헬라어 문장 검색 - Σεπτύ048́047́

(70인역 성경, 에제키엘서 47:)

ΚΑΙ εἰσήγαγέ με ἐπὶ τὰ πρόθυρα τοῦ οἴκου, καὶ ἰδοὺ ὕδωρ ἐξεπορεύετο ὑποκάτωθεν τοῦ αἰθρίου κατὰ ἀνατολάσ, ὅτι τὸ πρόσωπον τοῦ οἴκου ἔβλεπε κατὰ ἀνατολάσ, καὶ τὸ ὕδωρ κατέβαινεν ἀπὸ τοῦ κλίτουσ τοῦ δεξιοῦ ἀπὸ νότου ἐπὶ τὸ θυσιαστήριον. καὶ ἐξήγαγέ με κατὰ τὴν ὁδὸν τῆσ πύλησ τῆσ πρὸσ βορρᾶν καὶ περιήγαγέ με τὴν ὁδὸν ἔξωθεν πρὸσ τὴν πύλην τῆσ αὐλῆσ τῆσ βλεπούσησ κατὰ ἀνατολάσ, καὶ ἰδοὺ τὸ ὕδωρ κατεφέρετο ἀπὸ τοῦ κλίτουσ τοῦ δεξιοῦ. καθὼσ ἔξοδοσ ἀνδρὸσ ἐξεναντίασ, καὶ μέτρον ἐν τῇ χειρὶ αὐτοῦ, καὶ διεμέτρησε χιλίουσ ἐν τῷ μέτρῳ, καὶ διῆλθεν ἐν τῷ ὕδατι ὕδωρ ἀφέσεωσ. καὶ διεμέτρησε χιλίουσ, καὶ διῆλθεν ἐν τῷ ὕδατι ὕδωρ ἕωσ τῶν μηρῶν. καὶ διεμέτρησε χιλίουσ, καὶ διῆλθεν ὕδωρ ἕωσ ὀσφύοσ. καὶ διεμέτρησε χιλίουσ, καὶ οὐκ ἠδύνατο διελθεῖν, ὅτι ἐξύβριζε τὸ ὕδωρ ὡσ ροῖζοσ χειμάρρου, ὃν οὐ διαβήσονται. καὶ εἶπε πρόσ με. ἑώρακασ, υἱὲ ἀνθρώπου̣ καὶ ἤγαγέ με καὶ ἐπέστρεψέ με ἐπὶ τὸ χεῖλοσ τοῦ ποταμοῦ. ἐν τῇ ἐπιστροφῇ μου καὶ ἰδοὺ ἐπὶ τοῦ χείλουσ τοῦ ποταμοῦ δένδρα πολλὰ σφόδρα ἔνθεν καὶ ἔνθεν. καὶ εἶπε πρόσ με. τὸ ὕδωρ τοῦτο τὸ ἐκπορευόμενον εἰσ τὴν Γαλιλαίαν τὴν πρὸσ ἀνατολὰσ καὶ κατέβαινεν ἐπὶ τὴν Ἀραβίαν καὶ ἤρχετο ἕωσ ἐπὶ τὴν θάλασσαν ἐπὶ τὸ ὕδωρ τῆσ διεκβολῆσ, καὶ ὑγιάσει τὰ ὕδατα. καὶ ἔσται πᾶσα ψυχὴ τῶν ζῴων τῶν ἐκζεόντων ἐπὶ πάντα, ἐφ̓ ἃ ἂν ἐπέλθῃ ἐκεῖ ὁ ποταμόσ, ζήσεται. καὶ ἔσται ἐκεῖ ἰχθὺσ πολὺσ σφόδρα, ὅτι ἥκει ἐκεῖ τὸ ὕδωρ τοῦτο, καὶ ὑγιάσει καὶ ζήσεται. πᾶν ἐφ̓ ὃ ἂν ἔλθῃ ὁ ποταμὸσ ἐκεῖ, ζήσεται. καὶ στήσονται ἐκεῖ ἁλιεῖσ ἀπὸ Αἰνγαδεὶν ἕωσ Ἐναγαλείμ. ψυγμὸσ σαγηνῶν ἔσται, καθ̓ ἑαυτὴν ἔσται, καὶ οἱ ἰχθύεσ αὐτῆσ ὡσ οἱ ἰχθύεσ τῆσ θαλάσσησ τῆσ μεγάλησ, πλῆθοσ πολὺ σφόδρα. καὶ ἐν τῇ διεκβολῇ αὐτοῦ καὶ ἐν τῇ ἐπιστροφῇ αὐτοῦ καὶ ἐν τῇ ὑπεράρσει αὐτοῦ οὐ μὴ ὑγιάσωσιν. εἰσ ἅλασ δέδονται. καὶ ἐπὶ τοῦ ποταμοῦ ἀναβήσεται, ἐπὶ τοῦ χείλουσ αὐτοῦ ἔνθεν καὶ ἔνθεν πᾶν ξύλον βρώσιμον, οὐ μὴ παλαιωθῇ ἐπ̓ αὐτοῦ, οὐδὲ μὴ ἐκλείπῃ ὁ καρπὸσ αὐτοῦ. τῆσ καινότητοσ αὐτοῦ πρωτοβολήσει, διότι τὰ ὕδατα αὐτῶν ἐκ τῶν ἁγίων ταῦτα ἐκπορεύεται, καὶ ἔσται ὁ καρπὸσ αὐτῶν εἰσ βρῶσιν καὶ ἀνάβασισ αὐτῶν εἰσ ὑγίειαν. Τάδε λέγει Κύριοσ Θεόσ. ταῦτα τὰ ὅρια κατακληρονομήσετε τῆσ γῆσ, ταῖσ δώδεκα φυλαῖσ τῶν υἱῶν Ἰσραὴλ πρόσθεσισ σχοινίσματοσ. καὶ κατακληρονομήσετε αὐτὴν ἕκαστοσ καθὼσ ὁ ἀδελφὸσ αὐτοῦ, εἰσ ἣν ᾖρα τὴν χεῖρά μου τοῦ δοῦναι αὐτὴν τοῖσ πατράσιν αὐτῶν, καὶ πεσεῖται ἡ γῆ αὕτη ὑμῖν ἐν κληρονομίᾳ. καὶ ταῦτα τὰ ὅρια τῆσ γῆσ τῆσ πρὸσ βορρᾶν. ἀπὸ θαλάσσησ τῆσ μεγάλησ τῆσ καταβαινούσησ καὶ περισχιζούσησ τῆσ εἰσόδου Ἠμὰθ Σεδαδά, Βηρωθὰ Σεβραὶμ Ἡλιὰμ ἀναμέσον ὁρίων Δαμασκοῦ καὶ ἀναμέσον ὁρίων Ἠμάθ, αὐλὴ τοῦ Σαυνάν, αἵ εἰσιν ἐπάνω τῶν ὁρίων Αὐρανίτιδοσ. ταῦτα τὰ ὅρια ἀπὸ τῆσ θαλάσσησ ἀπὸ τῆσ αὐλῆσ τοῦ Αἰνάν, ὅρια Δαμασκοῦ καὶ τὰ πρὸσ βορρᾶν. καὶ τὰ πρὸσ ἀνατολὰσ ἀναμέσον τῆσ Αὐρανίτιδοσ καὶ ἀναμέσον Δαμασκοῦ καὶ ἀναμέσον τῆσ Γαλααδίτιδοσ καὶ ἀναμέσον τῆσ γῆσ τοῦ Ἰσραήλ, ὁ Ἰορδάνησ διορίζει ἐπὶ τὴν θάλασσαν τὴν πρὸσ ἀνατολὰσ Φοινικῶνοσ. ταῦτα τὰ πρὸσ ἀνατολάσ. καὶ τὰ πρὸσ νότον καὶ λίβα ἀπὸ Θαιμὰν καὶ Φοινικῶνοσ ἕωσ ὕδατοσ Μαριμὼθ Κάδησ παρεκτεῖνον ἐπὶ τὴν θάλασσαν τὴν μεγάλην. τοῦτο τὸ μέροσ νότοσ καὶ λίψ. τοῦτο τὸ μέροσ τῆσ θαλάσσησ τῆσ μεγάλησ. ὁρίζει ἕωσ κατέναντι τῆσ εἰσόδου Ἠμάθ, ἕωσ εἰσόδου αὐτοῦ. ταῦτά ἐστι τὰ πρὸσ θάλασσαν Ἠμάθ. καὶ διαμερίσετε τὴν γῆν ταύτην αὐτοῖσ, ταῖσ φυλαῖσ τοῦ Ἰσραήλ. βαλεῖτε αὐτὴν ἐν κλήρῳ ὑμῖν καὶ τοῖσ προσηλύτοισ τοῖσ παροικοῦσιν ἐν μέσῳ ὑμῶν, οἵτινεσ ἐγέννησαν υἱοὺσ ἐν μέσῳ ὑμῶν. καὶ ἔσονται ὑμῖν ὡσ αὐτόχθονεσ ἐν τοῖσ υἱοῖσ τοῦ Ἰσραήλ, μεθ̓ ὑμῶν φάγονται ἐν κληρονομίᾳ ἐν μέσῳ τῶν φυλῶν τοῦ Ἰσραήλ. καὶ ἔσονται ἐν φυλῇ προσηλύτων ἐν τοῖσ προσηλύτοισ τοῖσ μετ̓ αὐτῶν, ἐκεῖ δώσετε κληρονομίαν αὐτοῖσ, λέγει Κύριοσ Θεόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 47:

(70인역 성경, 에제키엘서 47:)

목록

SEARCH

MENU NAVIGATION