헬라어 문장 검색 - Σεπτύ029́007́

(70인역 성경, 지혜서 7:)

ΕΙΜΙ μὲν κἀγὼ θνητὸσ ἄνθρωποσ ἴσοσ ἅπασι καὶ γηγενοῦσ ἀπόγονοσ πρωτοπλάστου. καὶ ἐν κοιλίᾳ μητρὸσ ἐγλύφην σὰρξ δεκαμηνιαίῳ χρόνῳ παγεὶσ ἐν αἵματι ἐκ σπέρματοσ ἀνδρὸσ καὶ ἡδονῆσ ὕπνῳ συνελθούσησ. καὶ ἐγώ δὲ γενόμενοσ ἔσπασα τὸν κοινὸν ἀέρα καὶ ἐπὶ τὴν ὁμοιοπαθῆ κατέπεσον γῆν, πρώτην φωνὴν τὴν ὁμοίαν πᾶσιν ἴσα κλαίων. ἐν σπαργάνοισ ἀνετράφην καὶ ἐν φροντίσιν. οὐδεὶσ γὰρ βασιλεὺσ ἑτέραν ἔσχε γενέσεωσ ἀρχήν, μία δὲ πάντων εἴσοδοσ εἰσ τὸν βίον, ἔξοδόσ τε ἴση. διὰ τοῦτο ηὐξάμην, καὶ φρόνησισ ἐδόθη μοι. ἐπεκαλεσάμην, καὶ ἦλθέ μοι πνεῦμα σοφίασ. προέκρινα αὐτὴν σκήπτρων καὶ θρόνων καὶ πλοῦτον οὐδὲν ἡγησάμην ἐν συγκρίσει αὐτῆσ. οὐδὲ ὡμοίωσα αὐτῇ λίθον ἀτίμητον, ὅτι ὁ πᾶσ χρυσὸσ ἐν ὄψει αὐτῆσ ψάμμοσ ὀλίγη, καὶ ὡσ πηλὸσ λογισθήσεται ἄργυροσ ἐναντίον αὐτῆσ. ὑπὲρ ὑγίειαν καὶ εὐμορφίαν ἠγάπησα αὐτὴν καὶ προειλόμην αὐτὴν ἀντὶ φωτὸσ ἔχειν, ὅτι ἀκοίμητον τὸ ἐκ ταύτησ φέγγοσ. ἦλθε δέ μοι τὰ ἀγαθὰ ὁμοῦ πάντα μετ̓ αὐτῆσ καὶ ἀναρίθμητοσ πλοῦτοσ ἐν χερσὶν αὐτῆσ. εὐφράνθην δὲ ἐπὶ πᾶσιν, ὅτι αὐτῶν ἡγεῖται σοφία, ἠγνόουν δὲ αὐτὴν γενέτιν εἶναι τούτων. ἀδόλωσ τε ἔμαθον ἀφθόνωσ τε μεταδίδωμι, τὸν πλοῦτον αὐτῆσ οὐκ ἀποκρύπτομαι. ἀνεκλιπὴσ γὰρ θησαυρόσ ἐστιν ἀνθρώποισ, ὃν οἱ χρησάμενοι πρὸσ Θεὸν ἐστείλαντο φιλίαν διὰ τὰσ ἐκ παιδείασ δωρεὰσ συσταθέντεσ. Ἐμοὶ δὲ δῴη ὁ Θεὸσ εἰπεῖν κατὰ γνώμην καὶ ἐνθυμηθῆναι ἀξίωσ τῶν δεδομένων, ὅτι αὐτὸσ καὶ τῆσ σοφίασ ὁδηγόσ ἐστι καὶ τῶν σοφῶν διορθωτήσ. ἐν γὰρ χειρὶ αὐτοῦ καὶ ἡμεῖσ καὶ οἱ λόγοι ἡμῶν πᾶσά τε φρόνησισ καὶ ἐργατειῶν ἐπιστήμη. αὐτὸσ γάρ μοι ἔδωκε τῶν ὄντων γνῶσιν ἀψευδῆ εἰδέναι σύστασιν κόσμου καὶ ἐνέργειαν στοιχείων, ἀρχὴν καὶ τέλοσ καὶ μεσότητα χρόνων, τροπῶν ἀλλαγὰσ καὶ μεταβολὰσ καιρῶν, ἐνιαυτῶν κύκλουσ καὶ ἀστέρων θέσεισ, φύσεισ ζῴων καὶ θυμοὺσ θηρίων, πνευμάτων βίασ καὶ διαλογισμοὺσ ἀνθρώπων, διαφορὰσ φυτῶν καὶ δυνάμεισ ριζῶν, ὅσα τέ ἐστι κρυπτὰ καὶ ἐμφανῆ ἔγνων. ἡ γὰρ πάντων τεχνῖτισ ἐδίδαξέ με σοφία. Ἔστι γὰρ ἐν αὐτῇ πνεῦμα νοερόν, ἅγιον, μονογενέσ, πολυμερέσ, λεπτόν, εὐκίνητον, τρανόν, ἀμόλυντον, σαφέσ, ἀπήμαντον, φιλάγαθον, ὀξύ, ἀκώλυτον, εὐεργετικόν, φιλάνθρωπον, βέβαιον, ἀσφαλέσ, ἀμέριμνον, παντοδύναμον, πανεπίσκοπον καὶ διὰ πάντων χωροῦν πνευμάτων νοερῶν καθαρῶν λεπτοτάτων. πάσησ γὰρ κινήσεωσ κινητικώτερον σοφία, διήκει δὲ καὶ χωρεῖ διὰ πάντων διὰ τὴν καθαρότητα. ἀτμὶσ γάρ ἐστι τῆσ τοῦ Θεοῦ δυνάμεωσ καὶ ἀπόρροια τῆσ τοῦ Παντοκράτοροσ δόξησ εἰλικρινήσ. διὰ τοῦτο οὐδὲν μεμιαμμένον εἰσ αὐτὴν παρεμπίπτει. ἀπαύγασμα γάρ ἐστι φωτὸσ ἀϊδίου καὶ ἔσοπτρον ἀκηλίδωτον τῆσ τοῦ Θεοῦ ἐνεργείασ καὶ εἰκὼν τῆσ ἀγαθότητοσ αὐτοῦ. μία δὲ οὖσα πάντα δύναται καὶ μένουσα ἐν αὐτῇ τὰ πάντα καινίζει καὶ κατὰ γενεὰσ εἰσ ψυχὰσ ὁσίασ μεταβαίνουσα φίλουσ Θεοῦ καὶ προφήτασ κατασκευάζει. οὐθὲν γὰρ ἀγαπᾷ ὁ Θεὸσ εἰ μὴ τὸν σοφίᾳ συνοικοῦντα. ἔστι γὰρ αὕτη εὐπρεπεστέρα ἡλίου καὶ ὑπὲρ πᾶσαν ἄστρων θέσιν, φωτὶ συγκρινομένη, εὑρίσκεται προτέρα. τοῦτο μὲν γὰρ διαδέχεται νύξ, σοφίασ δὲ οὐ κατισχύει κακία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Sapientiae 7:

(70인역 성경, 지혜서 7:)

목록

SEARCH

MENU NAVIGATION