헬라어 문장 검색 - Σεπτύ043́019́

(70인역 성경, 이사야서 19:)

Ὅρασισ Αἰγύπτου. ‐ ΙΔΟΥ Κύριοσ κάθηται ἐπὶ νεφέλησ κούφησ καὶ ἥξει εἰσ Αἴγυπτον, καὶ σεισθήσεται τὰ χειροποίητα Αἰγύπτου ἀπὸ προσώπου αὐτοῦ, καὶ ἡ καρδία αὐτῶν ἡττηθήσεται ἐν αὐτοῖσ. καὶ ἐπεγερθήσονται Αἰγύπτιοι ἐπ̓ Αἰγυπτίουσ, καὶ πολεμήσει ἄνθρωποσ τὸν ἀδελφὸν αὐτοῦ καὶ ἄνθρωποσ τὸν πλησίον αὐτοῦ, πόλισ ἐπὶ πόλιν καὶ νομὸσ ἐπὶ νομόν. καὶ ταραχθήσεται τὸ πνεῦμα τῶν Αἰγυπτίων ἐν αὐτοῖσ, καὶ τὴν βουλὴν αὐτῶν διασκεδάσω, καὶ ἐπερωτήσουσι τοὺσ θεοὺσ αὐτῶν καὶ τὰ ἀγάλματα αὐτῶν καὶ τοὺσ ἐκ τῆσ γῆσ φωνοῦντασ καὶ τοὺσ ἐγγαστριμύθουσ. καὶ παραδώσω τὴν Αἴγυπτον εἰσ χεῖρασ ἀνθρώπων κυρίων σκληρῶν, καὶ βασιλεῖσ σκληροὶ κυριεύσουσιν αὐτῶν. τάδε λέγει Κύριοσ σαβαώθ. καὶ πίονται οἱ Αἰγύπτιοι ὕδωρ τὸ παρὰ θάλασσαν, ὁ δὲ ποταμὸσ ἐκλείψει καὶ ξηρανθήσεται. καὶ ἐκλείψουσιν οἱ ποταμοὶ καὶ αἱ διώρυγεσ τοῦ ποταμοῦ, καὶ ξηρανθήσεται πᾶσα συναγωγὴ ὕδατοσ καὶ ἐν παντὶ ἕλει καλάμου καὶ παπύρου. καὶ τὸ ἄχι τὸ χλωρὸν πᾶν τὸ κύκλῳ τοῦ ποταμοῦ, καὶ πᾶν τὸ σπειρόμενον διὰ τοῦ ποταμοῦ ξηρανθήσεται ἀνεμόφθορον. καὶ στενάξουσιν οἱ ἁλιεῖσ, καὶ στενάξουσι πάντεσ οἱ βάλλοντεσ ἄγκιστρον εἰσ τὸν ποταμόν, καὶ οἱ βάλλοντεσ σαγήνασ καὶ οἱ ἀμφιβολεῖσ πενθήσουσι. καὶ αἰσχύνη λήψεται τοὺσ ἐργαζομένουσ τὸ λίνον τὸ σχιστὸν καὶ τοὺσ ἐργαζομένουσ τὴν βύσσον, καὶ ἔσονται οἱ ἐργαζόμενοι αὐτὰ ἐν ὀδύνῃ, καὶ πάντεσ οἱ ποιοῦντεσ τὸν ζῦθον λυπηθήσονται καὶ τὰσ ψυχὰσ πονέσουσι. καὶ μωροὶ ἔσονται οἱ ἄρχοντεσ Τάνεωσ. οἱ σοφοὶ σύμβουλοι τοῦ βασιλέωσ, ἡ βουλὴ αὐτῶν μωρανθήσεται. πῶσ ἐρεῖτε τῷ βασιλεῖ. υἱοὶ συνετῶν ἡμεῖσ, υἱοὶ βασιλέων τῶν ἐξ ἀρχῆσ̣ ποῦ εἰσι νῦν οἱ σοφοί σου καὶ ἀναγγειλάτωσάν σοι καὶ εἰπάτωσαν, τί βεβούλευται Κύριοσ σαβαὼθ ἐπ̓ Αἴγυπτον̣ ἐξέλιπον οἱ ἄρχοντεσ Τάνεωσ, καὶ ὑψώθησαν οἱ ἄρχοντεσ Μέμφεωσ, καὶ πλανήσουσιν Αἴγυπτον κατὰ φυλάσ. Κύριοσ γὰρ ἐκέρασεν αὐτοῖσ πνεῦμα πλανήσεωσ, καὶ ἐπλάνησαν Αἴγυπτον ἐν πᾶσι τοῖσ ἔργοισ αὐτῶν, ὡσ πλανᾶται ὁ μεθύων καὶ ὁ ἐμῶν ἅμα. καὶ οὐκ ἔσται τοῖσ Αἰγυπτίοισ ἔργον, ὃ ποιήσει κεφαλὴν καὶ οὐράν, ἀρχὴν καὶ τέλοσ. Τῇ δὲ ἡμέρᾳ ἐκείνῃ ἔσονται οἱ Αἰγύπτιοι ὡσ γυναῖκεσ ἐν φόβῳ καὶ ἐν τρόμῳ ἀπὸ προσώπου τῆσ χειρὸσ Κυρίου σαβαώθ, ἣν αὐτὸσ ἐπιβαλεῖ αὐτοῖσ. καὶ ἔσται ἡ χώρα τῶν Ἰουδαίων τοῖσ Αἰγυπτίοισ εἰσ φόβητρον. πᾶσ, ὃσ ἐὰν ὀνομάσῃ αὐτὴν αὐτοῖσ, φοβηθήσονται διὰ τὴν βουλήν, ἣν βεβούλευται Κύριοσ σαβαὼθ ἐπ̓ αὐτήν. Τῇ ἡμέρᾳ ἐκείνῃ ἔσονται πέντε πόλεισ ἐν τῇ Αἰγύπτῳ λαλοῦσαι τῇ γλώσσῃ τῇ Χαναανίτιδι καὶ ὀμνύουσαι τῷ ὀνόματι Κυρίου σαβαώθ. πόλισ ἀσεδὲκ κληθήσεται ἡ μία πόλισ. Τῇ ἡμέρᾳ ἐκείνῃ ἔσται θυσιαστήριον τῷ Κυρίῳ ἐν χώρᾳ Αἰγυπτίων καὶ στήλη πρὸσ τὸ ὅριον αὐτῆσ τῷ Κυρίῳ καὶ ἔσται εἰσ σημεῖον εἰσ τὸν αἰῶνα Κυρίῳ ἐν χώρᾳ Αἰγύπτου, ὅτι κεκράξονται πρὸσ Κύριον διὰ τοὺσ θλίβοντασ αὐτούσ, καὶ ἀποστελεῖ αὐτοῖσ Κύριοσ ἄνθρωπον, ὃσ σώσει αὐτούσ, κρίνων σώσει αὐτούσ. καὶ γνωστὸσ ἔσται Κύριοσ τοῖσ Αἰγυπτίοισ, καὶ γνώσονται οἱ Αἰγύπτιοι τὸν Κύριον ἐν τῇ ἡμέρᾳ ἐκείνῃ καὶ ποιήσουσι θυσίασ καὶ εὔξονται εὐχὰσ τῷ Κυρίῳ καὶ ἀποδώσουσι. καὶ πατάξει Κύριοσ τοὺσ Αἰγυπτίουσ πληγῇ καὶ ἰάσεται αὐτοὺσ ἰάσει, καὶ ἐπιστραφήσονται πρὸσ Κύριον, καὶ εἰσακούσεται αὐτῶν καὶ ἰάσεται αὐτούσ. Τῇ ἡμέρᾳ ἐκείνη ἔσται ἡ ὁδὸσ ἀπὸ Αἰγύπτου πρὸσ Ἀσσυρίουσ καὶ εἰσελεύσονται Ἀσσύριοι εἰσ Αἴγυπτον, καὶ Αἰγύπτιοι πορεύσονται πρὸσ Ἀσσυρίουσ, καὶ δουλεύσουσιν Αἰγύπτιοι τοῖσ Ἀσσυρίοισ. Τῇ ἡμέρᾳ ἐκείνη ἔσται Ἰσραὴλ τρίτοσ ἐν τοῖσ Ἀσσυρίοισ καὶ ἐν τοῖσ Αἰγυπτίοισ εὐλογημένοσ ἐν τῇ γῇ, ἣν εὐλόγησε Κύριοσ σαβαὼθ λέγων. εὐλογημένοσ ὁ λαόσ μου ὁ ἐν Αἰγύπτῳ καὶ ὁ ἐν Ἀσσυρίοισ καὶ ἡ κληρονομία μου Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 19:

(70인역 성경, 이사야서 19:)

목록

SEARCH

MENU NAVIGATION