헬라어 문장 검색 - Αππιαν́ΤηεΞιϝί3́07́

(아피아노스, The Civil Wars, book 3, chapter 7)

Ἀντωνίῳ δ’ ἀφῖκτο μέσον ἐσ τὸ Βρεντέσιον ἐκ πέντε τῶν ἐν Μακεδονίᾳ τελῶν τέσσαρα· οἱ δὲ οὐκ ἐσ φόβον μᾶλλον ἢ ἐσ ὀργὴν ἀπὸ τοῦδε καὶ μῖσοσ ἐτρέποντο. ἐπιμεμφόμενοι δ’ αὐτὸν οὐκ ἐπεξελθόντα τῷ φόνῳ Καίσαροσ, χωρὶσ εὐφημίασ ἐσ τὸ βῆμα παρέπεμπον ὡσ περὶ τοῦδε σφίσιν ἐκλογιούμενον πρώτου. ὁ δὲ αὐτοῖσ χαλεπτόμενοσ τῆσ σιωπῆσ οὐ κατέσχεν, ἀλλ’ ὠνείδιζεν ἀχαριστίαν ἐκ Παρθυαίων ὑπὸ οὗ μετενεχθεῖσιν ἐσ τὴν Ἰταλίαν καὶ οὐκ ἐπιμαρτυροῦσι τοιᾶσδε χάριτοσ· ἐμέμφετο δὲ καὶ ὅτι παρὰ μειρακίου προπετοῦσ, ὧδε τὸν Καίσαρα καλῶν, ἄνδρασ ἐπιπεμπομένουσ σφίσιν εἰσ διαφθορὰν οὐκ αὐτοὶ προσάγουσιν αὑτῷ. ἀλλὰ τούσδε μὲν αὐτὸσ εὑρήσειν, τὸν δὲ στρατὸν ἄξειν ἐπὶ τὴν ἐψηφισμένην οἱ χώραν εὐδαίμονα Κελτικήν, καὶ τοῖσ παροῦσιν ἑκάστῳ δοθήσεσθαι δραχμὰσ ἑκατόν. οἱ δὲ ἐγέλασαν τῆσ σμικρολογίασ καὶ χαλεπήναντοσ αὐτοῦ μᾶλλον ἐθορύβουν καὶ διεδίδρασκον. ὁ δὲ ἐξανέστη τοσοῦτον εἰπών· "μαθήσεσθε ἄρχεσθαι. " αἰτήσασ δὲ παρὰ τῶν χιλιάρχων τοὺσ στασιώδεισ ἁ̓νάγραπτοσ γάρ ἐστιν ἐν τοῖσ Ῥωμαίων στρατοῖσ αἰεὶ καθ’ ἕνα ἄνδρα ὁ τρόποσ̓ διεκλήρωσε τῷ στρατιωτικῷ νόμῳ καὶ οὐ τὸ δέκατον ἅπαν, ἀλλὰ μέροσ ἔκτεινε τοῦ δεκάτου, νομίζων σφᾶσ ὧδε καταπλήξειν δι’ ὀλίγου. Ταῦτα δ’ ὁρῶντεσ οὓσ ὁ Καῖσαρ ἐπὶ διαφθορᾷ τῶνδε προπεπόμφει, βιβλία πολλὰ τότε μάλιστα διερρίπτουν ἐσ τὸ στρατόπεδον, ἀντὶ τῆσ Ἀντωνίου μικρολογίασ τε καὶ ὠμότητοσ ἐσ τὴν Καίσαροσ μνήμην τοῦ προτέρου καὶ βοήθειαν τοῦ νῦν καὶ χορηγίασ δαψιλεῖσ μετατίθεσθαι.

ὁ δὲ αὐτῶν τοὺσ μὲν ταξιάρχουσ, εἴτε μηνίων ἔτι τῆσ στάσεωσ εἴθ’ ἑτέρωσ ὑπονοῶν, ἐνήλλασσε, τοὺσ δὲ λοιποὺσ καὶ τἆλλα ἐν ταῖσ χρείαισ ἐδεξιοῦτο καὶ προύπεμπεν ἀνὰ μέροσ τὴν παραθαλάσσιον ὁδεύειν ἐπὶ Ἀριμίνου. οὓσ ὁ Ἀντώνιοσ μηνύμασι τε μεγάλοισ ἐζήτει, καὶ ἀπειλαῖσ, εἴ τισ ἐπικρύπτοι. οὐδένα δὲ συλλαβὼν ἐχαλέπηνεν ὡσ τοῦ στρατοῦ σφᾶσ ἐπικρύπτοντοσ. ἀπαγγελλομένων δὲ καὶ τῶν ἐν ταῖσ ἀποικίαισ τε καὶ ἐν Ῥώμῃ Καίσαρι πεπραγμένων ἐθορυβεῖτο. καὶ ἐπελθὼν αὖθισ ἐπὶ τὸν στρατὸν ἔφη χαλεπῆναι μὲν τῶν γεγονότων ὑπὸ ἀνάγκησ στρατιωτικῆσ ὀλίγοισ ἀντὶ πλεόνων ὧν ἐκόλαζεν ὁ νόμοσ, αὐτοὺσ δὲ εἰδέναι σαφῶσ οὔτε ὠμὸν οὔτε μικρολόγον Ἀντώνιον. "ἀλλ’ ὁ μὲν φθόνοσ οἰχέσθω, κεκορεσμένοσ," ἔφη, "καὶ τοῖσ ἁμαρτήμασι καὶ ταῖσ κολάσεσι· τὰσ δὲ ἑκατὸν δραχμὰσ ὑμῖν οὐ δωρεάν οὑ̓ γὰρ τοῦτό γε τῆσ Ἀντωνίου τύχησ̓, ἀλλὰ τῆσ πρώτησ ἐσ ὑμᾶσ ἐντεύξεωσ προσαγορευτικὸν μᾶλλον ἢ δωρεὰν ἐκέλευσα δοθῆναι, καὶ χρὴ νόμῳ πατρίῳ τε καὶ στρατιωτικῷ καὶ ἐσ τάδε καὶ ἐσ πάντα εὐπειθεῖσ ὑπάρχειν. " ὁ μὲν οὕτωσ εἶπεν, οὐδέν τι ἔτι προσθεὶσ τῇ δωρεᾷ τοῦ μὴ δοκεῖν ὁ στρατηγὸσ ἡσσῆσθαι τοῦ στρατοῦ. οἱ δὲ ἐλάμβανον, εἴτε μεταγνόντεσ εἴτε καὶ δεδιότεσ. Αὐτὸσ δ’ ἐπιλεξάμενοσ ἐκ πάντων στρατηγίδα σπεῖραν ἀνδρῶν ἀρίστων τά τε σώματα καὶ τὸν τρόπον ὥδευεν ἐσ Ῥώμην ὡσ ἐκεῖθεν ἐπὶ τὸ Ἀρίμινον ὁρμήσων.

ἐσῄει δὲ ἐσ τὴν πόλιν σοβαρῶσ, τὴν μὲν ἴλην πρὸ τοῦ ἄστεωσ στρατοπεδεύσασ, τοὺσ δ’ ἀμφ’ αὑτὸν ἔχων ὑπεζωσμένουσ καὶ τὴν οἰκίαν νυκτοφυλακοῦντασ ἐνόπλουσ· συνθήματά τε αὐτοῖσ ἐδίδοτο, καὶ αἱ φυλακαὶ παρὰ μέροσ ἦσαν ὡσ ἐν στρατοπέδῳ. συναγαγὼν δὲ τὴν βουλὴν ὡσ μεμψόμενοσ Καίσαρι περὶ τῶν πεπραγμένων, ἐσιὼν ἤδη μανθάνει τῶν τεσσάρων τελῶν τὸ καλούμενον Ἄρειον κατὰ τὴν ὁδὸν ἐσ Καίσαρα μετατεθεῖσθαι. καὶ αὐτῷ τὴν εἴσοδον ἐπισχόντι τε καὶ διαποροῦντι ἀγγέλλεται καὶ τὸ καλούμενον τέταρτον ὁμοίωσ τοῖσ Ἀρείοισ ἐσ Καίσαρα μετατεθεῖσθαι. διαταραχθεὶσ οὖν εἰσῆλθε μὲν ἐσ τὸ βουλευτήριον, ὡσ δ’ ἐφ’ ἕτερα αὐτοὺσ συναγαγὼν μικρὰ διελέχθη καὶ εὐθὺσ ἐπὶ τὰσ πύλασ ἐχώρει καὶ ἀπὸ τῶν πυλῶν ἐπὶ Ἄλβην πόλιν ὡσ μεταπείσων τοὺσ ἀποστάντασ. βαλλόμενοσ δ’ ἀπὸ τοῦ τείχουσ ἀνέστρεφε καὶ τοῖσ ἄλλοισ τέλεσι προσέπεμπεν ἀνὰ πεντακοσίασ δραχμὰσ ἑκάστῳ, καὶ σὺν οἷσ εἶχεν αὐτὸσ ἐσ Τίβυρον ἐξῄει, σκευὴν ἔχων τὴν συνήθη τοῖσ ἐπὶ τοὺσ πολέμουσ ἐξιοῦσι· καὶ γὰρ ἤδη σαφὴσ ἦν ὁ πόλεμοσ, Δέκμου τὴν Κελτικὴν οὐ μεθιέντοσ. Δεῦρο δὲ ὄντι ἥ τε βουλὴ σχεδὸν ἅπασα καὶ τῶν ἱππέων τὸ πλεῖστον ἀφίκετο ἐπὶ τιμῇ καὶ ἀπὸ τοῦ δήμου τὸ ἀξιολογώτατον·

οἱ καὶ καταλαβόντεσ αὐτὸν ὁρκοῦντα τοὺσ παρόντασ οἱ στρατιώτασ καὶ τοὺσ ἐκ τῶν πάλαι στρατευσαμένων συνδραμόντασ ̔πολὺ γὰρ καὶ τοῦτο ἦν̓ συνώμνυον ἑκόντεσ οὐκ ἐκλείψειν τὴν ἐσ Ἀντώνιον εὔνοιάν τε καὶ πίστιν, ὡσ ἀπορῆσαι, τίνεσ ἦσαν, οἳ πρὸ ὀλίγου παρὰ τὴν Καίσαροσ ἐκκλησίαν τὸν Ἀντώνιον ἐβλασφήμουν. Ὁ μὲν δὴ λαμπρῶσ οὕτωσ ἐσ τὸ Ἀρίμινον προεπέμπετο, ὅθεν ἐστὶν ἡ τῆσ Κελτικῆσ ἀρχή. καὶ ὁ στρατὸσ ἦν αὐτῷ, χωρίσ γε τῶν νεολέκτων, τρία τέλη τὰ ἐκ Μακεδονίασ μετάπεμπτα ἡ̓́δη γὰρ αὐτῷ καὶ τὸ λοιπὸν ἀφῖκτὀ, ἐξεστρατευμένων δὲ ἕν, οἳ καὶ γηρῶντεσ ὅμωσ ἐδόκουν νεοσυλλόγων ἀμείνουσ ἐσ τὸ διπλάσιον εἶναι. οὕτω μὲν Ἀντωνίῳ τέσσαρα ἐγίγνετο τέλη γεγυμνασμένων ἀνδρῶν καὶ ὅσον ἐξ ἔθουσ αὐτοῖσ ἐπίκουρον ἄλλο ἕπεται, καὶ ἡ τοῦ σώματοσ φρουρὰ καὶ τὰ νεόλεκτα. Λέπιδόσ τε ἔχων ἐν Ἰβηρίᾳ τέσσαρα τέλη καὶ Ἀσίνιοσ Πολλίων δύο καὶ Πλάγκοσ ἐν τῇ ἑτέρᾳ Κελτικῇ τρία ἐδόκουν αἱρήσεσθαι τὰ Ἀντωνίου. Καίσαρι δὲ ἦν δύο ὁμοίωσ ἀξιολογώτατα, τὰ ἐσ αὐτὸν ἀπὸ τοῦ Ἀντωνίου μεταστάντα, ἓν δὲ νεοσυλλόγων, δύο δὲ ἐκ τῶν πρότερον ἐστρατευμένων, οὐκ ἐντελῆ μὲν ταῦτα τοῖσ ἀριθμοῖσ οὐδὲ ταῖσ ὁπλίσεσιν, ὑπὸ δὲ τῶν νεοσυλλόγων καὶ ταῦτα ἀναπληρούμενα.

συναγαγὼν δ’ ἅπαντασ ἐσ Ἄλβην ἐπέστελλε τῇ βουλῇ. ἡ δὲ ἐφήδετο μὲν αὖθισ Καίσαρι, ὡσ ἀπορεῖν καὶ τότε, τίνεσ ἦσαν, οἳ προύπεμπον Ἀντώνιον· ἤχθοντο δὲ τοῖσ τέλεσιν οὐκ ἐσ τὴν βουλήν, ἀλλ’ ἐσ τὸν Καίσαρα μετελθοῦσιν. ἐπαινέσαντεσ δ’ ὅμωσ αὐτούσ τε καὶ τὸν Καίσαρα, ἔφασαν ὀλίγον ὕστερον ὅ τι χρὴ ποιεῖν αὐτοὺσ ψηφιεῖσθαι, ὅταν αὐτοῖσ αἱ νέαι ἀρχαὶ ἐσ τὰ πράγματα παρέλθωσιν. ἦν δὲ σαφέσ, ὅτι χρήσονται μὲν αὐτοῖσ κατὰ Ἀντωνίου· στρατὸν δὲ οὐδένα πω ἔχοντεσ ἴδιον οὐδὲ καταλέξαι χωρὶσ ὑπάτων δυνάμενοι ἐσ τὰσ νέασ ἀρχὰσ πάντα ἀνετίθεντο. Τῷ Καίσαρι δ’ ὁ στρατὸσ πελέκεάσ τε καὶ ῥαβδοφόρουσ ἐσκευασμένουσ προσαγαγόντεσ, ἠξίουν ἑαυτὸν ἀντιστράτηγον ἀποφῆναι, πολέμου τε ἡγεμονεύοντα καὶ σφῶν αἰεὶ ὑπ’ ἄρχουσι ταχθέντων.

ὁ δὲ τὴν μὲν τιμὴν ἐπῄνει, τὸ δὲ ἔργον ἐσ τὴν βουλὴν ἀνετίθετο· καὶ βουλομένουσ ἐπὶ τοῦτο χωρεῖν ἀθρόουσ ἐκώλυε καὶ πρεσβευομένουσ ἐπεῖχεν, ὡσ καὶ τῆσ βουλῆσ ψηφιουμένησ ταῦτα καθ’ ἑαυτήν, καὶ μᾶλλον, ἢν αἴσθωνται τὴν ὑμετέραν προθυμίαν καὶ τὸν ἐμὸν ὄκνον. Διαλυθέντων δὲ μόλισ οὕτω καὶ τῶν ἡγεμόνων ἐσ ὑπεροψίαν αὐτὸν αἰτιωμένων, ἐξελογεῖτο αὐτοῖσ τὴν βουλὴν οὐκ εὐνοίᾳ πρὸσ αὑτὸν ἀποκλίνειν μᾶλλον ἢ Ἀντωνίου δέει καὶ στρατιᾶσ ἀπορίᾳ, "μέχρι καθέλωμεν ἡμεῖσ Ἀντώνιον καὶ οἱ σφαγεῖσ φίλοι τε τῇ βουλῇ καὶ συγγενεῖσ ὄντεσ δύναμιν αὐτοῖσ συναγάγωσιν· ὧν αἰσθανόμενοσ ὑπηρετεῖν ὑποκρίνομαι. μὴ δὴ πρότεροι τὴν ὑπόκρισιν ἀποκαλύπτωμεν, ὡσ προλαβοῦσι μὲν ἡμῖν τὴν ἀρχὴν ἐπικαλέσουσιν ὕβριν ἢ βίαν, αἰδεσθεῖσι δ’ ἴσωσ ἐπιδώσουσιν αὐτοὶ δέει, μὴ παρ’ ὑμῶν λάβοιμι. " τοιάδε εἰπὼν ἐθεᾶτο γυμνάσια τῶν δύο τελῶν τῶν αὐτομολησάντων ἀπ’ Ἀντωνίου, διαστάντων τε ἐσ ἀλλήλουσ καὶ δρώντων ἀφειδῶσ ἔργα πολέμου πάντα πλὴν ἐσ μόνον θάνατον. ἡσθεὶσ οὖν τῇ θέᾳ καὶ τῆσ προφάσεωσ ἐπιβαίνων ἄσμενοσ, ἑτέρασ αὐτῶν ἑκάστῳ πεντακοσίασ δραχμὰσ ἐπεδίδου καί, εἴ τισ πολέμου χρεία γένοιτο, νικήσασιν ἐπηγγέλλετο πεντακισχιλίασ. ὧδε μὲν ὁ Καῖσαρ δαψιλείᾳ δωρεῶν τοὺσ μισθοφόρουσ ἐκρατύνετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 7

(아피아노스, The Civil Wars, book 3, chapter 7)

상위

목록

SEARCH

MENU NAVIGATION