헬라어 문장 검색 - Σεπτύ043́009́

(70인역 성경, 이사야서 9:)

ΤΟΥΤΟ πρῶτον πίε, ταχὺ ποίει, χώρα Ζαβουλών, ἡ γῆ Νεφθαλὶμ ὁδὸν θαλάσσησ καὶ οἱ λοιποὶ οἱ τὴν παραλίαν κατοικοῦντεσ καὶ πέραν τοῦ Ἰορδάνου, Γαλιλαία τῶν ἐθνῶν, τὰ μέρη τῆσ Ἰουδαίασ. ὁ λαὸσ ὁ πορευόμενοσ ἐν σκότει, ἴδετε φῶσ μέγα. οἱ κατοικοῦντεσ ἐν χώρᾳ καὶ σκιᾷ θανάτου, φῶσ λάμψει ἐφ̓ ὑμᾶσ. τὸ πλεῖστον τοῦ λαοῦ, ὃ κατήγαγεσ ἐν εὐφροσύνῃ σου, καὶ εὐφρανθήσονται ἐνώπιόν σου ὡσ οἱ εὐφραινόμενοι ἐν ἀμήτῳ καὶ ὃν τρόπον οἱ διαιρούμενοι σκῦλα. διότι ἀφῄρηται ὁ ζυγὸσ ὁ ἐπ̓ αὐτῶν κείμενοσ καὶ ἡ ράβδοσ ἡ ἐπὶ τοῦ τραχήλου αὐτῶν. τὴν γὰρ ράβδον τῶν ἀπαιτούντων διεσκέδασε Κύριοσ, ὡσ τῇ ἡμέρᾳ τῇ ἐπὶ Μαδιάμ. ὅτι πᾶσαν στολὴν ἐπισυνηγμένην δόλῳ καὶ ἱμάτιον μετὰ καταλλαγῆσ ἀποτίσουσι καὶ θελήσουσιν εἰ ἐγενήθησαν πυρίκαυστοι. ὅτι παιδίον ἐγενήθη ἡμῖν, υἱὸσ καὶ ἐδόθη ἡμῖν, οὗ ἡ ἀρχὴ ἐγενήθη ἐπὶ τοῦ ὤμου αὐτοῦ, καὶ καλεῖται τὸ ὄνομα αὐτοῦ μεγάλησ βουλῆσ ἄγγελόσ, θαυμαστὸσ σύμβουλοσ, Θεὸσ ἰσχυρόσ, ἐξουσιαστήσ, ἄρχων εἰρήνησ, πατὴρ τοῦ μέλλοντοσ αἰῶνοσ. ἐγὼ γὰρ ἄξω εἰρήνην ἐπὶ τοὺσ ἄρχοντασ, εἰρήνην καὶ ὑγίειαν αὐτῷ. μεγάλη ἡ ἀρχὴ αὐτοῦ, καὶ τῆσ εἰρήνησ αὐτοῦ οὐκ ἔστιν ὅριον ἐπὶ τὸν θρόνον Δαυὶδ καὶ τὴν βασιλείαν αὐτοῦ κατορθῶσαι αὐτὴν καὶ ἀντιλαβέσθαι αὐτῆσ ἐν κρίματι καὶ ἐν δικαιοσύνῃ ἀπὸ τοῦ νῦν καὶ εἰσ τὸν αἰῶνα. ὁ ζῆλοσ Κυρίου σαβαὼθ ποιήσει ταῦτα. Θάνατον ἀπέστειλε Κύριοσ ἐπὶ Ἰακώβ, καὶ ἦλθεν ἐπὶ Ἰσραήλ, καὶ γνώσονται πᾶσ ὁ λαὸσ τοῦ Ἐφραὶμ καὶ οἱ ἐγκαθήμενοι ἐν Σαμαρείᾳ ἐφ̓ ὕβρει καὶ ὑψηλῇ καρδίᾳ λέγοντεσ. πλίνθοι πεπτώκασιν, ἀλλὰ δεῦτε λαξεύσωμεν λίθουσ καὶ ἐκκόψωμεν συκαμίνουσ καὶ κέδρουσ καὶ οἱκοδομήσωμεν ἑαυτοῖσ πύργον. καὶ ράξει ὁ Θεὸσ τοὺσ ἐπανισταμένουσ ἐπὶ ὄροσ Σιὼν ἐπ̓ αὐτοὺσ καὶ τοὺσ ἐχθροὺσ αὐτῶν διασκεδάσει, Συρίαν ἀφ̓ ἡλίου ἀνατολῶν καὶ τοὺσ Ἕλληνασ ἀφ̓ ἡλίου δυσμῶν, τοὺσ κατεσθίοντασ τὸν Ἰσραὴλ ὅλῳ τῷ στόματι. ἐπὶ πᾶσι τούτοισ οὐκ ἀπεστράφη ὁ θυμόσ, ἀλλ̓ ἔτι ἡ χεὶρ ὑψηλή. καὶ ὁ λαὸσ οὐκ ἀπεστράφη, ἕωσ ἐπλήγη, καὶ τὸν Κύριον οὐκ ἐξεζήτησαν. καὶ ἀφεῖλε Κύριοσ ἀπὸ Ἰσραὴλ κεφαλὴν καὶ οὐράν, μέγαν καὶ μικρὸν ἐν μιᾷ ἡμέρᾳ, πρεσβύτην καὶ τοὺσ τὰ πρόσωπα θαυμάζοντασ καὶ προφήτην διδάσκοντα ἄνομα . καὶ ἔσονται οἱ μακαρίζοντεσ τὸν λαὸν τοῦτον πλανῶντεσ καὶ πλανῶσιν, ὅπωσ καταπίωσιν αὐτούσ. διὰ τοῦτο ἐπὶ τοὺσ νεανίσκουσ αὐτῶν οὐκ εὐφρανθήσεται ὁ Κύριοσ καὶ τοὺσ ὀρφανοὺσ αὐτῶν καὶ τὰσ χήρασ αὐτῶν οὐκ ἐλεήσει, ὅτι πάντεσ ἄνομοι καὶ πονηροί, καὶ πᾶν στόμα λαλεῖ ἄδικα. ἐπὶ πᾶσι τούτοισ οὐκ ἀπεστράφη ὁ θυμόσ, ἀλλ̓ ἔτι ἡ χεὶρ ὑψηλή. καὶ καυθήσεται ὡσ πῦρ ἡ ἀνομία καὶ ὡσ ἄγρωσισ ξηρὰ βρωθήσεται ὑπὸ πυρόσ. καὶ καυθήσεται ἐν τοῖσ δάσεσι τοῦ δρυμοῦ, καὶ συγκαταφάγεται τὰ κύκλῳ τῶν βουνῶν πάντα. διὰ θυμὸν ὀργῆσ Κυρίου συγκέκαυται ἡ γῆ ὅλη, καὶ ἔσται ὁ λαὸσ ὡσ κατακεκαυμένοσ ὑπὸ πυρόσ. ἄνθρωποσ τὸν ἀδελφὸν αὐτοῦ οὐκ ἐλεήσει, ἀλλὰ ἐκκλινεῖ εἰσ τὰ δεξιά, ὅτι πεινάσει καὶ φάγεται ἐκ τῶν ἀριστερῶν, καὶ οὐ μὴ ἐμπλησθῇ ἄνθρωποσ ἔσθων τὰσ σάρκασ τοῦ βραχίονοσ αὐτοῦ. φάγεται γὰρ Μανασσῆσ τοῦ Ἐφραὶμ καὶ Ἐφραὶμ τοῦ Μανασσῆ, ὅτι ἅμα πολιορκήσουσι τὸν Ἰούδαν. ἐπὶ τούτοισ πᾶσιν οὐκ ἀπεστράφη ὁ θυμόσ, ἀλλ̓ ἔτι ἡ χείρ ὑψηλή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 9:

(70인역 성경, 이사야서 9:)

목록

SEARCH

MENU NAVIGATION