헬라어 문장 검색 - Σεπτύ004́022́

(70인역 성경, 민수기 22:)

ΚΑΙ ἀπάραντεσ οἱ υἱοὶ Ἰσραὴλ παρενέβαλον ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχώ. καὶ ἰδὼν Βαλὰκ υἱὸσ Σεπφὼρ πάντα ὅσα ἐποίησεν Ἰσραὴλ τῷ Ἀμορραίῳ, καὶ ἐφοβήθη Μωὰβ τὸν λαὸν σφόδρα ὅτι πολλοὶ ἦσαν, καὶ προσώχθισε Μωὰβ ἀπὸ προσώπου υἱῶν Ἰσραήλ. καὶ εἶπε Μωὰβ τῇ γερουσίᾳ Μαδιάμ. νῦν ἐκλείξει ἡ συναγωγὴ αὕτη πάντασ τοὺσ κύκλῳ ὑμῶν, ὡσεὶ ἐκλείξαι ὁ μόσχοσ τὰ χλωρὰ ἐκ τοῦ πεδίου. καὶ Βαλὰκ υἱὸσ Σεπφὼρ βασιλεὺσ Μωὰβ ἦν κατὰ τὸν καιρὸν ἐκεῖνον. καὶ ἀπέστειλε πρέσβεισ πρὸσ Βαλαὰμ υἱὸν Βεὼρ Φαθουρά, ὅ ἐστιν ἐπὶ τοῦ ποταμοῦ γῆσ υἱῶν λαοῦ αὐτοῦ, καλέσαι αὐτὸν λέγων. ἰδοὺ λαὸσ ἐξελήλυθεν ἐξ Αἰγύπτου καὶ ἰδοὺ κατεκάλυψε τὴν ὄψιν τῆσ γῆσ καὶ οὗτοσ ἐγκάθηται ἐχόμενόσ μου. καὶ νῦν δεῦρο ἄρασαί μοι τὸν λαὸν τοῦτον, ὅτι ἰσχύει οὗτοσ ἢ ὑμεῖσ. ἐὰν δυνώμεθα πατάξαι ἐξ αὐτῶν, καὶ ἐκβαλῶ αὐτοὺσ ἐκ τῆσ γῆσ. ὅτι οἶδα οὓσ ἐὰν εὐλογήσῃσ σύ, εὐλόγηνται, καὶ οὓσ ἐὰν καταράσῃ σύ, κεκατήρανται. καὶ ἐπορεύθη ἡ γερουσία Μωὰβ καὶ ἡ γερουσία Μαδιάμ, καὶ τὰ μαντεῖα ἐν ταῖσ χερσὶν αὐτῶν, καὶ ἦλθον πρὸσ Βαλαὰμ καὶ εἶπαν αὐτῷ τὰ ρήματα Βαλάκ. καὶ εἶπε πρὸσ αὐτούσ. καταλύσατε αὐτοῦ τὴν νύκτα, καὶ ἀποκριθήσομαι ὑμῖν πράγματα, ἃ ἂν λαλήσῃ Κύριοσ πρόσ με. καὶ κατέμειναν οἱ ἄρχοντεσ Μωὰβ παρὰ Βαλαάμ. καὶ ἦλθεν ὁ Θεὸσ πρὸσ Βαλαὰμ καὶ εἶπεν αὐτῷ. τί οἱ ἄνθρωποι οὗτοι παρὰ σοι̣ καὶ εἶπε Βαλαὰμ πρὸσ τὸν Θεόν. Βαλὰκ υἱὸσ Σεπφώρ, βασιλεὺσ Μωάβ, ἀπέστειλεν αὐτοὺσ πρόσ με λέγων. ἰδοὺ λαὸσ ἐξελήλυθεν ἐξ Αἰγύπτου καὶ κεκάλυφε τὴν ὄψιν τῆσ γῆσ καὶ οὗτοσ ἐγκάθηται ἐχόμενόσ μου. καὶ νῦν δεῦρο ἄρασαί μοι αὐτόν, εἰ ἄρα δυνήσομαι πατάξαι αὐτὸν καὶ ἐκβαλῶ αὐτὸν ἀπὸ τῆσ γῆσ. καὶ εἶπεν ὁ Θεὸσ πρὸσ Βαλαάμ. οὐ πορεύσῃ μετ’ αὐτῶν, οὐδὲ καταράσῃ τὸν λαόν. ἔστι γὰρ εὐλογημένοσ. καὶ ἀναστὰσ Βαλαὰμ τὸ πρωί̈ εἶπε τοῖσ ἄρχουσι Βαλάκ. ἀποτρέχετε πρὸσ τὸν κύριον ὑμῶν. οὐκ ἀφίησί με ὁ Θεὸσ πορεύεσθαι μεθ’ ὑμῶν. καὶ ἀναστάντεσ οἱ ἄρχοντεσ Μωὰβ ἦλθον πρὸσ Βαλὰκ καὶ εἶπαν. οὐ θέλει Βαλαὰμ πορευθῆναι μεθ’ ἡμῶν. Καὶ προσέθετο Βαλὰκ ἔτι ἀποστεῖλαι ἄρχοντασ πλείουσ καὶ ἐντιμοτέρουσ τούτων. καὶ ἦλθον πρὸσ Βαλαὰμ καὶ λέγουσιν αὐτῷ. τάδε λέγει Βαλὰκ ὁ τοῦ Σεπφώρ. ἀξιῶ σε, μὴ ὀκνήσῃσ ἐλθεῖν πρόσ με. ἐντίμωσ γὰρ τιμήσω σε, καὶ ὅσα ἐὰν εἴπῃσ, ποιήσω σοι. καὶ δεῦρο ἐπικατάρασαί μοι τὸν λαὸν τοῦτον. καὶ ἀπεκρίθη Βαλαὰμ καὶ εἶπε τοῖσ ἄρχουσι Βαλάκ. ἐὰν δῷ μοι Βαλὰκ πλήρη τὸν οἶκον αὐτοῦ ἀργυρίου καὶ χρυσίου, οὐ δυνήσομαι παραβῆναι τὸ ρῆμα Κυρίου τοῦ Θεοῦ, ποιῆσαι αὐτὸ μικρὸν ἢ μέγα ἐν τῇ διανοίᾳ μου. καὶ νῦν ὑπομείνατε αὐτοῦ καὶ ὑμεῖσ τὴν νύκτα ταύτην, καὶ γνώσομαι τί προσθήσει Κύριοσ λαλῆσαι πρόσ με. καὶ ἦλθεν ὁ Θεὸσ πρὸσ Βαλαὰμ νυκτὸσ καὶ εἶπεν αὐτῷ. εἰ καλέσαι σε πάρεισιν οἱ ἄνθρωποι οὗτοι, ἀναστὰσ ἀκολούθησον αὐτοῖσ. ἀλλὰ τὸ ρῆμα, ὃ ἐὰν λαλήσω πρὸσ σε, τοῦτο ποιήσεισ. καὶ ἀναστὰσ Βαλαὰμ τὸ πρωί̈ ἐπέσαξε τὴν ὄνον αὐτοῦ καὶ ἐπορεύθη μετὰ τῶν ἀρχόντων Μωάβ. καὶ ὠργίσθη θυμῷ ὁ Θεόσ, ὅτι ἐπορεύθη αὐτόσ, καὶ ἀνέστη ὁ ἄγγελοσ τοῦ Θεοῦ διαβαλεῖν αὐτόν, καὶ αὐτὸσ ἐπιβεβήκει ἐπὶ τῆσ ὄνου αὐτοῦ, καὶ δύο παῖδεσ αὐτοῦ μετ’ αὐτοῦ. καὶ ἰδοῦσα ἡ ὄνοσ τὸν ἄγγελον τοῦ Θεοῦ ἀνθεστηκότα ἐν τῇ ὁδῷ καὶ τὴν ρομφαίαν ἐσπασμένην ἐν τῇ χειρὶ αὐτοῦ, καὶ ἐξέκλινεν ἡ ὄνοσ ἐκ τῆσ ὁδοῦ καὶ ἐπορεύετο εἰσ τὸ πεδίον. καὶ ἐπάταξε τὴν ὄνον ἐν τῇ ράβδῳ αὐτοῦ τοῦ εὐθῦναι αὐτὴν ἐν τῇ ὁδῷ. καὶ ἔστη ὁ ἄγγελοσ τοῦ Θεοῦ ἐν ταῖσ αὔλαξι τῶν ἀμπέλων, φραγμὸσ ἐντεῦθεν καὶ φραγμὸσ ἐντεῦθεν. καὶ ἰδοῦσα ἡ ὄνοσ τὸν ἄγγελον τοῦ Θεοῦ προσέθλιψεν ἑαυτὴν πρὸσ τὸν τοῖχον καὶ ἀπέθλιψε τὸν πόδα Βαλαὰμ πρὸσ τὸν τοῖχον. καὶ προσέθετο ἔτι μαστίξαι αὐτήν. καὶ προσέθετο ὁ ἄγγελοσ τοῦ Θεοῦ καὶ ἀπελθὼν ὑπέστη ἐν τόπῳ στενῷ, εἰσ ὃν οὐκ ἦν ἐκκλῖναι δεξιὰν ἢ ἀριστεράν. καὶ ἰδοῦσα ἡ ὄνοσ τὸν ἄγγελον τοῦ Θεοῦ συνεκάθισεν ὑποκάτω Βαλαάμ. καὶ ἐθυμώθη Βαλαὰμ καὶ ἔτυπτε τὴν ὄνον τῇ ράβδῳ. καὶ ἤνοιξεν ὁ Θεὸσ τὸ στόμα τῆσ ὄνου, καὶ λέγει τῷ Βαλαάμ. τί ἐποίησά σοι ὅτι πέπαικάσ με τρίτον τοῦτο̣ καὶ εἶπε Βαλαὰμ τῇ ὄνῳ. ὅτι ἐμπέπαιχάσ μοι. καὶ εἰ εἶχον μάχαιραν ἐν τῇ χειρί, ἤδη ἂν ἐξεκέντησά σε. καὶ λέγει ἡ ὄνοσ τῷ Βαλαάμ. οὐκ ἐγὼ ἡ ὄνοσ σου, ἐφ’ ἧσ ἐπέβαινεσ ἀπὸ νεότητόσ σου ἕωσ τῆσ σήμερον ἡμέρασ̣ μὴ ὑπεροράσει ὑπεριδοῦσα ἐποίησά σοι οὕτωσ̣ ὁ δὲ εἶπεν. οὐχί. ἀπεκάλυψε δὲ ὁ Θεὸσ τοὺσ ὀφθαλμοὺσ Βαλαάμ, καὶ ὁρᾷ τὸν ἄγγελον Κυρίου ἀνθεστηκότα ἐν τῇ ὁδῷ καὶ τὴν μάχαιραν ἐσπασμένην ἐν τῇ χειρὶ αὐτοῦ καὶ κύψασ προσεκύνησε τῷ προσώπῳ αὐτοῦ. καὶ εἶπεν αὐτῷ ὁ ἄγγελοσ τοῦ Θεοῦ. διατί ἐπάταξασ τὴν ὄνον σου τοῦτο τρίτον̣ καὶ ἰδοὺ ἐγὼ ἐξῆλθον εἰσ διαβολήν σου, ὅτι οὐκ ἀστεία ἡ ὁδόσ σου ἐναντίον μου, καὶ ἰδοῦσά με ἡ ὄνοσ ἐξέκλινεν ἀπ’ ἐμοῦ τρίτον τοῦτο. καὶ εἰ μὴ ἐξέκλινεν, νῦν οὖν σὲ μὲν ἀπέκτεινα, ἐκείνην δ’ ἂν περιεποιησάμην. καὶ εἶπε Βαλαὰμ τῷ ἀγγέλῳ Κυρίου. ἡμάρτηκα, οὐ γὰρ ἠπιστάμην ὅτι σύ μοι ἀνθέστηκασ ἐν τῇ ὁδῷ εἰσ συνάντησιν. καὶ νῦν εἰ μή σοι ἀρκέσει, ἀποστραφήσομαι. καὶ εἶπεν ὁ ἄγγελοσ τοῦ Θεοῦ πρὸσ Βαλαάμ. συμπορεύθητι μετὰ τῶν ἀνθρώπων. πλὴν τὸ ρῆμα, ὃ ἐὰν εἴπω πρὸσ σε, τοῦτο φυλάξῃ λαλῆσαι. καὶ ἐπορεύθη Βαλαὰμ μετὰ τῶν ἀρχόντων Βαλάκ. Καὶ ἀκούσασ Βαλὰκ ὅτι ἥκει Βαλαάμ, ἐξῆλθεν εἰσ συνάντησιν αὐτῷ, εἰσ πόλιν Μωάβ, ἥ ἐστιν ἐπὶ τῶν ὁρίων Ἀρνῶν, ὅ ἐστιν ἐκ μέρουσ τῶν ὁρίων. καὶ εἶπε Βαλὰκ πρὸσ Βαλαάμ. οὐχὶ ἀπέστειλα πρὸσ σὲ καλέσαι σε̣ διατί οὐκ ἤρχου πρόσ με̣ ὄντωσ οὐ δυνήσομαι τιμῆσαί σε̣ καὶ εἶπε Βαλαὰμ πρὸσ Βαλάκ. ἰδοὺ ἥκω πρὸσ σὲ νῦν. δυνατὸσ ἔσομαι λαλῆσαί τι̣ τὸ ρῆμα, ὃ ἐὰν ἐμβάλῃ ὁ Θεὸσ εἰσ τὸ στόμα μου, τοῦτο λαλήσω. καὶ ἐπορεύθη Βαλαὰμ μετὰ Βαλάκ, καὶ ἦλθον εἰσ πόλεισ ἐπαύλεων. καὶ ἔθυσε Βαλὰκ πρόβατα καὶ μόσχουσ καὶ ἀπέστειλε τῷ Βαλαὰμ καὶ τοῖσ ἄρχουσι τοῖσ μετ’ αὐτοῦ. καὶ ἐγενήθη πρωί̈ καὶ παραλαβὼν Βαλὰκ τὸν Βαλαὰμ ἀνεβίβασεν αὐτὸν ἐπὶ τὴν στήλην τοῦ Βαὰλ καὶ ἔδειξεν αὐτῷ ἐκεῖθεν μέροσ τι τοῦ λαοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 22:

(70인역 성경, 민수기 22:)

목록

SEARCH

MENU NAVIGATION