헬라어 문장 검색 - Σεπτύ016́007́

(70인역 성경, Liber Esdrae II 7:)

ΚΑΙ μετὰ τὰ ρήματα ταῦτα ἐν βασιλείᾳ Ἀρθασασθὰ βασιλέωσ Περσῶν ἀνέβη Ἔσδρασ υἱὸσ Σαραίου, υἱοῦ Ἀζαρίου, υἱοῦ Χελκία, υἱοῦ Σελούμ, υἱοῦ Σαδδούκ, υἱοῦ Ἀχιτώβ, υἱοῦ Σαμαρία, υἱοῦ Ἐσριά, υἱοῦ Μαρεώθ, υἱοῦ Ζαραί̈α, υἱοῦ Ὀζίου, υἱοῦ Βοκκί, υἱοῦ Ἀβισουέ, υἱοῦ Φινεέσ, υἱοῦ Ἐλεάζαρ, υἱοῦ Ἀαρὼν τοῦ ἱερέωσ τοῦ πρώτου. αὐτὸσ Ἔσδρασ ἀνέβη ἐκ Βαβυλῶνοσ, καὶ αὐτὸσ γραμματεὺσ ταχὺσ ἐν νόμῳ Μωυσῇ, ὃν ἔδωκε Κύριοσ ὁ Θεὸσ Ἰσραήλ. καὶ ἔδωκεν αὐτῷ ὁ βασιλεύσ, ὅτι χεὶρ Κυρίου Θεοῦ αὐτοῦ ἐπ̓ αὐτὸν ἐν πᾶσιν, οἷσ ἐζήτει αὐτόσ. καὶ ἀνέβησαν ἀπὸ τῶν υἱῶν Ἰσραὴλ καὶ ἀπὸ τῶν ἱερέων καὶ ἀπὸ τῶν Λευιτῶν καὶ οἱ ἄδοντεσ καὶ οἱ πυλωροὶ καὶ οἱ Ναθινὶμ εἰσ Ἱερουσαλὴμ ἐν ἔτει ἑβδόμῳ τῷ Ἀρθασασθὰ τῷ βασιλεῖ. καὶ ἤλθοσαν εἰσ Ἱερουσαλὴμ τῷ μηνὶ τῷ πέμπτῳ, τοῦτο τὸ ἔτοσ ἕβδομον τῷ βασιλεῖ. ὅτι ἐν μιᾷ τοῦ μηνὸσ τοῦ πρώτου αὐτὸσ ἐθεμελίωσε τὴν ἀνάβασιν τὴν ἀπὸ Βαβυλῶνοσ, ἐν δὲ τῇ πρώτῃ τοῦ μηνὸσ τοῦ πέμπτου ἤλθοσαν εἰσ Ἱερουσαλήμ, ὅτι χεὶρ Θεοῦ αὐτοῦ ἦν ἀγαθὴ ἐπ̓ αὐτόν. ὅτι Ἔσρασ ἔδωκεν ἐν καρδίᾳ αὐτοῦ ζητῆσαι τὸν νόμον καὶ ποιεῖν καὶ διδάσκειν ἐν Ἰσραὴλ προστάγματα καὶ κρίματα. Καὶ αὕτη ἡ διασάφησισ τοῦ διατάγματοσ, οὗ ἔδωκεν Ἀρθασασθὰ τῷ Ἔσδρᾳ τῷ ἱερεῖ τῷ γραμματεῖ βιβλίου λόγων ἐντολῶν Κυρίου καὶ προσταγμάτων αὐτοῦ ἐπὶ τὸν Ἰσραήλ. «̓Αρθασασθὰ βασιλεὺσ βασιλέων Ἔσδρᾳ γραμματεῖ νόμου Κυρίου τοῦ Θεοῦ τοῦ οὐρανοῦ. τετέλεσθαι λόγοσ καὶ ἡ ἀπόκρισισ. ἀπ̓ ἐμοῦ ἐτέθη γνώμη ὅτι πᾶσ ὁ ἑκουσιαζόμενοσ ἐν βασιλείᾳ μου ἀπὸ λαοῦ Ἰσραὴλ καὶ ἱερέων καὶ Λευιτῶν πορευθῆναι εἰσ Ἱερουσαλήμ, μετὰ σοῦ πορευθῆναι. ἀπὸ προσώπου τοῦ βασιλέωσ καὶ τῶν ἑπτὰ συμβούλων ἀπεστάλη ἐπισκέψασθαι ἐπὶ τὴν Ἰουδαίαν καὶ εἰσ Ἱερουσαλὴμ νόμῳ Θεοῦ αὐτῶν τῷ ἐν χειρί σου καὶ εἰσ οἶκον Κυρίου ἀργύριον καὶ χρυσίον, ὃ ὁ βασιλεὺσ καὶ οἱ σύμβουλοι ἑκουσιάσθησαν τῷ Θεῷ τοῦ Ἰσραὴλ τῷ ἐν Ἱερουσαλὴμ κατασκηνοῦντι, καὶ πᾶν ἀργύριον καὶ χρυσίον, ὅ,τι ἐὰν εὕρῃσ ἐν πάσῃ χώρᾳ Βαβυλῶνοσ μετὰ ἑκουσιασμοῦ τοῦ λαοῦ καὶ ἱερέων τῶν ἑκουσιαζομένων εἰσ οἶκον Θεοῦ τὸν ἐν Ἱερουσαλήμ, καὶ πάντα προσπορευόμενον τοῦτον ἑτοίμωσ ἔνταξον ἐν βιβλίῳ τούτῳ, μόσχουσ, κριούσ, ἀμνοὺσ καὶ θυσίασ αὐτῶν καὶ σπονδὰσ αὐτῶν, καὶ προσοίσεισ αὐτὰ ἐπὶ τοῦ θυσιαστηρίου τοῦ οἴκου τοῦ Θεοῦ ὑμῶν τοῦ ἐν Ἱερουσαλήμ. καὶ εἴ τι ἐπὶ σὲ καὶ τοὺσ ἀδελφούσ σου ἀγαθυνθῇ ἐν καταλοίπῳ τοῦ ἀργυρίου καὶ τοῦ χρυσίου ποιῆσαι, ὡσ ἀρεστὸν τῷ Θεῷ ὑμῶν ποιήσατε. καὶ τὰ σκεύη τὰ διδόμενά σοι εἰσ λειτουργίαν οἴκου Θεοῦ παράδοσ ἐνώπιον τοῦ Θεοῦ ἐν Ἱερουσαλήμ. καὶ κατάλοιπον χρείασ οἴκου Θεοῦ σου, ὃ ἂν φανῇ σοι δοῦναι, δώσεισ ἀπὸ οἴκων γάζησ βασιλέως καὶ ἀπ̓ ἐμοῦ. ἐγὼ Ἀρθασασθὰ βασιλεὺσ ἔθηκα γνώμην πάσαισ ταῖσ γάζαισ ταῖσ ἐν πέρᾳ τοῦ ποταμοῦ, ὅτι πᾶν, ὃ ἄν αἰτήσῃ ὑμᾶσ Ἔδρασ ὁ ἱερεὺσ καὶ γραμματεὺσ τοῦ Θεοῦ τοῦ οὐρανοῦ, ἑτοίμωσ γινέσθω, ἕωσ ἀργυρίου ταλάντων ἑκατὸν καὶ ἕωσ πυροῦ κόρων ἑκατὸν καὶ ἕωσ οἴνου βατῶν ἑκατὸν καὶ ἕωσ ἐλαίου βατῶν ἑκατὸν καὶ ἅλασ οὗ οὐκ ἔστι γραφή. πᾶν ὅ ἐστιν ἐν γνώμῃ Θεοῦ τοῦ οὐρανοῦ, γινέσθω. προσέχετε μή τισ ἐπιχειρήσῃ εἰσ τὸν οἶκον Θεοῦ τοῦ οὐρανοῦ, μή ποτε γένηται ὀργὴ ἐπὶ τὴν βασιλείαν τοῦ βασιλέωσ καὶ τῶν υἱῶν αὐτοῦ. καὶ ὑμῖν ἐγνώρισται ἐν πᾶσι τοῖσ ἱερεῦσι καὶ τοῖσ Λευίταισ, ᾄδουσι, πυλωροῖσ, Ναθινὶμ καὶ λειτουργοῖσ οἴκου Θεοῦ τοῦτο, φόροσ μὴ ἔστω σοι, οὐκ ἐξουσιάσεισ καταδουλοῦσθαι αὐτούσ. καὶ σύ, Ἔσδρα, ὡσ ἡ σοφία τοῦ Θεοῦ ἐν χειρί σου, κατάστησον γραμματεῖσ καὶ κριτάσ, ἵνα ὦσι κρίνοντεσ παντὶ τῷ λαῷ ἐν πέρᾳ τοῦ ποταμοῦ πᾶσι τοῖσ εἰδόσι νόμον τοῦ Θεοῦ σου, καὶ τῷ μὴ εἰδότι γνωριεῖτε. καὶ πᾶσ, ὃσ ἂν μὴ ᾖ ποιῶν νόμον τοῦ Θεοῦ καὶ νόμον τοῦ βασιλέωσ ἑτοίμωσ, τὸ κρίμα ἔσται γινόμενον ἐξ αὐτοῦ, ἐάν τε εἰσ θάνατον ἐάν τε εἰσ παιδείαν ἐάν τε εἰσ ζημίαν τοῦ βίου ἐάν τε εἰσ παράδοσιν». Εὐλογητὸσ Κύριοσ ὁ Θεὸσ τῶν πατέρων ἡμῶν, ὃσ ἔδωκεν ἐν καρδίᾳ τοῦ βασιλέωσ οὕτωσ, τοῦ δοξάσαι τὸν οἶκον Κυρίου τὸν ἐν Ἱερουσαλήμ. καὶ ἐπ̓ ἐμὲ ἔκλινεν ἔλεοσ ἐν ὀφθαλμοῖσ τοῦ βασιλέωσ καὶ τῶν συμβούλων αὐτοῦ καὶ πάντων τῶν ἀρχόντων τοῦ βασιλέωσ τῶν ἐπῃρμένων. καὶ ἐγὼ ἐκραταιώθην ὡσ χεὶρ Θεοῦ ἡ ἀγαθὴ ἐπ̓ ἐμέ, καὶ συνῆξα ἀπὸ Ἰσραὴλ ἄρχοντασ ἀναβῆναι μετ̓ ἐμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Esdrae II 7:

(70인역 성경, Liber Esdrae II 7:)

목록

SEARCH

MENU NAVIGATION