헬라어 문장 검색 - Σεπτύ004́031́

(70인역 성경, 민수기 31:)

ΚΑΙ ἐλάλησε Κύριοσ πρὸσ Μωυσῆν λέγων. ἐκδίκει τὴν ἐκδίκησιν υἱῶν Ἰσραὴλ ἐκ τῶν Μαδιανιτῶν, καὶ ἔσχατον προστεθήσῃ πρὸσ τὸν λαόν σου. καὶ ἐλάλησε Μωυσῆσ πρὸσ τὸν λαὸν λέγων. ἐξοπλίσατε ἐξ ὑμῶν ἄνδρασ καὶ παρατάξασθε ἔναντι Κυρίου ἐπὶ Μαδιὰν ἀποδοῦναι ἐκδίκησιν παρὰ τοῦ Κυρίου τῇ Μαδιάν. χιλίουσ ἐκ φυλῆσ, χιλίουσ ἐκ φυλῆσ, ἐκ πασῶν φυλῶν υἱῶν Ἰσραὴλ ἀποστείλατε παρατάξασθαι. καὶ ἐξηρίθμησαν ἐκ τῶν χιλιάδων Ἰσραὴλ χιλίουσ ἐκ φυλῆσ, δώδεκα χιλιάδασ ἐνωπλισμένοι εἰσ παράταξιν. καὶ ἀπέστειλεν αὐτοὺσ Μωυσῆσ χιλίουσ ἐκ φυλῆσ, χιλίουσ ἐκ φυλῆσ σὺν δυνάμει αὐτῶν καὶ Φινεὲσ υἱὸν Ἐλεάζαρ υἱοῦ Ἀαρὼν τοῦ ἱερέωσ, καὶ τὰ σκεύη τὰ ἅγια καὶ αἱ σάλπιγγεσ τῶν σημασιῶν ἐν ταῖσ χερσὶν αὐτῶν. καὶ παρετάξαντο ἐπὶ Μαδιάν, καθὰ ἐνετείλατο Κύριοσ Μωυσῇ, καὶ ἀπέκτειναν πᾶν ἀρσενικόν. καὶ τοὺσ βασιλεῖσ Μαδιὰν ἀπέκτειναν ἅμα τοῖσ τραυματίαισ αὐτῶν, καὶ τὸν Εὐὶν καὶ τὸν Ροκὸν καὶ τὸν Σοὺρ καὶ τὸν Οὒρ καὶ τὸν Ροβόκ, πέντε βασιλεῖσ Μαδιάν. καὶ τὸν Βαλαὰμ υἱὸν Βεὼρ ἀπέκτειναν ἐν ρομφαίᾳ σὺν τοῖσ τραυματίαισ αὐτῶν. καὶ ἐπρονόμευσαν τὰσ γυναῖκασ Μαδιὰν καὶ τὴν ἀποσκευὴν αὐτῶν, καὶ τὰ κτήνη αὐτῶν καὶ πάντα τὰ ἔγκτητα αὐτῶν καὶ τὴν δύναμιν αὐτῶν ἐπρονόμευσαν. καὶ πάσασ τὰσ πόλεισ αὐτῶν τὰσ ἐν ταῖσ κατοικίαισ αὐτῶν καὶ τὰσ ἐπαύλεισ αὐτῶν ἐνέπρησαν ἐν πυρί. καὶ ἔλαβον πᾶσαν τὴν προνομὴν αὐτῶν καὶ πάντα τὰ σκῦλα αὐτῶν ἀπὸ ἀνθρώπου ἕωσ κτήνους καὶ ἤγαγον πρὸσ Μωυσῆν καὶ πρὸσ Ἐλεάζαρ τὸν ἱερέα καὶ πρὸσ πάντασ υἱοὺσ Ἰσραὴλ τὴν αἰχμαλωσίαν καὶ τὰ σκῦλα καὶ τὴν προνομὴν εἰσ τὴν παρεμβολὴν εἰσ Ἀραβὼθ Μωάβ, ἥ ἐστιν ἐπὶ τοῦ Ἰορδάνου κατὰ Ἱεριχώ. Καὶ ἐξῆλθε Μωυσῆσ καὶ Ἐλεάζαρ ὁ ἱερεὺσ καὶ πάντεσ οἱ ἄρχοντεσ τῆσ συναγωγῆσ εἰσ συνάντησιν αὐτοῖσ ἔξω τῆσ παρεμβολῆσ. καὶ ὠργίσθη Μωυσῆσ ἐπὶ τοῖσ ἐπισκόποισ τῆσ δυνάμεωσ, χιλιάρχοισ καὶ ἑκατοντάρχοισ τοῖσ ἐρχομένοισ ἐκ τῆσ παρατάξεωσ τοῦ πολέμου, καὶ εἶπεν αὐτοῖσ Μωυσῆσ. ἱνατί ἐζωγρήσατε πᾶν θῆλυ̣ αὗται γὰρ ἦσαν τοῖσ υἱοῖσ Ἰσραὴλ κατὰ τὸ ρῆμα Βαλαὰμ τοῦ ἀποστῆσαι καὶ ὑπεριδεῖν τὸ ρῆμα Κυρίου ἕνεκεν Φογώρ, καὶ ἐγένετο ἡ πληγὴ ἐν τῇ συναγωγῇ Κυρίου. καὶ νῦν ἀποκτείνατε πᾶν ἀρσενικὸν ἐν πάσῃ τῇ ἀπαρτίᾳ, πᾶσαν γυναῖκα, ἥτισ ἔγνω κοίτην ἄρσενοσ, ἀποκτείνατε. καὶ πᾶσαν τὴν ἀπαρτίαν τῶν γυναικῶν, ἥτισ οὐκ οἶδε κοίτην ἄρσενοσ, ζωγρήσατε αὐτάσ. καὶ ὑμεῖσ παρεμβάλετε ἔξω τῆσ παρεμβολῆσ ἑπτὰ ἡμέρασ. πᾶσ ὁ ἀνελὼν καὶ ὁ ἁπτόμενοσ τοῦ τετρωμένου ἁγνισθήσεται τῇ ἡμέρᾳ τῇ τρίτῃ καὶ τῇ ἡμέρᾳ τῇ ἑβδόμῃ ὑμεῖσ καὶ ἡ αἰχμαλωσία ὑμῶν. καὶ πᾶν περίβλημα καὶ πᾶν σκεῦοσ δερμάτινον καὶ πᾶσαν ἐργασίαν ἐξ αἰγείασ καὶ πᾶν σκεῦοσ ξύλινον ἀφαγνιεῖτε. καὶ εἶπεν Ἐλεάζαρ ὁ ἱερεὺσ πρὸσ τοὺσ ἄνδρασ τῆσ δυνάμεωσ τοὺσ ἐρχομένουσ ἐκ τῆσ παρατάξεωσ τοῦ πολέμου. τοῦτο τὸ δικαίωμα τοῦ νόμου, ὃ συνέταξε Κύριοσ τῷ Μωυσῇ. πλὴν τοῦ χρυσίου καὶ τοῦ ἀργυρίου καὶ χαλκοῦ καὶ σιδήρου καὶ μολίβου καὶ κασσιτέρου, πᾶν πρᾶγμα, ὃ διελεύσεται ἐν πυρί, καὶ καθαρισθήσεται, ἀλλ’ ἢ τῷ ὕδατι τοῦ ἁγνισμοῦ ἁγνισθήσεται. καὶ πάντα ὅσα ἐὰν μὴ διαπορεύηται διὰ πυρόσ, διελεύσεται δι’ ὕδατοσ. καὶ πλυνεῖσθε τὰ ἱμάτια τῇ ἡμέρᾳ τῇ ἑβδόμῃ καὶ καθαρισθήσεσθε καὶ μετὰ ταῦτα εἰσελεύσεσθε εἰσ τὴν παρεμβολήν. Καὶ ἐλάλησε Κύριοσ πρὸσ Μωυσῆν λέγων. λάβε τὸ κεφάλαιον τῶν σκύλων τῆσ αἰχμαλωσίασ ἀπὸ ἀνθρώπου ἕωσ κτήνουσ, σὺ καὶ Ἐλεάζαρ ὁ ἱερεὺσ καὶ οἱ ἄρχοντεσ τῶν πατριῶν τῆσ συναγωγῆσ, καὶ διελεῖτε τὰ σκῦλα ἀνὰ μέσον τῶν πολεμιστῶν τῶν ἐκπεπορευμένων εἰσ τὴν παράταξιν, καὶ ἀνὰ μέσον πάσησ συναγωγῆσ. καὶ ἀφελεῖτε τέλοσ Κυρίῳ παρὰ τῶν ἀνθρώπων τῶν πολεμιστῶν τῶν ἐκπεπορευμένων εἰσ τὴν παράταξιν μίαν ψυχὴν ἀπὸ πεντακοσίων, ἀπὸ τῶν ἀνθρώπων καὶ ἀπὸ τῶν κτηνῶν καὶ ἀπὸ τῶν βοῶν καὶ ἀπὸ τῶν προβάτων καὶ ἀπὸ τῶν ὄνων. καὶ ἀπὸ τοῦ ἡμίσουσ αὐτῶν λήψεσθε καὶ δώσεισ Ἐλεάζαρ τῷ ἱερεῖ τὰσ ἀπαρχὰσ Κυρίου. καὶ ἀπὸ τοῦ ἡμίσουσ τοῦ τῶν υἱῶν Ἰσραὴλ λήψῃ ἕνα ἀπὸ πεντήκοντα ἀπὸ τῶν ἀνθρώπων καὶ ἀπὸ τῶν βοῶν καὶ ἀπὸ τῶν προβάτων καὶ ἀπὸ τῶν ὄνων καὶ ἀπὸ πάντων τῶν κτηνῶν καὶ δώσεισ αὐτὰ τοῖσ Λευίταισ τοῖσ φυλάσσουσι τὰσ φυλακὰσ ἐν τῇ σκηνῇ Κυρίου. καὶ ἐποίησε Μωυσῆσ καὶ Ἐλεάζαρ ὁ ἱερεὺσ καθὰ συνέταξε Κύριοσ τῷ Μωυσῇ. καὶ ἐγενήθη τὸ πλεόνασμα τῆσ προνομῆσ, ὃ προενόμευσαν οἱ ἄνδρεσ οἱ πολεμισταὶ ἀπὸ τῶν προβάτων, ἑξακόσιαι χιλιάδεσ καὶ ἑβδομήκοντα καὶ πέντε χιλιάδες καὶ βόεσ δύο καὶ ἑβδομήκοντα χιλιάδες καὶ ὄνοι μία καὶ ἑξήκοντα χιλιάδες καὶ ψυχαὶ ἀνθρώπων ἀπὸ τῶν γυναικῶν, αἳ οὐκ ἔγνωσαν κοίτην ἀνδρόσ, πᾶσαι ψυχαὶ δύο καὶ τριάκοντα χιλιάδεσ. καὶ ἐγενήθη τὸ ἡμίσευμα ἡ μερὶσ τῶν ἐκπεπορευμένων εἰσ τὸν πόλεμον ἐκ τοῦ ἀριθμοῦ τῶν προβάτων τριακόσιαι καὶ τριάκοντα χιλιάδεσ καὶ ἑπτακισχίλια καὶ πεντακόσια. καὶ ἐγένετο τὸ τέλοσ Κυρίῳ ἀπὸ τῶν προβάτων ἑξακόσιαι ἑβδομήκοντα πέντε. καὶ βόεσ ἓξ καὶ τριάκοντα χιλιάδεσ, καὶ τὸ τέλοσ Κυρίῳ δύο καὶ ἑβδομήκοντα. καὶ ὄνοι τριάκοντα χιλιάδεσ καὶ πεντακόσιοι, καὶ τὸ τέλοσ Κυρίῳ εἷσ καὶ ἑξήκοντα. καὶ ψυχαὶ ἀνθρώπων ἑκκαίδεκα χιλιάδεσ, καὶ τὸ τέλοσ αὐτῶν Κυρίῳ δύο καὶ τριάκοντα ψυχαί. καὶ ἔδωκε Μωυσῆσ τὸ τέλοσ Κυρίῳ τὸ ἀφαίρεμα τοῦ Θεοῦ Ἐλεάζαρ τῷ ἱερεῖ, καθὰ συνέταξε Κύριοσ τῷ Μωυσῇ. ἀπὸ τοῦ ἡμισεύματοσ τῶν υἱῶν Ἰσραήλ, οὓσ διεῖλε Μωυσῆσ ἀπὸ τῶν ἀνδρῶν τῶν πολεμιστῶν. καὶ ἐγένετο τὸ ἡμίσευμα ἀπὸ τῆσ συναγωγῆσ ἀπὸ τῶν προβάτων τριακόσιαι καὶ τριάκοντα χιλιάδεσ καὶ ἑπτακισχίλια καὶ πεντακόσια καὶ βόεσ ἓξ καὶ τριάκοντα χιλιάδεσ, ὄνοι τριάκοντα χιλιάδεσ καὶ πεντακόσιοι καὶ ψυχαὶ ἀνθρώπων ἓξ καὶ δέκα χιλιάδεσ. καὶ ἔλαβε Μωυσῆσ ἀπὸ τοῦ ἡμισεύματοσ τῶν υἱῶν Ἰσραὴλ τὸ ἓν ἀπὸ τῶν πεντήκοντα, ἀπὸ τῶν ἀνθρώπων καὶ ἀπὸ τῶν κτηνῶν, καὶ ἔδωκεν αὐτὰ τοῖσ Λευίταισ τοῖσ φυλάσσουσι τὰσ φυλακὰσ τῆσ σκηνῆσ Κυρίου, ὃν τρόπον συνέταξε Κύριοσ τῷ Μωυσῇ. Καὶ προσῆλθον πρὸσ Μωυσῆν πάντεσ οἱ καθεσταμένοι εἰσ τὰσ χιλιαρχίασ τῆσ δυνάμεωσ, χιλίαρχοι καὶ ἑκατόνταρχοι, καὶ εἶπαν πρὸσ Μωυσῆν. οἱ παῖδέσ σου εἰλήφασι τὸ κεφάλαιον τῶν ἀνδρῶν τῶν πολεμιστῶν τῶν παρ’ ἡμῖν, καὶ οὐ διαπεφώνηκεν ἀπ’ αὐτῶν οὐδὲ εἷσ. καὶ προσενηνόχαμεν τὸ δῶρον Κυρίῳ, ἀνὴρ ὃ εὗρε σκεῦοσ χρυσοῦν καὶ χλιδῶνα καὶ ψέλλιον καὶ δακτύλιον καὶ περιδέξιον καὶ ἐμπλόκιον, ἐξιλάσασθαι περὶ ἡμῶν ἔναντι Κυρίου. καὶ ἔλαβε Μωυσῆσ καὶ Ἐλεάζαρ ὁ ἱερεὺσ τὸ χρυσίον παρ’ αὐτῶν πᾶν σκεῦοσ εἰργασμένον. καὶ ἐγένετο πᾶν τὸ χρυσίον τὸ ἀφαίρεμα, ὃ ἀφεῖλον Κυρίῳ, ἑκκαίδεκα χιλιάδεσ καὶ ἑπτακόσιοι καὶ πεντήκοντα σίκλοι παρὰ τῶν χιλιάρχων καὶ παρὰ τῶν ἑκατοντάρχων. καὶ οἱ ἄνδρεσ οἱ πολεμισταὶ ἐπρονόμευσαν ἕκαστοσ ἑαυτῷ. καὶ ἔλαβε Μωυσῆσ καὶ Ἐλεάζαρ ὁ ἱερεὺσ τὸ χρυσίον παρὰ τῶν χιλιάρχων καὶ παρὰ τῶν ἑκατοντάρχων καὶ εἰσήνεγκεν αὐτὰ εἰσ τὴν σκηνὴν τοῦ μαρτυρίου, μνημόσυνον τῶν υἱῶν Ἰσραὴλ ἔναντι Κυρίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 31:

(70인역 성경, 민수기 31:)

목록

SEARCH

MENU NAVIGATION