ λόγουσ τοῦ βιβλίου, οὓσ κατέκαυσεν Ἰωακείμ. καὶ ἔτι προσετέθησαν αὐτῷ λόγοι πλείονεσ ὡσ οὗτοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 43:

(70인역 성경, 예레미야서 43:)

목록

SEARCH

MENU NAVIGATION