헬라어 문장 검색 - Λυξιαν́Θυομοδό28́

(루키아노스, Quomodo historia conscribenda sit, chapter 28)

ἐγὼ γοῦν ἤκουσά τινοσ τὴν μὲν ἐπ̓ Εὐρώπῳ μάχην ἐν οὐδ̓ ὅλοισ ἑπτὰ ἔπεσι παραδραμόντοσ, εἴκοσι δὲ μέτρα ἢ ἔτι πλείω ὕδατοσ ἀναλωκότοσ ἐσ ψυχρὰν καὶ οὐδὲν ἡμῖν προσήκουσαν διήγησιν, ὡσ Μαῦρόσ τισ ἱππεὺσ Μαυσάκασ τοὔνομα ὑπὸ δίψουσ πλανώμενοσ ἀνὰ τὰ ὄρη καταλάβοι Σύρουσ τινὰσ τῶν ἀγροίκων, ἄριστον παρατιθεμένουσ, καὶ ὅτι τὰ μὲν πρῶτα ἐκεῖνοι φοβηθεῖεν αὐτόν, εἶτα μέντοι μαθόντεσ ὡσ τῶν φίλων εἰή κατεδέξαντο καὶ εἱστίασαν· καὶ γάρ τινα τυχεῖν αὐτῶν ἀποδεδημηκότα καὶ αὐτὸν ἐσ τὴν τῶν Μαύρων, ἀδελφοῦ αὐτῷ ἐν τῇ γῇ στρατευομένου. μῦθοι τὸ μετὰ τοῦτο μακροὶ καὶ διηγήσεισ, ὡσ θηράσειεν αὐτὸσ ἐν τῇ Μαυρουσίᾳ καὶ ὡσ ἴδοι τοὺσ ἐλέφαντασ πολλοὺσ ἐν τῷ αὐτῷ συννεμομένουσ καὶ ὡσ ὑπὸ λέοντοσ ὀλίγου δεῖν καταβρωθείη, καὶ ἡλίκουσ ἰχθῦσ ἐπρίατο ἐν Καισαρείᾳ· καὶ ὁ θαυμαστὸσ συγγραφεὺσ ἀφεὶσ τὰσ ἐν Εὐρώπῳ γιγνομένασ σφαγὰσ τοσαύτασ καὶ ἐπελάσεισ καὶ σπονδὰσ ἀναγκαίασ καὶ φυλακὰσ καὶ ἀντιφυλακὰσ ἄχρι βαθείασ ἑσπέρασ ἐφειστήκει ὁρῶν Μαλχίωνα τὸν Σύρον ἐν Καισαρείᾳ σκάρουσ παμμεγέθεισ ἀξίουσ ὠνούμενον· εἰ δὲ μὴ νὺξ κατέλαβε, τάχ̓ ἂν καὶ συνεδείπνει μετ̓ αὐτοῦ ἤδη τῶν σκάρων ἐσκευασμένων. ἅπερ εἰ μὴ ἐνεγέγραπτο ἐπιμελῶσ τῇ ἱστορίᾳ, μεγάλα ἂν ἡμεῖσ ἠγνοηκότεσ ἦμεν, καὶ ἡ ζημία Ῥωμαίοισ ἀφόρητοσ, εἰ Μαυσάκασ ὁ Μαῦροσ διψῶν μὴ εὑρ͂ε πιεῖν, ἀλλ̓ ἄδειπνοσ ἐπανῆλθεν ἐπὶ τὸ στρατόπεδον. καίτοι πόσα ἄλλα μακρῷ ἀναγκαιότερα ἑκὼν ἐγὼ νῦν παρίημι; ὡσ καὶ αὐλητρὶσ ἧκεν ἐκ τῆσ πλησίον κώμησ αὐτοῖσ καὶ ὡσ δῶρα ἀλλήλοισ ἀντέδοσαν, ὁ Μαῦροσ μὲν τῷ Μαλχίωνι λόγχην, ὁ δὲ τῷ Μαυσάκᾳ πόρπην, καὶ ἄλλα πολλὰ τοιαῦτα τῆσ ἐπ̓ Εὐρώπῳ μάχησ αὐτὰ δὴ τὰ κεφάλαια.

τοιγάρτοι εἰκότωσ ἄν τισ εἴποι τοὺσ τοιούτουσ τὸ μὲν ῥόδον αὐτὸ μὴ βλέπειν, τὰσ ἀκάνθασ δὲ αὐτοῦ τὰσ παρὰ τὴν ῥίζαν ἀκριβῶσ ἐπισκοπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Quomodo historia conscribenda sit, chapter 28

(루키아노스, Quomodo historia conscribenda sit, chapter 28)

상위

목록

SEARCH

MENU NAVIGATION