헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 23)

ὅτε τὸ περὶ τοῦ πολέμου ψήφισμα ἐκύρωσαν, καταγράψαντεσ ἐν τάχει τὰσ δυνάμεισ καὶ τριχῇ νείμαντεσ δύο μὲν τάγματα κατέλιπον ἐν τῇ πόλει φυλακῆσ τῶν ἐντὸσ τείχουσ ἕνεκεν· ἡγεῖτο δὲ τῶν δύο τούτων ταγμάτων Ἄππιοσ Κλαύδιοσ ὁ προεστηκὼσ τῆσ ὀλιγαρχίασ καὶ σὺν αὐτῷ Σπόριοσ Ὄππιοσ.

τρία δὲ ἔχοντεσ ἐξῆγον ἐπὶ Σαβίνουσ Κόιντοσ Φάβιοσ καὶ Κόιντοσ Ποιτέλιοσ καὶ Μάνιοσ Ῥαβολήιοσ. πέντε δὲ τὰ λοιπὰ τάγματα παραλαβόντεσ Μάρκοσ τε Κορνήλιοσ καὶ Λεύκιοσ Μηνύκιοσ καὶ Μάρκοσ Σέργιοσ καὶ Τίτοσ Ἀντώνιοσ καὶ τελευταῖοσ Καίσων Δουέλλιοσ ἐπὶ τὸν πρὸσ Αἰκανοὺσ πόλεμον ἀφίκοντο·

συνεστρατεύετο δ’ αὐτοῖσ Λατίνων τε καὶ ἄλλων συμμάχων ἐπικουρικὸν οὐκ ἔλαττον τοῦ πολιτικοῦ πλήθουσ. ἀλλ’ οὐδὲν αὐτοῖσ ἐχώρει κατὰ νοῦν τοσαύτην μὲν οἰκείαν δύναμιν ἐπαγομένοισ, τοσαύτην δὲ συμμαχίαν. τ’ ἀγορὰσ ἀγομένασ ἀφῃροῦντο λοχῶντεσ τὰσ ὁδοὺσ καὶ ἐπὶ προνομὰσ ἐξιοῦσιν ἐπετίθεντο, καὶ εἴ ποτε ἱππεῖσ εἰσ χεῖρασ ἔλθοιεν ἱππεῦσι καὶ πεζοὶ πεζοῖσ πρὸσ φάλαγγα μαχόμενοι πανταχῇ πλέον ἔχοντεσ ἀπῄεσαν, ἐθελοκακούντων οὐκ ὀλίγων ἐν ταῖσ συμπλοκαῖσ καὶ οὔτε τοῖσ ἡγεμόσι πειθομένων οὔτε ὁμόσε χωρεῖν τοῖσ πολεμίοισ βουλομένων.

οἱ μὲν οὖν ἐπὶ Σαβίνουσ στρατεύσαντεσ ἐν τοῖσ ἐλάττοσι κακοῖσ σωφρονισθέντεσ ἑκόντεσ ἔγνωσαν ἐκλιπεῖν τὸν χάρακα·

καὶ περὶ μέσασ νύκτασ ἀναστήσαντεσ τὸν στρατὸν ἀπῆγον ἐκ τῆσ πολεμίασ εἰσ τὴν ἑαυτῶν φυγῇ παραπλησίαν ποιούμενοι τὴν ἀνάζευξιν, ἑώσ ἐπὶ πόλιν Κρουστομέρειαν, ἥ ἐστιν οὐ πρόσω τῆσ Ῥώμησ, ἀφίκοντο. οἱ δ’ ἐν Ἀλγιδῷ τῆσ Αἰκανῶν χώρασ θέμενοι τὴν παρεμβολὴν πολλὰσ καὶ αὐτοὶ λαμβάνοντεσ ὑπὸ τῶν πολεμίων πληγὰσ καὶ παρὰ τὰ δεινὰ μένειν ἀξιοῦντεσ ὡσ ἐπανορθωσόμενοι τὰσ ἐλαττώσεισ οἴκτιστα πράγματα ἔπαθον. ὠσάμενοι γὰρ ἐπ’ αὐτοὺσ οἱ πολέμιοι καὶ τοὺσ ὑποστάντασ τοῦ χάρακοσ καταβαλόντεσ ἐπέβησαν τῶν ἐρυμάτων·

καὶ καταλαβόμενοι τὸ στρατόπεδον ὀλίγουσ μέν τινασ ἀμυνομένουσ ἀπέκτειναν, τοὺσ δὲ πλείουσ ἐν τῷ διωγμῷ διέφθειραν.

οἱ δὲ διασωθέντεσ ἐκ τῆσ φυγῆσ τραυματίαι τε οἱ πλείουσ καὶ τὰ ὅπλα μικροῦ δεῖν πάντεσ ἀπολωλεκότεσ εἰσ πόλιν Τύσκλον ἀφικνοῦντο· σκηνὰσ δ’ αὐτῶν καὶ ὑποζύγια καὶ χρήματα καὶ θεράποντασ καὶ τὴν ἄλλην τοῦ πολέμου παρασκευὴν οἱ πολέμιοι διήρπασαν. ὡσ δ’ ἀπηγγέλη ταῦτα τοῖσ κατὰ τὴν πόλιν, ὅσοιπερ ἦσαν ἐχθροὶ τῆσ ὀλιγαρχίασ καὶ οἱ τέωσ ἀποκρυπτόμενοι τὸ μῖσοσ, φανεροὺσ ἐποίουν αὑτοὺσ τότε χαίροντεσ ἐπὶ ταῖσ κακοπραγίαισ τῶν στρατηγῶν·

καὶ ἦν ἤδη καρτερὰ χεὶρ περὶ τὸν Ὁράτιόν τε καὶ τὸν Οὐαλέριον, οὓσ ἔφην ἡγεμόνασ εἶναι τῶν ἀριστοκρατικῶν ἑταιρειῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 23

(디오니시오스, Antiquitates Romanae, Books X-XX, book 11, chapter 23)

상위

목록

SEARCH

MENU NAVIGATION