헬라어 문장 검색 - Πλυταρ́Νυμά15́

(플루타르코스, Numa, chapter 15)

ἐκ δὲ τῆσ τοιαύτησ παιδαγωγίασ πρὸσ τὸ θεῖον οὕτωσ ἡ πόλισ ἐγεγόνει χειροήθησ καὶ κατατεθαμβημένη τὴν τοῦ Νομᾶ δύναμιν, ὥστε μύθοισ ἐοικότασ τὴν ἀτοπίαν λόγουσ παραδέχεσθαι, καὶ νομίζειν μηδὲν ἄπιστον εἶναι μηδὲ ἀμήχανον ἐκείνου. βουληθέντοσ. λέγεται γοῦν ποτε καλέσασ ἐπὶ τὴν τράπεζαν οὐκ ὀλίγουσ τῶν πολιτῶν, σκεύη τε φαῦλα καὶ δεῖπνον εὐτελὲσ πάνυ προθέσθαι καὶ δημοτικὸν ἀρξαμένων δὲ δειπνεῖν ἐμβαλὼν λόγον ὡσ ἡ θεὸσ ᾗ σύνεστιν ἥκοι πρὸσ αὐτόν, αἰφνίδιον ἐπιδεῖξαι τόν τε οἶκον ἐκπωμάτων πλήρη πολυτελῶν καὶ τὰσ τραπέζασ ὄψων τε παντοδαπῶν καὶ παρασκευῆσ δαψιλοῦσ γεμούσασ.

πᾶσαν δὲ ὑπερβέβληκεν ἀτοπίαν τὸ ὑπὲρ τῆσ τοῦ Διὸσ ὁμιλίασ ἱστορούμενον.

μυθολογοῦσι γάρ εἰσ τὸν Ἀβεντῖνον λόφον οὔπω μέροσ ὄντα τῆσ πόλεωσ οὐδὲ συνοικούμενον, ἀλλ’ ἔχοντα πηγάσ τε δαψιλεῖσ ἐν αὑτῷ καὶ νάπασ σκιεράσ, φοιτᾶν δύο δαίμονάσ, Πῖκον καὶ Φαῦνον οὓσ τὰ μὲν ἄλλα Σατύρων ἄν τισ ἢ Πανῶν γένει προσεικάσειε, δυνάμει δὲ φαρμάκων καὶ δεινότητι τῆσ περὶ τὰ θεῖα γοητείασ λέγονται ταὐτὰ τοῖσ ὑφ’ Ἑλλήνων προσαγορευθεῖσιν Ἰδαίοισ Δακτύλοισ σοφιζόμενοι περιϊέναι τὴν Ἰταλίαν. τούτουσ φασὶ χειρώσασθαι τὸν Νομᾶν, οἴνῳ καὶ μέλιτι κεράσαντα τὴν κρήνην ἀφ’ ἧσ ἔπινον συνήθωσ.

ληφθέντασ δὲ πολλὰσ μὲν ἰδέασ τρέπεσθαι καὶ μετεκδύεσθαι τὴν αὑτῶν φύσιν, ἀλλόκοτα φάσματα καὶ φοβερὰ τῆσ ὄψεωσ προβαλλομένουσ· ἐπεὶ δὲ ἔγνωσαν ἑαλωκότεσ ἰσχυρὰν καὶ ἄφυκτον ἅλωσιν, ἄλλα τε προθεσπίσαι πολλὰ τῶν μελλόντων καὶ τὸν ἐπὶ τοῖσ κεραυνοῖσ ἐκδιδάξαι καθαρμόν, ὃσ ποιεῖται μέχρι νῦν διὰ κρομμύων καὶ τριχῶν καὶ μαινίδων. ἔνιοι δὲ οὐ τοὺσ δαίμονάσ φασὶν ὑποθέσθαι τὸν καθαρμόν, ἀλλ’ ἐκείνουσ μὲν καταγαγεῖν τὸν Δία μαγεύσαντασ, τὸν δὲ θεὸν ὀργιζόμενον τῷ Νομᾷ προστάσσειν ὡσ χρὴ γενέσθαι τὸν καθαρμὸν κεφαλαῖσ·

"κρομμύων; "θριξίν; "μαινίσι; ταῦτα λέγειν ὑπὸ τῆσ Ἠγερίασ δεδιδαγμένον. καὶ τὸν μὲν θεὸν ἀπελθεῖν ἵλεω γενόμενον, τὸν δὲ τόπον Ἰλίκιον ἀπ’ ἐκείνου προσαγορευθῆναι καὶ τὸν καθαρμὸν οὕτω συντελεῖσθαι.

ταῦτα μὲν οὖν τὰ μυθώδη καὶ γελοῖα τὴν τῶν τότε ἀνθρώπων ἐπιδείκνυται διάθεσιν πρὸσ τὸ θεῖον, ἣν ὁ ἐθισμὸσ αὐτοῖσ ἐνεποίησεν. αὐτὸν δὲ τὸν Νομᾶν οὕτω φασὶν εἰσ τὸ θεῖον ἀνηρτῆσθαι ταῖσ ἐλπίσιν, ὥστε καὶ προσαγγελίασ αὐτῷ ποτε γενομένησ ὡσ ἐπέρχονται πολέμιοι, μειδιᾶσαι καὶ εἰπεῖν· "ἐγὼ δὲ θύω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Numa, chapter 15

(플루타르코스, Numa, chapter 15)

상위

목록

SEARCH

MENU NAVIGATION