헬라어 문장 검색 - Σεπτύ004́023́

(70인역 성경, 민수기 23:)

ΚΑΙ εἶπε Βαλαὰμ τῷ Βαλάκ. οἰκοδόμησόν μοι ἐνταῦθα ἑπτὰ βωμοὺσ καὶ ἑτοίμασόν μοι ἐνταῦθα ἑπτὰ μόσχουσ καὶ ἑπτὰ κριούσ. καὶ ἐποίησε Βαλὰκ ὃν τρόπον εἶπεν αὐτῷ Βαλαάμ, καὶ ἀνήνεγκε μόσχον καὶ κριὸν ἐπὶ τὸν βωμόν. καὶ εἶπε Βαλαὰμ πρὸσ Βαλάκ. παράστηθι ἐπὶ τῆσ θυσίασ σου, καὶ πορεύσομαι εἴ μοι φανεῖται ὁ Θεὸσ ἐν συναντήσει, καὶ ρῆμα, ὃ ἐάν μοι δείξῃ, ἀναγγελῶ σοι. καὶ παρέστη Βαλὰκ ἐπὶ τῆσ θυσίασ αὐτοῦ, καὶ Βαλαὰμ ἐπορεύθη ἐπερωτῆσαι τὸν Θεὸν καὶ ἐπορεύθη εὐθεῖαν. καὶ ἐφάνη ὁ Θεὸσ τῷ Βαλαάμ, καὶ εἶπε πρὸσ αὐτὸν Βαλαάμ. τοὺσ ἑπτὰ βωμοὺσ ἡτοίμασα καὶ ἀνεβίβασα μόσχον καὶ κριὸν ἐπὶ τὸν βωμόν. καὶ ἐνέβαλεν ὁ Θεὸσ ρῆμα εἰσ τὸ στόμα Βαλαὰμ καὶ εἶπεν. ἐπιστραφεὶσ πρὸσ Βαλὰκ οὕτω λαλήσεισ. καὶ ἀπεστράφη πρὸσ αὐτόν, καὶ ὅδε ἐφειστήκει ἐπὶ τῶν ὁλοκαυτωμάτων αὐτοῦ, καὶ πάντεσ οἱ ἄρχοντεσ Μωὰβ μετ’ αὐτοῦ. καὶ ἐγενήθη πνεῦμα Θεοῦ ἐπ’ αὐτῷ, καὶ ἀναλαβὼν τὴν παραβολὴν αὐτοῦ εἶπεν. ἐκ Μεσοποταμίασ μετεπέμψατό με Βαλάκ, βασιλεὺσ Μωάβ, ἐξ ὀρέων ἀπ’ ἀνατολῶν λέγων. δεῦρο ἄρασαί μοι τὸν Ἰακὼβ καὶ δεῦρο ἐπικατάρασαί μοι τὸν Ἰσραήλ. τί ἀράσωμαι ὃν μὴ ἀρᾶται Κύριοσ, ἢ τί καταράσωμαι ὃν μὴ καταρᾶται ὁ Θεόσ̣ ὅτι ἀπὸ κορυφῆσ ὀρέων ὄψομαι αὐτὸν καὶ ἀπὸ βουνῶν προσνοήσω αὐτόν. ἰδοὺ λαὸσ μόνοσ κατοικήσει καὶ ἐν ἔθνεσιν οὐ συλλογισθήσεται. τίσ ἐξηκριβάσατο τὸ σπέρμα Ἰακώβ, καὶ τίσ ἐξαριθμήσεται δήμουσ Ἰσραήλ̣ ἀποθάνοι ἡ ψυχή μου ἐν ψυχαῖσ δικαίων, καὶ γένοιτο τὸ σπέρμα μου ὡσ τὸ σπέρμα τούτων. καὶ εἶπε Βαλὰκ πρὸσ Βαλαάμ. τί πεποίηκάσ μοι̣ εἰσ κατάρασιν ἐχθρῶν μου κέκληκά σε, καὶ ἰδοὺ εὐλόγηκασ εὐλογίαν. καὶ εἶπε Βαλαὰμ πρὸσ Βαλάκ. οὐχὶ ὅσα ἂν ἐμβάλῃ ὁ Θεὸσ εἰσ τὸ στόμα μου, τοῦτο φυλάξω λαλῆσαι̣ Καὶ εἶπε πρὸσ αὐτὸν Βαλάκ. δεῦρο ἔτι μετ’ ἐμοῦ εἰσ τόπον ἄλλον, ἐξ οὗ οὐκ ὄψει αὐτὸν ἐκεῖθεν, ἀλλ’ ἢ μέροσ τι αὐτοῦ ὄψει, πάντασ δὲ οὐ μὴ ἴδῃσ, καὶ κατάρασαί μοι αὐτὸν ἐκεῖθεν. καὶ παρέλαβεν αὐτὸν εἰσ ἀγροῦ σκοπιὰν ἐπὶ κορυφὴν λελαξευμένου καὶ ᾠκοδόμησεν ἐκεῖ ἑπτὰ βωμοὺσ καὶ ἀνεβίβασε μόσχον καὶ κριὸν ἐπὶ τὸν βωμόν. καὶ εἶπε Βαλαὰμ πρόσ Βαλάκ. παράστηθι ἐπὶ τῆσ θυσίασ σου, ἐγὼ δὲ πορεύσομαι ἐπερωτῆσαι τὸν Θεόν. καὶ συνήντησεν ὁ Θεὸσ τῷ Βαλαὰμ καὶ ἐνέβαλε ρῆμα εἰσ τὸ στόμα αὐτοῦ καὶ εἶπεν. ἀποστράφηθι πρὸσ Βαλὰκ καὶ τάδε λαλήσεισ. καὶ ἀπεστράφη πρὸσ αὐτόν, καὶ ὅδε ἐφειστήκει ἐπὶ τῆσ ὁλοκαυτώσεωσ αὐτοῦ, καὶ πάντεσ οἱ ἄρχοντεσ Μωὰβ μετ’ αὐτοῦ. καὶ εἶπεν αὐτῷ Βαλάκ. τί ἐλάλησε Κύριοσ̣ καὶ ἀναλαβὼν τὴν παραβολὴν αὐτοῦ εἶπεν. ἀνάστηθι Βαλάκ, καὶ ἄκουε. ἐνώτισαι μάρτυσ, υἱὸσ Σεπφώρ. οὐχ ὡσ ἄνθρωποσ ὁ Θεὸσ διαρτηθῆναι, οὐδ’ ὡσ υἱὸσ ἀνθρώπου ἀπειληθῆναι. αὐτὸσ εἴπασ, οὐχὶ ποιήσει̣ λαλήσει, καὶ οὐχὶ ἐμμενεῖ̣ ἰδοὺ εὐλογεῖν παρείλημμαι. εὐλογήσω καὶ οὐ μὴ ἀποστρέψω. οὐκ ἔσται μόχθοσ ἐν Ἰακώβ, οὐδὲ ὀφθήσεται πόνοσ ἐν Ἰσραήλ. Κύριοσ ὁ Θεὸσ αὐτοῦ μετ’ αὐτοῦ, τὰ ἔνδοξα ἀρχόντων ἐν αὐτῷ. Θεὸσ ὁ ἐξαγαγὼν αὐτοὺσ ἐξ Αἰγύπτου. ὡσ δόξα μονοκέρωτοσ αὐτῷ. οὐ γάρ ἐστιν οἰωνισμὸσ ἐν Ἰακώβ, οὐδὲ μαντεία ἐν Ἰσραήλ. κατὰ καιρὸν ρηθήσεται Ἰακὼβ καὶ τῷ Ἰσραήλ, τί ἐπιτελέσει ὁ Θεόσ. ἰδοὺ λαὸσ ὡσ σκύμνοσ ἀναστήσεται καὶ ὡσ λέων γαυρωθήσεται. οὐ κοιμηθήσεται, ἕωσ φάγῃ θήραν, καὶ αἷμα τραυματιῶν πίεται. καὶ εἶπε Βαλὰκ πρὸσ Βαλαάμ. οὔτε κατάραισ καταράσῃ μοι αὐτὸν οὔτε εὐλογῶν μὴ εὐλογήσῃσ αὐτόν. καὶ ἀποκριθεὶσ Βαλαὰμ εἶπε τῷ Βαλάκ. οὐκ ἐλάλησά σοι λέγων, τὸ ρῆμα, ὃ ἐὰν λαλήσῃ ὁ Θεόσ, τοῦτο ποιήσω̣ Καὶ εἶπε Βαλὰκ πρὸσ Βαλαάμ. δεῦρο παραλάβω σε εἰσ τόπον ἄλλον, εἰ ἀρέσει τῷ Θεῷ, καὶ κατάρασαί μοι αὐτὸν ἐκεῖθεν. καὶ παρέλαβε Βαλὰκ τὸν Βαλαὰμ ἐπὶ κορυφὴν τοῦ Φογὼρ τὸ παρατεῖνον εἰσ τὴν ἔρημον. καὶ εἶπε Βαλαὰμ πρὸσ Βαλάκ. οἰκοδόμησόν μοι ὧδε ἑπτὰ βωμοὺσ καὶ ἑτοίμασόν μοι ὧδε ἑπτὰ μόσχουσ καὶ ἑπτὰ κριούσ. καὶ ἐποίησε Βαλὰκ καθάπερ εἶπεν αὐτῷ Βαλαάμ, καὶ ἀνήνεγκε μόσχον καὶ κριὸν ἐπὶ τὸν βωμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 23:

(70인역 성경, 민수기 23:)

목록

SEARCH

MENU NAVIGATION