헬라어 문장 검색 - Σεπτύ006́010́

(70인역 성경, 여호수아기 10:)

ΩΣ δὲ ἤκουσεν Ἀδωνιβεζὲκ βασιλεὺσ Ἱερουσαλὴμ ὅτι ἔλαβεν Ἰησοῦσ τὴν Γαὶ καὶ ἐξωλόθρευσεν αὐτήν, ὃν τρόπον ἐποίησαν τὴν Ἱεριχὼ καὶ τὸν βασιλέα αὐτῆσ, οὕτωσ ἐποίησαν καὶ τὴν Γαὶ καὶ τὸν βασιλέα αὐτῆσ, καὶ ὅτι ηὐτομόλησαν οἱ κατοικοῦντεσ Γαβαὼν πρὸσ Ἰησοῦν καὶ πρὸσ Ἰσραήλ, καὶ ἐφοβήθησαν ἀπ’ αὐτῶν σφόδρα. ἤδει γὰρ ὅτι πόλισ μεγάλη Γαβαών, ὡσεὶ μία τῶν μητροπόλεων, καὶ πάντεσ οἱ ἄνδρεσ αὐτῆσ ἰσχυροί. καὶ ἀπέστειλεν Ἀδωνιβεζὲκ βασιλεὺσ Ἱερουσαλὴμ πρὸσ Ἐλὰμ βασιλέα Χεβρὼν καὶ πρὸσ Φιδὼν βασιλέα Ἱεριμοὺθ καὶ πρὸσ Ἰεφθὰ βασιλέα Λαχὶσ καὶ πρὸσ Δαβὶν βασιλέα Ὀδολλὰμ λέγων. δεῦτε, ἀνάβητε πρόσ με καὶ βοηθήσατέ μοι, καὶ ἐκπολεμήσωμεν Γαβαών. ηὐτομόλησαν γὰρ πρὸσ Ἰησοῦν καὶ πρὸσ τοὺσ υἱοὺσ Ἰσραήλ. καὶ ἀνέβησαν οἱ πέντε βασιλεῖσ τῶν Ἰεβουσαίων, βασιλεὺσ Ἱερουσαλὴμ καὶ βασιλεὺσ Χεβρὼν καὶ βασιλεὺσ Ἱεριμοὺθ καὶ βασιλεὺσ Λαχὶσ καὶ βασιλεὺσ Ὀδολλάμ, αὐτοὶ καὶ πᾶσ ὁ λαὸσ αὐτῶν καὶ περιεκάθισαν τὴν Γαβαὼν καὶ ἐξεπολιόρκουν αὐτήν. καὶ ἀπέστειλαν οἱ κατοικοῦντεσ Γαβαὼν πρὸσ Ἰησοῦν εἰσ τὴν παρεμβολὴν Ἰσραὴλ εἰσ Γάλγαλα λέγοντεσ. μὴ ἐκλύσῃσ τὰσ χεῖράσ σου ἀπὸ τῶν παίδων σου. ἀνάβηθι πρὸσ ἡμᾶσ τὸ τάχοσ καὶ βοήθησον ἡμῖν καὶ ἐξελοῦ ἡμᾶσ. ὅτι συνηγμένοι εἰσὶν ἐφ’ ἡμᾶσ πάντεσ οἱ βασιλεῖσ τῶν Ἀμορραίων, οἱ κατοικοῦντεσ τὴν ὀρεινήν. καὶ ἀνέβη Ἰησοῦσ ἐκ Γαλγάλων, αὐτὸσ καὶ πᾶσ ὁ λαὸσ ὁ πολεμιστὴσ μετ’ αὐτοῦ, πᾶσ δυνατὸσ ἐν ἰσχύϊ. καὶ εἶπε Κύριοσ πρὸσ Ἰησοῦν. μὴ φοβηθῇσ αὐτούσ, εἰσ γὰρ τὰσ χεῖράσ σου παραδέδωκα αὐτούσ, οὐχ ὑπολειφθήσεται ἐξ αὐτῶν οὐδεὶσ ἐνώπιον ὑμῶν. καὶ ἐπεὶ παρεγένετο Ἰησοῦσ ἐπ’ αὐτοὺσἄφνω, ὅλην τὴν νύκτα εἰσεπορεύθη ἐκ Γαλγάλων. καὶ ἐξέστησεν αὐτοὺσ Κύριοσ ἀπὸ προσώπου τῶν υἱῶν Ἰσραήλ, καὶ συνέτριψεν αὐτοὺσ Κύριοσ συντρίψει μεγάλῃ ἐν Γαβαών, καὶ κατεδίωξαν αὐτοὺσ ὁδὸν ἀναβάσεωσ Ὠρωνὶν καὶ κατέκοπτον αὐτοὺσ ἕωσ Ἀζηκὰ καὶ ἕωσ Μακηδά. ἐν δὲ τῷ φεύγειν αὐτοὺσ ἀπὸ προσώπου τῶν υἱῶν Ἰσραὴλ ἐπὶ τῆσ καταβάσεωσ Ὠρωνὶν καὶ Κύριοσ ἐπέρριψεν αὐτοῖσ λίθουσ χαλάζησ ἐκ τοῦ οὐρανοῦ ἕωσ Ἀζηκά, καὶ ἐγένοντο πλείουσ οἱ ἀποθανόντεσ διὰ τοὺσ λίθουσ τῆσ χαλάζησ ἢ οὓσ ἀπέκτειναν οἱ υἱοὶ Ἰσραὴλ μαχαίρᾳ ἐν τῷ πολέμῳ. Τότε ἐλάλησεν Ἰησοῦσ πρὸσ Κύριον, ᾗ ἡμέρᾳ παρέδωκεν ὁ Θεὸσ τὸν Ἀμορραῖον ὑποχείριον Ἰσραήλ, ἡνίκα συνέτριψεν αὐτοὺσ ἐν Γαβαὼν καὶ συνετρίβησαν ἀπὸ προσώπου υἱῶν Ἰσραήλ, καὶ εἶπεν Ἰησοῦσ. στήτω ὁ ἥλιοσ κατὰ Γαβαὼν καὶ ἡ σελήνη κατὰ φάραγγα Αἰλών. καὶ ἔστη ὁ ἥλιοσ καὶ ἡ σελήνη ἐν στάσει, ἕωσ ἠμύνατο ὁ Θεὸσ τοὺσ ἐχθροὺσ αὐτῶν. καὶ ἔστη ὁ ἥλιοσ κατὰ μέσον τοῦ οὐρανοῦ, οὐ προεπορεύετο εἰσ δυσμὰσ εἰσ τέλοσ ἡμέρασ μιᾶσ. καὶ οὐκ ἐγένετο ἡμέρα τοιαύτη οὐδὲ τὸ πρότερον οὐδὲ τὸ ἔσχατον, ὥστε ἐπακοῦσαι Θεὸν ἀνθρώπου, ὅτι Κύριοσ συνεξεπολέμησε τῷ Ἰσραήλ. Καὶ ἔφυγον οἱ πέντε βασιλεῖσ οὗτοι καὶ κατεκρύβησαν εἰσ τὸ σπήλαιον τὸ ἐν Μακηδά. καὶ ἀπηγγέλη τῷ Ἰησοῦ λέγοντεσ. εὕρηνται οἱ πέντε βασιλεῖσ κεκρυμμένοι ἐν τῷ σπηλαίῳ τῷ ἐν Μακηδά. καὶ εἶπεν Ἰησοῦσ. κυλίσατε λίθουσ ἐπὶ τὸ στόμα τοῦ σπηλαίου καὶ καταστήσατε ἄνδρασ φυλάσσειν ἐπ’ αὐτούσ, ὑμεῖσ δὲ μὴ ἑστήκατε καταδιώκοντεσ ὀπίσω τῶν ἐχθρῶν ὑμῶν καὶ καταλάβετε τὴν οὐραγίαν αὐτῶν καὶ μὴ ἀφῆτε εἰσελθεῖν εἰσ τὰσ πόλεισ αὐτῶν. παρέδωκε γὰρ αὐτοὺσ Κύριοσ ὁ Θεὸσ ἡμῶν εἰσ τὰσ χεῖρασ ἡμῶν. καὶ ἐγένετο ὡσ κατέπαυσεν Ἰησοῦσ καὶ πᾶσ υἱὸσ Ἰσραὴλ κόπτοντεσ αὐτοὺσ κοπὴν μεγάλην σφόδρα ἕωσ εἰσ τέλοσ, καὶ οἱ διασῳζόμενοι διεσώθησαν εἰσ τὰσ πόλεισ τὰσ ὀχυράσ, καὶ ἀπεστράφη πᾶσ ὁ λαὸσ πρὸσ Ἰησοῦν εἰσ Μακηδὰ ὑγιεῖσ, καὶ οὐκ ἔγρυξεν οὐδεὶσ τῶν υἱῶν Ἰσραὴλ τῇ γλώσσῃ αὐτοῦ. καὶ εἶπεν Ἰησοῦσ. ἀνοίξατε τὸ σπήλαιον καὶ ἐξαγάγετε τοὺσ πέντε βασιλεῖσ τούτουσ ἐκ τοῦ σπηλαίου. καὶ ἐξηγάγοσαν τοὺσ πέντε βασιλεῖσ ἐκ τοῦ σπηλαίου, τὸν βασιλέα Ἱερουσαλὴμ καὶ τὸν βασιλέα Χεβρὼν καὶ τὸν βασιλέα Ἱεριμοὺθ καὶ τὸν βασιλέα Λαχὶσ καὶ τὸν βασιλέα Ὀδολλάμ. καὶ ἐπεὶ ἐξήγαγον αὐτοὺσ πρὸσ Ἰησοῦν, καὶ συνεκάλεσεν Ἰησοῦσ πάντα Ἰσραήλ, καὶ τοὺσ ἐναρχομένουσ τοῦ πολέμου τοὺσ συμπορευομένουσ αὐτῷ, λέγων αὐτοῖσ. προπορεύεσθε καὶ ἐπίθετε τοὺσ πόδασ ὑμῶν ἐπὶ τοὺσ τραχήλουσ αὐτῶν. καὶ προσελθόντεσ ἐπέθηκαν τοὺσ πόδασ αὐτῶν ἐπὶ τοὺσ τραχήλουσ αὐτῶν. καὶ εἶπεν Ἰησοῦσ πρὸσ αὐτούσ. μὴ φοβηθῆτε αὐτοὺσ μηδὲ δειλιάσητε. ἀνδρίζεσθε καὶ ἰσχύετε, ὅτι οὕτω ποιήσει Κύριοσ πᾶσι τοῖσ ἐχθροῖσ ὑμῶν, οὓσ ὑμεῖσ καταπολεμεῖτε αὐτούσ. καὶ ἀπέκτεινεν αὐτοὺσ Ἰησοῦσ καὶ ἐκρέμασεν αὐτοὺσ ἐπὶ πέντε ξύλων, καὶ ἦσαν κρεμάμενοι ἐπὶ τῶν ξύλων ἕωσ ἑσπέρασ. καὶ ἐγενήθη πρὸσ ἡλίου δυσμὰσ ἐνετείλατο Ἰησοῦσ καὶ καθεῖλον αὐτοὺσ ἀπὸ τῶν ξύλων καὶ ἔρριψαν αὐτοὺσ εἰσ τὸ σπήλαιον, εἰσ ὃ κατεφύγοσαν ἐκεῖ, καὶ ἐπεκύλισαν λίθουσ ἐπὶ τὸ σπήλαιον ἕωσ τῆσ σήμερον ἡμέρασ. Καὶ τὴν Μακηδὰ ἐλάβοσαν ἐν τῇ ἡμέρᾳ ἐκείνῃ καὶ ἐφόνευσαν αὐτὴν ἐν στόματι ξίφουσ καὶ ἐξωλόθρευσαν πᾶν ἐμπνέον, ὃ ἦν ἐν αὐτῇ, καὶ οὐ κατελείφθη οὐδεὶσ ἐν αὐτῇ διασεσωσμένοσ καὶ διαπεφευγώσ. καὶ ἐποίησαν τῷ βασιλεῖ Μακηδὰ ὃν τρόπον ἐποίησαν τῷ βασιλεῖ Ἱεριχώ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Μακηδὰ εἰσ Λεβνὰ καὶ ἐπολιόρκει Λεβνά. καὶ παρέδωκεν αὐτὴν Κύριοσ εἰσ χεῖρασ Ἰσραήλ, καὶ ἔλαβον αὐτὴν καὶ τὸν βασιλέα αὐτῆσ καὶ ἐφόνευσαν αὐτὴν ἐν στόματι ξίφουσ καὶ πᾶν ἐμπνέον ἐν αὐτῇ, καὶ οὐ κατελείφθη ἐν αὐτῇ διασεσωσμένοσ καὶ διαπεφευγώσ. καὶ ἐποίησαν τῷ βασιλεῖ αὐτῆσ ὃν τρόπον ἐποίησαν τῷ βασιλεῖ Ἱεριχώ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Λεβνὰ εἰσ Λαχὶσ καὶ περιεκάθισεν αὐτὴν καὶ ἐπολιόρκει αὐτήν. καὶ παρέδωκε Κύριοσ τὴν Λαχὶσ εἰσ τὰσ χεῖρασ Ἰσραήλ, καὶ ἔλαβεν αὐτὴν ἐν τῇ ἡμέρᾳ τῇ δευτέρᾳ καὶ ἐφόνευσαν αὐτὴν ἐν στόματι ξίφουσ καὶ ἐξωλόθρευσαν αὐτήν, ὃν τρόπον ἐποίησαν τὴν Λεβνά. τότε ἀνέβη Ἐλὰμ βασιλεὺσ Γαζὲρ βοηθήσων τῇ Λαχίσ, καὶ ἐπάταξεν αὐτὸν Ἰησοῦσ ἐν στόματι ξίφουσ καὶ τὸν λαὸν αὐτοῦ ἕωσ τοῦ μὴ καταλειφθῆναι αὐτῶν σεσωσμένον καὶ διαπεφευγότα. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Λαχὶσ εἰσ Ὀδολλὰμ καὶ περιεκάθισεν αὐτὴν καὶ ἐξεπολιόρκησεν αὐτήν. καὶ παρέδωκεν αὐτὴν Κύριοσ ἐν χειρὶ Ἰσραήλ, καὶ ἔλαβεν αὐτὴν ἐν τῇ ἡμέρᾳ ἐκείνῃ καὶ ἐφόνευσεν αὐτὴν ἐν στόματι ξίφουσ, καὶ πᾶν ἐμπνέον ἐν αὐτῇ ἐφόνευσαν, ὃν τρόπον ἐποίησαν τῇ Λαχίσ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ εἰσ Χεβρὼν καὶ περιεκάθισεν αὐτήν. καὶ ἐπάταξεν αὐτὴν ἐν στόματι ξίφουσ καὶ πᾶν τὸ ἐμπνέον, ὅσα ἦν ἐν αὐτῇ, οὐκ ἦν διασεσωσμένοσ. ὃν τρόπον ἐποίησαν τὴν Ὀδολλάμ, ἐξωλόθρευσαν αὐτὴν καὶ ὅσα ἦν ἐν αὐτῇ. καὶ ἀπέστρεψεν Ἰησοῦσ καὶ πᾶσ Ἰσραὴλ εἰσ Δαβὶρ καὶ περικαθίσαντεσ αὐτὴν ἔλαβον αὐτὴν καὶ τὸν βασιλέα αὐτῆσ καὶ τὰσ κώμασ αὐτῆσ καὶ ἐπάταξεν αὐτὴν ἐν στόματι ξίφουσ καὶ ἐξωλόθρευσαν αὐτὴν καὶ πᾶν ἐμπνέον ἐν αὐτῇ καὶ οὐ κατέλιπον αὐτῇ οὐδένα διασεσωσμένον. ὃν τρόπον ἐποίησαν τῇ Χεβρὼν καὶ τῷ βασιλεῖ αὐτῆσ, οὕτωσ ἐποίησαν τῇ Δαβὶρ καὶ τῷ βασιλεῖ αὐτῆσ. καὶ ἐπάταξεν Ἰησοῦσ πᾶσαν τὴν γῆν τῆσ ὀρεινῆσ καὶ τὴν Ναγὲβ καὶ τὴν πεδινὴν καὶ τὴν Ἀσηδὼθ καὶ τοὺσ βασιλεῖσ αὐτῆσ, οὐ κατέλιπον αὐτῶν σεσωσμένον. καὶ πᾶν ἐμπνέον ζωῆσ ἐξωλόθρευσεν, ὃν τρόπον ἐνετείλατο Κύριοσ ὁ Θεὸσ Ἰσραήλ, ἀπὸ Κάδησ Βαρνῆ ἕωσ Γάζησ, πᾶσαν τὴν Γοσὸμ ἕωσ τῆσ Γαβαών, καὶ πάντασ τοὺσ βασιλεῖσ αὐτῶν καὶ τὴν γῆν αὐτῶν ἐπάταξεν Ἰησοῦσ εἰσάπαξ, ὅτι Κύριοσ ὁ Θεὸσ Ἰσραὴλ συνεπολέμει τῷ Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 10:

(70인역 성경, 여호수아기 10:)

목록

SEARCH

MENU NAVIGATION