Plutarch, Caius Gracchus, chapter 7 1:

ἐσπούδασε δὲ μάλιστα περὶ τὴν ὁδοποιϊάν, τῆσ τε χρείασ ἅμα καὶ τοῦ πρὸσ χάριν καὶ κάλλοσ ἐπιμεληθείσ, εὐθεῖαι γὰρ ἤγοντο διὰ τῶν χωρίων ἀτρεμεῖσ, καὶ τὸ μὲν ἐστόρνυτο πέτρᾳ ξεστῇ, τὸ ἄμμου χώμασι νακτῆσ ἐπυκνοῦτο. πιμπλαμένων δὲ τῶν κοίλων καὶ ζευγνυμένων γεφύραισ ὅσα χείμαρροι διέκοπτον ἢ φάραγγεσ, ὕψοσ τε τῶν ἑκατέρωθεν ἴσον καὶ παράλληλον λαμβανόντων, ὁμαλὴν καὶ καλὴν ὄψιν εἶχε δι’ ὅλου τὸ ἔργον.