헬라어 문장 검색 - Σεπτύ029́014́

(70인역 성경, 지혜서 14:)

Πλοῦν τισ πάλιν στελλόμενοσ καὶ ἄγρια μέλλων διοδεύειν κύματα, τοῦ φέροντοσ αὐτὸν πλοίου σαθρότερον ξύλον ἐπιβοᾶται. ἐκεῖνο μὲν γὰρ ὄρεξισ πορισμῶν ἐπενόησε, τεχνῖτισ δὲ σοφίᾳ κατεσκεύασεν. ἡ δὲ σή, πάτερ, διακυβερνᾷ πρόνοια, ὅτι ἔδωκασ καὶ ἐν θαλάσσῃ ὁδὸν καὶ ἐν κύμασι τρίβον ἀσφαλῆ, δεικνὺσ ὅτι δύνασαι ἐκ παντὸσ σώζειν, ἵνα κἂν ἄνευ τέχνησ τισ ἐπιβῇ. θέλεισ δὲ μή ἀργὰ εἶναι τὰ τῆσ σοφίασ σου ἔργα, διὰ τοῦτο καὶ ἐλαχίστῳ ξύλῳ πιστεύουσιν ἄνθρωποι ψυχὰσ καὶ διελθόντεσ κλύδωνα σχεδίᾳ διεσώθησαν. καὶ ἀρχῆσ γὰρ ἀπολλυμένων ὑπερηφάνων γιγάντων, ἡ ἐλπὶσ τοῦ κόσμου ἐπὶ σχεδίασ καταφυγοῦσα ἀπέλιπεν αἰῶνι σπέρμα γενέσεωσ τῇ σῇ κυβερνηθεῖσα χειρί. εὐλόγηται γὰρ ξύλον, δἰ οὗ γίνεται δικαιοσύνη. τὸ χειροποίητον δέ, ἐπικατάρατον αὐτὸν καὶ ὁ ποιήσασ αὐτό, ὅτι ὁ μὲν εἰργάζετο, τὸ δὲ φθαρτὸν θεὸσ ὠνομάσθη. ἐν ἴσῳ γὰρ μισητὰ Θεῷ καὶ ὁ ἀσεβῶν καὶ ἡ ἀσέβεια αὐτοῦ. καὶ γὰρ τὸ πραχθὲν σὺν τῷ δράσαντι κολασθήσεται. διὰ τοῦτο καὶ ἐν εἰδώλοισ ἐθνῶν ἐπισκοπὴ ἔσται, ὅτι ἐν κτίσματι Θεοῦ εἰσ βδέλυγμα ἐγενήθησαν καὶ εἰσ σκάνδαλα ψυχαῖσ ἀνθρώπων καὶ εἰσ παγίδα ποσὶν ἀφρόνων. Ἀρχὴ γὰρ πορνείασ ἐπίνοια εἰδώλων, εὕρεσισ δὲ αὐτῶν φθορὰ ζωῆσ. οὔτε γὰρ ἦν ἀπ̓ ἀρχῆσ, οὔτε εἰσ τὸν αἰῶνα ἔσται. κενοδοξίᾳ γὰρ ἀνθρώπων εἰσῆλθεν εἰσ κόσμον, καὶ διὰ τοῦτο σύντομον αὐτῶν τέλοσ ἐπενοήθη. ἀώρῳ γὰρ πένθει τρυχόμενοσ πατήρ, τοῦ ταχέωσ ἀφαιρεθέντοσ τέκνου εἰκόνα ποιήσασ, τὸν τότε νεκρὸν ἄνθρωπον νῦν ὡσ Θεὸν ἐτίμησε καὶ παρέδωκε τοῖσ ὑποχειρίοισ μυστήρια καὶ τελετάσ. εἶτα ἐν χρόνῳ κρατυνθὲν τὸ ἀσεβὲσ ἔθοσ ὡσ νόμοσ ἐφυλάχθη, καὶ τυράννων ἐπιταγαῖσ ἐθρησκεύετο τὰ γλυπτά, οὓσ ἐν ὄψει μὴ δυνάμενοι τιμᾶν ἄνθρωποι διὰ τὸ μακρὰν οἰκεῖν, τὴν πόρρωθεν ὄψιν ἀνατυπωσάμενοι, ἐμφανῆ εἰκόνα τοῦ τιμωμένου βασιλέωσ ἐποίησαν, ἵνα τὸν ἀπόντα ὡσ παρόντα κολακεύωσι διὰ τῆσ σπουδῆσ. εἰσ ἐπίτασιν δὲ θρησκείασ καὶ τοὺσ ἀγνοοῦντασ ἡ τοῦ τεχνίτου προετρέψατο φιλοτιμία. ὁ μὲν γὰρ τάχα τῷ κρατοῦντι βουλόμενοσ ἀρέσαι, ἐξεβιάσατο τῇ τέχνῃ τὴν ὁμοιότητα ἐπὶ τὸ κάλλιον. τὸ δὲ πλῆθοσ ἐφελκόμενον διὰ τὸ εὔχαρι τῆσ ἐργασίασ, τὸν πρὸ ὀλίγου τιμηθέντα ἄνθρωπον νῦν σέβασμα ἐλογίσαντο. καὶ τοῦτο ἐγένετο τῷ βίῳ εἰσ ἔνεδρον, ὅτι ἢ συμφορᾷ ἢ τυραννίδι δουλεύσαντεσ ἄνθρωποι τὸ ἀκοινώνητον ὄνομα λίθοισ καὶ ξύλοισ περιέθεσαν. Εἶτ̓ οὐκ ἤρκεσε τὸ πλανᾶσθαι περὶ τὴν τοῦ Θεοῦ γνῶσιν, ἀλλὰ καὶ μεγάλῳ ζῶντεσ ἀγνοίασ πολέμῳ τὰ τοσαῦτα κακὰ εἰρήνην προσαγορεύουσιν. ἢ γὰρ τεκνοφόνουσ τελετὰσ ἢ κρύφια μυστήρια ἢ ἐμμανεῖσ ἐξ ἄλλων θεσμῶν κώμουσ ἄγοντεσ, οὔτε βίουσ οὔτε γάμουσ καθαροὺσ ἔτι φυλάσσουσιν, ἕτεροσ δ̓ ἕτερον ἢ λοχῶν ἀναιρεῖ ἢ νοθεύων ὀδυνᾷ. πάντασ δ̓ ἐπιμὶξ ἔχει αἷμα καὶ φόνοσ, κλοπὴ καὶ δόλοσ, φθορά, ἀπιστία, ταραχή, ἐπιορκία, θόρυβοσ ἀγαθῶν, χάριτοσ ἀμνησία, ψυχῶν μιασμόσ, γενέσεωσ ἐναλλαγή, γάμων ἀταξία, μοιχεία καὶ ἀσέλγεια. ἡ γὰρ τῶν ἀνωνύμων εἰδώλων θρησκεία παντὸσ ἀρχὴ κακοῦ καὶ αἰτία καὶ πέρασ ἐστίν. ἢ γὰρ εὐφραινόμενοι μεμήνασιν ἢ προφητεύουσι ψευδῆ ἢ ζῶσιν ἀδίκωσ ἢ ἐπιορκοῦσι ταχέωσ. ἀψύχοισ γὰρ πεποιθότεσ εἰδώλοισ κακῶσ ὀμόσαντεσ, ἀδικηθῆναι οὐ προσδέχονται. ἀμφότερα δὲ αὐτοὺσ μετελεύσεται τὰ δίκαια, ὅτι κακῶσ ἐφρόνησαν περὶ Θεοῦ προσχόντεσ εἰδώλοισ καὶ ἀδίκωσ ὤμοσαν ἐν δόλῳ καταφρονήσαντεσ ὁσιότητοσ. οὐ γὰρ ἡ τῶν ὀμνυομένων δύναμισ, ἀλλ̓ ἡ τῶν ἁμαρτανόντων δίκη ἐπεξέρχεται ἀεὶ τὴν τῶν ἀδίκων παράβασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Sapientiae 14:

(70인역 성경, 지혜서 14:)

목록

SEARCH

MENU NAVIGATION