헬라어 문장 검색 - Σεπτύ011́021́

(70인역 성경, 열왕기 상권 21:)

ΚΑΙ συνήθροισεν υἱὸσ Ἄδερ πᾶσαν τὴν δύναμιν αὐτοῦ καὶ ἀνέβη καὶ περιεκάθισεν ἐπὶ Σαμάρειαν καὶ τριακονταδύο βασιλεῖσ μετ̓ αὐτοῦ καὶ πᾶσ ἵπποσ καὶ ἅρμα. καὶ ἀνέβησαν καὶ περιεκάθισαν ἐπὶ Σαμάρειαν καὶ ἐπολέμησαν ἐπ̓ αὐτήν. καὶ ἀπέστειλε πρὸσ Ἀχαὰβ βασιλέα Ἰσραὴλ εἰσ τὴν πόλιν, καὶ εἶπε πρὸσ αὐτόν. τάδε λέγει υἱὸσ Ἄδερ. τὸ ἀργύριόν σου καὶ τὸ χρυσίον σου ἐμόν ἐστι καὶ αἱ γυναῖκέσ σου καὶ τὰ τέκνα σου ἐμά ἐστι. καὶ ἀπεκρίθη βασιλεὺσ Ἰσραὴλ καὶ εἶπε. καθὼσ ἐλάλησασ, κύριέ μου βασιλεῦ, σὸσ ἐγώ εἰμι καὶ πάντα τὰ ἐμά. καὶ ἀνέστρεψαν οἱ ἄγγελοι, καὶ εἶπαν. τάδε λέγει ὁ υἱὸσ Ἄδερ. ἐγὼ ἀπέστειλα πρόσ σε λέγων. τὸ ἀργύριόν σου καὶ τὸ χρυσίον σου καὶ τὰσ γυναῖκασ καὶ τὰ τέκνα σου δώσεισ ἐμοί. ὅτι ταύτην τὴν ὥραν αὔριον ἀποστελῶ τοὺσ παῖδάσ μου πρόσ σε, καὶ ἐρευνήσουσι τὸν οἶκόν σου καὶ τοὺσ οἴκουσ τῶν παίδων σου καὶ ἔσται πάντα τὰ ἐπιθυμήματα τῶν ὀφθαλμῶν αὐτῶν, ἐφ̓ ἃ ἂν ἐπιβάλωσι τὰσ χεῖρασ αὐτῶν, καὶ λήψονται. καὶ ἐκάλεσεν ὁ βασιλεὺσ Ἰσραὴλ πάντασ τοὺσ πρεσβυτέρουσ τῆσ γῆσ καὶ εἶπε. γνῶτε δὴ καὶ ἴδετε ὅτι κακίαν οὗτοσ ζητεῖ, ὅτι ἀπέσταλκε πρόσ με περὶ τῶν γυναικῶν μου καὶ περὶ τῶν υἱῶν μου καὶ περὶ τῶν θυγατέρων μου. τὸ ἀργύριόν μου καὶ τὸ χρυσίον μου οὐκ ἀπεκώλυσα ἀπ̓ αὐτοῦ. καὶ εἶπαν αὐτῷ οἱ πρεσβύτεροι καὶ πᾶσ ὁ λαόσ. μὴ ἀκούσῃσ καὶ μὴ θελήσῃσ. καὶ εἶπε τοῖσ ἀγγέλοισ υἱοῦ Ἄδερ. λέγετε τῷ κυρίῳ ὑμῶν. πάντα ὅσα ἀπέσταλκασ πρὸσ τὸν δοῦλόν σου ἐν πρώτοισ ποιήσω, τὸ δὲ ρῆμα τοῦτο οὐ δυνήσομαι ποιῆσαι. καὶ ἀπῇραν οἱ ἄνδρεσ καὶ ἐπέστρεψαν αὐτῷ λόγον. καὶ ἀπέστειλε πρὸσ αὐτὸν υἱὸσ Ἄδερ λέγων. τάδε ποιήσαι μοι ὁ Θεὸσ καὶ τάδε προσθείη, εἰ ἐκποιήσει ὁ χοῦσ Σαμαρείασ ταῖσ ἀλώπεξι παντὶ τῷ λαῷ τοῖσ πεζοῖσ μου. καὶ ἀπεκρίθη ὁ βασιλεὺσ Ἰσραὴλ καὶ εἶπεν. ἱκανούσθω. μὴ καυχάσθω ὁ κυρτὸσ ὡσ ὁ ὀρθόσ. καὶ ἐγένετο ὅτε ἀπεκρίθη αὐτῷ τὸν λόγον τοῦτον, πίνων ἦν αὐτὸσ καὶ πάντεσ οἱ βασιλεῖσ οἱ μετ̓ αὐτοῦ ἐν σκηναῖσ καὶ εἶπε τοῖσ παισὶν αὐτοῦ. οἰκοδομήσατε χάρακα. καὶ ἔθεντο χάρακα ἐπὶ τὴν πόλιν. καὶ ἰδοὺ προφήτησ εἷσ προσῆλθε τῷ Ἀχαὰβ βασιλεῖ Ἰσραὴλ καὶ εἶπε. τάδε λέγει Κύριοσ. εἰ ἑώρακασ τὸν ὄχλον τὸν μέγαν τοῦτον̣ ἰδοὺ ἐγὼ δίδωμι αὐτὸν σήμερον εἰσ χεῖράσ σασ, καὶ γνώσῃ ὅτι ἐγὼ Κύριοσ. καὶ εἶπεν Ἀχαάβ. ἐν τίνι̣ καὶ εἶπε. τάδε λέγει Κύριοσ. ἐν τοῖσ παιδαρίοισ τῶν ἀρχόντων τῶν χωρῶν. καὶ εἶπεν Ἀχαάβ. τίσ συνάξει τὸν πόλεμον̣ καὶ εἶπε. σύ. καὶ ἐπεσκέψατο Ἀχαὰβ τὰ παιδάρια τῶν ἀρχόντων τῶν χωρῶν, καὶ ἐγένοντο διακόσια τριάκοντα. καὶ μετὰ ταῦτα ἐπεσκέψατο τὸν λαόν, πάντα υἱὸν δυνάμεωσ, ἑπτὰ χιλιάδασ. καὶ ἐξῆλθε μεσημβρίασ. καὶ υἱὸσ Ἄδερ πίνων μεθύων ἐν Σοκχὼθ αὐτὸσ καὶ οἱ βασιλεῖσ, τριάκοντα καὶ δύο βασιλεῖσ συμβοηθοὶ μετ̓ αὐτοῦ. καὶ ἐξῆλθον ἄρχοντεσ παιδάρια τῶν χωρῶν ἐν πρώτοισ. καὶ ἀποστέλλουσι καὶ ἀπαγγέλλουσι τῷ βασιλεῖ Συρίασ λέγοντεσ. ἄνδρεσ ἐξεληλύθασιν ἐκ Σαμαρείασ. καὶ εἶπεν αὐτοῖσ. εἰ εἰσ εἰρήνην ἐκπορεύονται, συλλαβεῖν αὐτοὺσ ζῶντασ. καὶ εἰ εἰσ πόλεμον, ζῶντασ συλλαβεῖν αὐτούσ. καὶ μὴ ἐξελθάτωσαν ἐκ τῆσ πόλεωσ τὰ παιδάρια ἀρχόντων τῶν χωρῶν. καὶ ἡ δύναμισ ὀπίσω αὐτῶν ἐπάταξεν ἕκαστοσ τὸν παῤ αὐτοῦ καὶ ἐδευτέρωσεν ἕκαστοσ τὸν παῤ αὐτοῦ, καὶ ἔφυγε Συρία, καὶ κατεδίωξεν αὐτοὺσ Ἰσραήλ. καὶ σῴζεται υἱὸσ Ἄδερ βασιλεὺσ Συρίασ ἐφ̓ ἵππου ἱππέωσ. καὶ ἐξῆλθεν ὁ βασιλεὺσ Ἰσραὴλ καὶ ἔλαβε πάντασ τοὺσ ἵππουσ καὶ τὰ ἅρματα καὶ ἐπάταξε πληγὴν μεγάλην ἐν Συρίᾳ. καὶ προσῆλθεν ὁ προφήτησ πρὸσ βασιλέα Ἰσραὴλ καὶ εἶπε. κραταιοῦ καὶ γνῶθι καὶ ἴδε τί ποιήσεισ, ὅτι ἐπιστρέφοντοσ τοῦ ἐνιαυτοῦ υἱὸσ Ἄδερ βασιλεὺσ Συρίασ ἀναβαίνει ἐπὶ σέ. καὶ οἱ παῖδεσ βασιλέωσ Συρίασ εἶπον. Θεὸσ ὀρέων Θεὸσ Ἰσραὴλ καὶ οὐ Θεὸσ κοιλάδων, διὰ τοῦτο ἐκραταίωσεν ὑπὲρ ἡμᾶσ. ἐὰν δὲ πολεμήσωμεν αὐτοὺσ κατ̓ εὐθύ, εἰ μὴν κραταιώσωμεν ὑπὲρ αὐτούσ. καὶ τὸ ρῆμα τοῦτο ποίησον. ἀπόστησον τοὺσ βασιλεῖσ ἕκαστον εἰσ τὸν τόπον αὐτῶν καὶ θοῦ ἀντ̓ αὐτῶν σατράπασ, καὶ ἀλλάξομέν σοι δύναμιν κατὰ τὴν δύναμιν τὴν πεσοῦσαν καὶ ἵππον κατὰ τὴν ἵππον καὶ ἅρματα κατὰ τὰ ἅρματα καὶ πολεμήσομεν πρὸσ αὐτοὺσ κατ̓ εὐθὺ καὶ κραταιώσομεν ὑπὲρ αὐτούσ. καὶ ἤκουσε τῆσ φωνῆσ αὐτῶν καὶ ἐποίησεν οὕτωσ. καὶ ἐγένετο ἐπιστρέψαντοσ τοῦ ἐνιαυτοῦ καὶ ἐπεσκέψατο υἱὸσ Ἄδερ τὴν Συρίαν καὶ ἀνέβη εἰσ Ἀφεκὰ εἰσ πόλεμον ἐπὶ Ἰσραήλ. καὶ οἱ υἱοὶ Ἰσραὴλ ἐπεσκέπησαν καὶ παρεγένοντο εἰσ ἀπαντὴν αὐτῶν, καὶ παρενέβαλεν Ἰσραὴλ ἐξεναντίασ αὐτῶν ὡσεὶ δύο ποίμνια αἰγῶν, καὶ Συρία ἔπλησε τὴν γῆν. καὶ προσῆλθεν ὁ ἄνθρωποσ τοῦ Θεοῦ καὶ εἶπε τῷ βασιλεῖ Ἰσραήλ. τάδε λέγει Κύριοσ. ἀνθ̓ ὧν εἶπε Συρία. Θεὸσ ὀρέων Κύριοσ ὁ Θεὸσ Ἰσραὴλ καὶ οὐ Θεὸσ κοιλάδων αὐτόσ, καὶ δώσω τὴν δύναμιν τὴν μεγάλην ταύτην εἰσ χεῖρα σήν, καὶ γνώσῃ ὅτι ἐγὼ Κύριοσ. καὶ παρεμβάλλουσιν οὗτοι ἀπέναντι τούτων ἑπτὰ ἡμέρασ, καὶ ἐγένετο ἐν τῇ ἡμέρᾳ τῇ ἑβδόμῃ καὶ προσήγαγεν ὁ πόλεμοσ, καὶ ἐπάταξεν Ἰσραὴλ τὴν Συρίαν ἑκατὸν χιλιάδασ πεζῶν μιᾷ ἡμέρᾳ. καὶ ἔφυγον οἱ κατάλοιποι εἰσ Ἀφεκὰ εἰσ τὴν πόλιν, καὶ ἔπεσε τὸ τεῖχοσ ἐπὶ εἴκοσι καὶ ἑπτὰ χιλιάδασ ἀνδρῶν τῶν καταλοίπων. καὶ υἱὸσ Ἄδερ ἔφυγε καὶ εἰσῆλθεν εἰσ τὸν οἶκον τοῦ κοιτῶνοσ, εἰσ τὸ ταμιεῖον. καὶ εἶπε τοῖσ παισὶν αὐτοῦ. οἶδα ὅτι βασιλεῖσ Ἰσραὴλ βασιλεῖσ ἐλέουσ εἰσίν. ἐπιθώμεθα δὴ σάκκουσ ἐπὶ τὰσ ὀσφύασ ἡμῶν καὶ σχοινία ἐπὶ τὰσ κεφαλὰσ ἡμῶν καὶ ἐξέλθωμεν πρὸσ βασιλέα Ἰσραήλ, εἴ πωσ ζωογονήσει τὰσ ψυχὰσ ἡμῶν. καὶ περιεζώσαντο σάκκουσ ἐπὶ τὰσ ὀσφύασ αὐτῶν καὶ ἔθεσαν σχοινία ἐπὶ τὰσ κεφαλὰσ αὐτῶν καὶ εἶπον τῷ βασιλεῖ Ἰσραήλ. δοῦλόσ σου υἱὸσ Ἄδερ λέγει. ζησάτω δὴ ἡ ψυχὴ ἡμῶν. καὶ εἶπεν. εἰ ἔτι ζῇ, ἀδελφόσ μού ἐστι. καὶ οἱ ἄνδρεσ οἰωνίσαντο καὶ ἐσπείσαντο καὶ ἀνελέξαντο τὸν λόγον ἐκ τοῦ στόματοσ αὐτοῦ καὶ εἶπον. ἀδελφόσ σου υἱὸσ Ἄδερ. καὶ εἶπεν. εἰσέλθατε καὶ λάβετε αὐτόν. καὶ ἐξῆλθε πρὸσ αὐτὸν υἱὸσ Ἄδερ, καὶ ἀναβιβάζουσιν αὐτὸν πρὸσ αὐτὸν ἐπὶ τὸ ἅρμα. καὶ εἶπε πρὸσ αὐτόν. τὰσ πόλεισ, ἃσ ἔλαβεν ὁ πατήρ μου παρὰ τοῦ πατρόσ σου, ἀποδώσω σοι, καὶ ἐξόδουσ θήσεισ σεαυτῷ ἐν Δαμασκῷ, καθὼσ ἔθετο ὁ πατήρ μου ἐν Σαμαρείᾳ. καὶ ἐγὼ ἐν διαθήκῃ ἐξαποστελῶ σε. καὶ διέθετο αὐτῷ διαθήκην καὶ ἐξαπέστειλεν αὐτόν. Καὶ ἄνθρωποσ εἷσ ἐκ τῶν υἱῶν τῶν προφητῶν εἶπε πρὸσ τὸν πλησίον αὐτοῦ ἐν λόγῳ Κυρίου. πάταξον δή με. καὶ οὐκ ἠθέλησεν ὁ ἄνθρωποσ πατάξαι αὐτόν. καὶ εἶπε πρὸσ αὐτόν. ἀνθ̓ ὧν οὐκ ἤκουσασ τῆσ φωνῆσ Κυρίου καὶ ἰδοὺ σὺ ἀποτρέχεισ ἀπ̓ ἐμοῦ, καὶ πατάξει σε λέων. καὶ ἀπῆλθεν ἀπ̓ αὐτοῦ, καὶ εὑρίσκει αὐτὸν λέων καὶ ἐπάταξεν αὐτόν. καὶ εὑρίσκει ἄνθρωπον ἄλλον καὶ εἶπε. πάταξόν με δή. καὶ ἐπάταξεν αὐτὸν ὁ ἄνθρωποσ πατάξασ καὶ συνέτριψε. καὶ ἐπορεύθη ὁ προφήτησ καὶ ἔστη τῷ βασιλεῖ Ἰσραὴλ ἐπὶ τῆσ ὁδοῦ καὶ κατεδήσατο ἐν τελαμῶνι τοὺσ ὀφθαλμοὺσ αὐτοῦ. καὶ ἐγένετο ὡσ παρεπορεύετο ὁ βασιλεύσ, καὶ οὗτοσ ἐβόα πρὸσ τὸν βασιλέα καὶ εἶπεν. ὁ δοῦλόσ σου ἐξῆλθεν ἐπὶ τὴν στρατιὰν τοῦ πολέμου, καὶ ἰδοὺ ἀνὴρ εἰσήγαγε πρόσ με ἄνδρα καὶ εἶπε πρόσ με. φύλαξον τοῦτον τὸν ἄνδρα, ἐὰν δὲ ἐκπηδῶν ἐκπηδήσῃ, καὶ ἔσται ἡ ψυχή σου ἀντὶ τῆσ ψυχῆσ αὐτοῦ, ἢ τάλαντον ἀργυρίου στήσεισ. καὶ ἐγενήθη περιεβλέψατο ὁ δοῦλόσ σου ὧδε καὶ ὧδε, καὶ οὗτοσ οὐκ ἦν. καὶ εἶπε πρὸσ αὐτὸν ὁ βασιλεὺσ Ἰσραήλ. ἰδοὺ καὶ τὰ ἔνεδρα παῤ ἐμοὶ ἐφόνευσασ. καὶ ἔσπευσε καὶ ἀφεῖλε τὸν τελαμῶνα ἀπὸ τῶν ὀφθαλμῶν αὐτοῦ, καὶ ἐπέγνω αὐτὸν ὁ βασιλεὺσ Ἰσραήλ, ὅτι ἐκ τῶν προφητῶν οὗτοσ. καὶ εἶπε πρὸσ αὐτόν. τάδε λέγει Κύριοσ. διότι ἐξήνεγκασ σὺ ἄνδρα ὀλέθριον ἐκ τῆσ χειρόσ σου, καὶ ἔσται ἡ ψυχή σου ἀντὶ τῆσ ψυχῆσ αὐτοῦ καὶ ὁ λαόσ σου ἀντὶ τοῦ λαοῦ αὐτοῦ. καὶ ἀπῆλθεν ὁ βασιλεὺσ Ἰσραὴλ συγκεχυμένοσ καὶ ἐκλελυμένοσ καὶ ἔρχεται εἰσ Σαμάρειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 21:

(70인역 성경, 열왕기 상권 21:)

목록

SEARCH

MENU NAVIGATION