호흡부호 보기
강세부호 보기
장단부호 보기
작은 Iota 보기
모든 부호 보기
ἵνα δ’ εἴπω καὶ περὶ τοῦ τετάρτου καιροῦ καὶ τῶν νυνὶ καθεστηκότων πραγμάτων, ἐκεῖνο ὑμᾶσ ὑπομνῆσαι βούλομαι, ὅτι Δημοσθένησ οὐ τὴν ἀπὸ στρατοπέδου μόνον τάξιν ἔλιπεν, ἀλλὰ καὶ τὴν ἐκ τῆσ πόλεωσ, τριήρη προσλαβὼν ὑμῶν, καὶ τοὺσ Ἕλληνασ ἀργυρολογήσασ, καταγαγούσησ δ’ αὐτὸν εἰσ τὴν πόλιν τῆσ ἀπροσδοκήτου σωτηρίασ, τοὺσ μὲν πρώτουσ χρόνουσ ὑπότρομοσ ἦν ἅνθρωποσ, καὶ παριὼν ἡμιθνὴσ ἐπὶ τὸ βῆμα, εἰρηνοφύλακα ὑμᾶσ αὑτὸν ἐκέλευε χειροτονεῖν· ὑμεῖσ δὲ οὐδ’ ἐπὶ τὰ ψηφίσματα εἰᾶτε τὸ Δημοσθένουσ ἐπιγράφειν ὄνομα, ἀλλὰ Ναυσικλεῖ τοῦτο προσετάττετε· νυνὶ δ’ ἤδη καὶ στεφανοῦσθαι ἀξιοῖ.
호흡부호 보기
강세부호 보기
장단부호 보기
작은 Iota 보기
모든 부호 보기