헬라어 문장 검색 - Σεπτύ048́003́

(70인역 성경, 에제키엘서 3:)

ΚΑΙ εἶπε πρόσ με. υἱὲ ἀνθρώπου, κατάφαγε τὴν κεφαλίδα ταύτην καὶ πορεύθητι καὶ λάλησον τοῖσ υἱοῖσ Ἰσραήλ. καὶ διήνοιξε τὸ στόμα μου, καὶ ἐψώμισέ με τὴν κεφαλίδα καὶ εἶπε πρόσ με. υἱὲ ἀνθρώπου, τὸ στόμα σου φάγεται, καὶ ἡ κοιλία σου πλησθήσεται τῆσ κεφαλίδοσ ταύτησ τῆσ δεδομένησ εἰσ σέ. καὶ ἔφαγον αὐτήν, καὶ ἐγένετο ἐν τῷ στόματί μου ὡσ μέλι γλυκάζον. καὶ εἶπε πρόσ με. υἱὲ ἀνθρώπου, βάδιζε καὶ εἴσελθε πρὸσ τὸν οἶκον τοῦ Ἰσραὴλ καὶ λάλησον τοὺσ λόγουσ μου πρὸσ αὐτούσ. διότι οὐ πρὸσ λαὸν βαθύχειλον καὶ βαρύγλωσσον σὺ ἐξαποστέλλῃ, πρὸσ τὸν οἶκον τοῦ Ἰσραήλ, οὐδὲ πρὸσ λαοὺσ πολλοὺσ ἀλλοφώνουσ ἢ ἀλλογλώσσουσ οὐδὲ στιβαροὺσ τῇ γλώσσῃ ὄντασ, ὧν οὐκ ἀκούσῃ τοὺσ λόγουσ αὐτῶν. καὶ εἰ πρὸσ τοιούτουσ ἐξαπέστειλά σε, οὗτοι ἂν εἰσήκουσάν σου. ὁ δὲ οἶκοσ τοῦ Ἰσραὴλ οὐ μὴ θελήσουσιν εἰσακοῦσαί σου, διότι οὐ βούλονται εἰσακούειν μου. ὅτι πᾶσ ὁ οἶκοσ Ἰσραὴλ φιλόνεικοί εἰσι καὶ σκληροκάρδιοι. καὶ ἰδοὺ δέδωκα τὸ πρόσωπόν σου δυνατὸν κατέναντι τῶν προσώπων αὐτῶν καὶ τὸ νῖκόσ σου κατισχύσω κατέναντι τοῦ νίκουσ αὐτῶν, καὶ ἔσται διαπαντὸσ κραταιότερον πέτρασ. μὴ φοβηθῇσ ἀπ̓ αὐτῶν μηδὲ πτοηθῇσ ἀπὸ προσώπου αὐτῶν, διότι οἶκοσ παραπικραίνων ἐστί. καὶ εἶπε πρόσ με. υἱὲ ἀνθρώπου, πάντασ τοὺσ λόγουσ, οὓσ λελάληκα μετὰ σοῦ, λαβὲ εἰσ τὴν καρδίαν σου καὶ τοῖσ ὠσί σου ἄκουε, καὶ βάδιζε, εἴσελθε εἰσ τὴν αἰχμαλωσίαν πρὸσ τοὺσ υἱοὺσ τοῦ λαοῦ σου καὶ λαλήσεισ πρὸσ αὐτοὺσ καὶ ἐρεῖσ πρὸσ αὐτούσ. τάδε λέγει Κύριοσ. ἐὰν ἄρα ἀκούσωσιν, ἐὰν ἄρα ἐνδῶσι. καὶ ἀνέλαβέ με πνεῦμα, καὶ ἤκουσα κατόπισθέν μου φωνὴν σεισμοῦ μεγάλου. εὐλογημένη ἡ δόξα Κυρίου ἐκ τοῦ τόπου αὐτοῦ. καὶ εἶδον φωνὴν τῶν πτερύγων τῶν ζῴων πτερυσσομένων ἑτέρα πρὸσ τὴν ἑτέραν, καὶ φωνὴ τῶν τροχῶν ἐχομένη αὐτῶν καὶ φωνὴ τοῦ σεισμοῦ. καὶ τὸ πνεῦμα ἐξῇρέ με καὶ ἀνέλαβέ με, καὶ ἐπορεύθην ἐν ὁρμῇ τοῦ πνεύματόσ μου, καὶ χεὶρ Κυρίου ἐγένετο ἐπ̓ ἐμὲ κραταιά. καὶ εἰσῆλθον εἰσ τὴν αἰχμαλωσίαν μετέωροσ καὶ περιῆλθον τοὺσ κατοικοῦντασ ἐπὶ τοῦ ποταμοῦ τοῦ Χοβὰρ τοὺσ ὄντασ ἐκεῖ καὶ ἐκάθισα ἐκεῖ ἑπτὰ ἡμέρασ ἀναστρεφόμενοσ ἐν μέσῳ αὐτῶν. Καὶ ἐγένετο μετὰ τὰσ ἑπτὰ ἡμέρασ λόγοσ Κυρίου πρόσ με λέγων. υἱὲ ἀνθρώπου, σκοπὸν δέδωκά σε τῷ οἴκῳ Ἰσραήλ, καὶ ἀκούσῃ ἐκ στόματόσ μου λόγον καὶ διαπειλήσῃ αὐτοῖσ παῤ ἐμοῦ. ἐν τῷ λέγειν με τῷ ἀνόμῳ. θανάτῳ θανατωθήσῃ, καὶ οὐ διεστείλω αὐτῷ οὐδὲ ἐλάλησασ τοῦ διαστείλασθαι τῷ ἀνόμῳ ἀποστρέψαι ἀπὸ τῶν ὁδῶν αὐτοῦ τοῦ ζῆσαι αὐτόν, ὁ ἄνομοσ ἐκεῖνοσ τῇ ἀδικίᾳ αὐτοῦ ἀποθανεῖται, καὶ τὸ αἷμα αὐτοῦ ἐκ τῆσ χειρόσ σου ἐκζητήσω. καὶ σὺ ἐὰν διαστείλῃ τῷ ἀνόμῳ, καὶ μὴ ἀποστρέψῃ ἀπὸ τῆσ ἀνομίασ αὐτοῦ καὶ ἀπὸ τῆσ ὁδοῦ αὐτοῦ, ὁ ἄνομοσ ἐκεῖνοσ ἐν τῇ ἀδικίᾳ αὐτοῦ ἀποθανεῖται, καὶ σὺ τὴν ψυχήν σου ρύσῃ. καὶ ἐν τῷ ἀποστρέφειν δίκαιον ἀπὸ τῶν δικαιοσυνῶν αὐτοῦ καὶ ποιήσει παράπτωμα καὶ δώσω τὴν βάσανον εἰσ πρόσωπον αὐτοῦ, αὐτὸσ ἀποθανεῖται, ὅτι οὐ διεστείλω αὐτῷ, καὶ ἐν ταῖσ ἁμαρτίαισ αὐτοῦ ἀποθανεῖται, διότι οὐ μὴ μνησθῶσιν αἱ δικαιοσύναι αὐτοῦ, ἃσ ἐποίησε, καὶ τὸ αἷμα αὐτοῦ ἐκ τῆσ χειρόσ σου ἐκζητήσω. σὺ δὲ ἐὰν διαστείλῃ τῷ δικαίῳ τοῦ μὴ ἁμαρτεῖν, καὶ αὐτὸσ μὴ ἁμάρτῃ, ὁ δίκαιοσ ζωῇ ζήσεται, ὅτι διεστείλω αὐτῷ, καὶ σὺ τὴν σεαυτοῦ ψυχὴν ρύσῃ. Καὶ ἐγένετο ἐπ̓ ἐμὲ χεὶρ Κυρίου, καὶ εἶπε πρόσ με. ἀνάστηθι, καὶ ἔξελθε εἰσ τὸ πεδίον, καὶ ἐκεῖ λαληθήσεται πρόσ σε. καὶ ἀνέστην καὶ ἐξῆλθον πρὸσ τὸ πεδίον, καὶ ἰδοὺ ἐκεῖ δόξα Κυρίου εἱστήκει καθὼσ ἡ ὅρασισ καὶ καθὼσ ἡ δόξα Κυρίου, ἣν εἶδον ἐπὶ τοῦ ποταμοῦ τοῦ Χοβάρ, καὶ πίπτω ἐπὶ πρόσωπόν μου. καὶ ἦλθεν ἐπ̓ ἐμὲ πνεῦμα καὶ ἔστησέ με ἐπὶ τοὺσ πόδασ μου, καὶ ἐλάλησε πρόσ με καὶ εἶπέ μοι. εἴσελθε καὶ ἐγκλείσθητι ἐν μέσῳ τοῦ οἴκου σου. καὶ σύ, υἱὲ ἀνθρώπου, ἰδοὺ δέδονται ἐπὶ σὲ δεσμοί, καὶ δήσουσί σε ἐν αὐτοῖσ, καὶ οὐ μὴ ἐξέλθῃσ ἐκ μέσου αὐτῶν. καὶ τὴν γλῶσσάν σου συνδήσω, καὶ ἀποκωφωθήσῃ, καὶ οὐκ ἔσῃ αὐτοῖσ εἰσ ἄνδρα ἐλέγχοντα, διότι οἶκοσ παραπικραίνων ἐστί. καὶ ἐν τῷ λαλεῖν με πρὸσ σὲ ἀνοίξω τὸ στόμα σου, καὶ ἐρεῖσ πρὸσ αὐτούσ. τάδε λέγει Κύριοσ. ὁ ἀκούων ἀκουέτω, καὶ ὁ ἀπειθῶν ἀπειθήτω, διότι οἶκοσ παραπικραίνων ἐστί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 3:

(70인역 성경, 에제키엘서 3:)

목록

SEARCH

MENU NAVIGATION