헬라어 문장 검색 - Πλυταρ́ΞαιυσΓρ́17́

(플루타르코스, Caius Gracchus, chapter 17)

φεύγοντι δ’ οὖν τῷ Γαϊῴ τῶν ἐχθρῶν ἐπιφερομένων καὶ καταλαμβανόντων περὶ τὴν ξυλίνην γέφυραν, οἱ μὲν δύο φίλοι προχωρεῖν ἐκεῖνον κελεύσαντεσ αὐτοὶ τοὺσ διώκοντασ ὑπέστησαν καὶ μαχόμενοι πρὸ τῆσ γεφύρασ οὐδένα παρῆκαν ἑώσ ἀπέθανον, τῷ δὲ Γαϊῴ συνέφευγεν εἷσ οἰκέτησ ὄνομα Φιλοκράτησ, πάντων μὲν, ὥσπερ ἐν ἁμίλλῃ, παρακελευομένων, οὐδενὸσ δὲ βοηθοῦντοσ, οὐδὲ ἵππον αἰτουμένῳ παρασχεῖν ἐθελήσαντοσ ἐπέκειντο γὰρ ἐγγὺσ οἱ διώκοντεσ. ὁ δὲ φθάνει μικρὸν εἰσ ἱερὸν ἄλσοσ Ἐριννύων καταφυγών, κἀκεῖ διαφθείρεται, τοῦ Φιλοκράτουσ ἀνελόντοσ ἐκεῖνον, εἶτα ἑαυτὸν ἐπισφάξαντοσ.

ὡσ δὲ ἔνιοί φασιν, ἀμφότεροι μὲν ὑπὸ τῶν πολεμίων κατελήφθησαν ζῶντεσ, τοῦ δὲ θεράποντοσ τὸν δεσπότην περιβαλόντοσ οὐδεὶσ ἐκεῖνον ἠδυνήθη πατάξαι πρότερον ἢ τοῦτον ὑπὸ πολλῶν παιόμενον ἀναιρεθῆναι.

τὴν δὲ κεφαλὴν τοῦ Γαϊού λέγουσιν ἄλλον μὲν ἀποκόψαι καὶ κομίζειν, ἀφελέσθαι δὲ τούτου φίλον Ὀπιμίου τινὰ, Σεπτουμουλήιον ἦν γὰρ προκεκηρυγμένον ἐν ἀρχῇ τῆσ μάχησ ἰσοστάσιον χρυσίον τοῖσ ἀνενεγκοῦσι τὴν Γαϊού καὶ Φουλβίου κεφαλήν, ἀνηνέχθη δὲ ὑπὸ τοῦ Σεπτουμουληϊού περιπεπαρμένη δόρατι πρὸσ τὸν Ὀπίμιον, καὶ ζυγοῦ κομισθέντοσ ἐντεθεῖσα λίτρασ ἑπτακαίδεκα καὶ δίμοιρον εἵλκυσε, τοῦ Σεπτουμουληίου καὶ περὶ τοῦτο μιαροῦ γενομένου καὶ κακουργήσαντοσ ἐξελὼν γὰρ τὸν ἐγκέφαλον ἐνέτηξε μόλυβδον. οἱ δὲ τοῦ Φουλβίου τὴν κεφαλὴν κομίσαντεσ ἦσαν γὰρ τῶν ἀσημοτέρων οὐδὲν ἔλαβον.

τὰ δὲ σώματα καὶ τούτων καὶ τῶν ἄλλων εἰσ τὸν ποταμὸν ἐρρίφη, τρισχιλίων ἀναιρεθέντων·

καὶ τὰσ οὐσίασ αὐτῶν ἀπέδοντο πρὸσ τὸ δημόσιον. ἀπεῖπαν δὲ πενθεῖν ταῖσ γυναιξί, τὴν δὲ Γαϊού Λικιννίαν καὶ τῆσ προικὸσ ἀπεστέρησαν. ὠμότατον δὲ προσειργάσαντο τοῦ Φουλβίου τὸν νεώτερον υἱόν, οὔτε χεῖρασ ἀνταράμενον οὔτ’ ἐν τοῖσ μαχομένοισ γενόμενον, ἀλλὰ ἐπὶ σπονδὰσ ἐλθόντα πρὸ τῆσ μάχησ συλλαβόντεσ καὶ μετὰ τὴν μάχην ἀνελόντεσ. οὐ μὴν ἀλλὰ καὶ τούτου καὶ τῶν ἄλλων ἁπάντων μᾶλλον ἠνίασε τοὺσ πολλοὺσ τὸ κατασκευασθὲν Ὁμονοίασ ἱερὸν ὑπὸ τοῦ Ὀπιμίου·

σεμνύνεσθαι γὰρ ἐδόκει καὶ μέγα φρονεῖν καὶ τρόπον τινὰ θριαμβεύειν ἐπὶ φόνοισ τοσούτοισ πολιτῶν, διὸ καὶ νυκτὸσ ὑπὸ τὴν ἐπιγραφὴν τοῦ νεὼ παρενέγραψάν τινεσ τὸν στίχον τοῦτον· "ἔργον ἀπονοίασ ναὸν ὁμονοίασ ποιεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 17

(플루타르코스, Caius Gracchus, chapter 17)

상위

목록

SEARCH

MENU NAVIGATION