헬라어 문장 검색 - Σεπτύ001́029́

(70인역 성경, 창세기 29:)

ΚΑΙ ἐξάρασ Ἰακὼβ τοὺσ πόδασ ἐπορεύθη εἰσ γῆν ἀνατολῶν πρὸσ Λάβαν τὸν υἱὸν Βαθουὴλ τοῦ Σύρου, ἀδελφὸν δὲ Ρεβέκκασ μητρὸσ Ἰακὼβ καὶ Ἡσαῦ. καὶ ὁρᾷ καὶ ἰδοὺ φρέαρ ἐν τῷ πεδίῳ, ἦσαν δὲ ἐκεῖ τρία ποίμνια προβάτων ἀναπαυόμενα ἐπ̓ αὐτοῦ. ἐκ γὰρ τοῦ φρέατοσ ἐκείνου ἐπότιζον τὰ ποίμνια, λίθοσ δὲ ἦν μέγασ ἐπὶ τῷ στόματι τοῦ φρέατοσ, καὶ συνήγοντο ἐκεῖ πάντα τὰ ποίμνια καὶ ἀπεκύλιον τὸν λίθον ἀπὸ τοῦ στόματοσ τοῦ φρέατοσ καὶ ἐπότιζον τὰ πρόβατα καὶ ἀποκαθίστων τὸν λίθον ἐπὶ τὸ στόμα τοῦ φρέατοσ εἰσ τὸν τόπον αὐτοῦ. εἶπε δὲ αὐτοῖσ Ἰακώβ. ἀδελφοί, πόθεν ἐστὲ ὑμεῖσ̣ οἱ δὲ εἶπαν. ἐκ Χαρρὰν ἐσμέν. εἶπε δὲ αὐτοῖσ. γινώσκετε Λάβαν τὸν υἱὸν Ναχώρ̣ οἱ δὲ εἶπαν. γινώσκομεν. εἶπε δὲ αὐτοῖσ. ὑγιαίνει̣ οἱ δὲ εἶπαν. ὑγιαίνει. καὶ ἰδοὺ Ραχὴλ ἡ θυγάτηρ αὐτοῦ ἤρχετο μετὰ τῶν προβάτων. καὶ εἶπεν Ἰακώβ. ἔτι ἐστὶν ἡμέρα πολλή, οὔπω ὥρα συναχθῆναι τὰ κτήνη. ποτίσαντεσ τὰ πρόβατα ἀπελθόντεσ βόσκετε. οἱ δὲ εἶπαν. οὐ δυνησόμεθα ἕωσ τοῦ συναχθῆναι πάντασ τοὺσ ποιμένασ, καὶ ἀποκυλίσουσι τὸν λίθον ἀπὸ τοῦ στόματοσ τοῦ φρέατοσ, καὶ ποτιοῦμεν τὰ πρόβατα. ἔτι αὐτοῦ λαλοῦντοσ αὐτοῖσ καὶ ἰδοὺ Ραχὴλ ἡ θυγάτηρ Λάβαν ἤρχετο μετὰ τῶν προβάτων τοῦ πατρὸσ αὐτῆσ. αὐτὴ γὰρ ἔβοσκε τὰ πρόβατα τοῦ πατρὸσ αὐτῆσ. ἐγένετο δέ, ὡσ εἶδεν Ἰακὼβ τὴν Ραχὴλ τὴν θυγατέρα Λάβαν τοῦ ἀδελφοῦ τῆσ μητρὸσ αὐτοῦ, καὶ τὰ πρόβατα Λάβαν τοῦ ἀδελφοῦ τῆσ μητρὸσ αὐτοῦ, καὶ προσελθὼν Ἰακὼβ ἀπεκύλισε τὸν λίθον ἀπὸ τοῦ στόματοσ τοῦ φρέατοσ καὶ ἐπότιζε τὰ πρόβατα Λάβαν τοῦ ἀδελφοῦ τῆσ μητρὸσ αὐτοῦ. καὶ ἐφίλησεν Ἰακὼβ τὴν Ραχήλ. καὶ βοήσασ τῇ φωνῇ αὐτοῦ ἔκλαυσε. καὶ ἀπήγγειλε τῇ Ραχήλ, ὅτι ἀδελφὸσ τοῦ πατρὸσ αὐτῆσ ἐστι καὶ ὅτι υἱὸσ Ρεβέκκασ ἐστί, καὶ δραμοῦσα ἀπήγγειλε τῷ πατρὶ αὐτῆσ κατὰ τά ρήματα ταῦτα. ἐγένετο δέ, ὡσ ἤκουσε Λάβαν τὸ ὄνομα Ἰακὼβ τοῦ υἱοῦ τῆσ ἀδελφῆσ αὐτοῦ, ἔδραμεν εἰσ συνάντησιν αὐτῷ καὶ περιλαβὼν αὐτὸν ἐφίλησε καὶ εἰσήγαγεν αὐτὸν εἰσ τὸν οἶκον αὐτοῦ. καὶ διηγήσατο τῷ Λάβαν πάντασ τοὺσ λόγουσ τούτουσ. καὶ εἶπεν αὐτῷ Λάβαν. ἐκ τῶν ὀστῶν μου καὶ ἐκ τῆσ σαρκόσ μου εἶ σύ. καὶ ἦν μετ̓ αὐτοῦ μῆνα ἡμερῶν. Εἶπε δὲ Λάβαν τῷ Ἰακώβ. ὅτι γὰρ ἀδελφόσ μου εἶ, οὐ δουλεύσεισ μοι δωρεάν. ἀπάγγειλόν μοι, τίσ ὁ μισθόσ σου ἐστί̣ τῷ δὲ Λάβαν ἦσαν δύο θυγατέρεσ, ὄνομα τῇ μείζονι Λεία, καὶ ὄνομα τῇ νεωτέρᾳ Ραχήλ. οἱ δὲ ὀφθαλμοὶ Λείασ ἀσθενεῖσ, Ραχὴλ δὲ ἦν καλὴ τῷ εἴδει καὶ ὡραία τῇ ὄψει σφόδρα. ἠγάπησε δὲ Ἰακὼβ τὴν Ραχὴλ καὶ εἶπε. δουλεύσω σοι ἑπτὰ ἔτη περὶ Ραχὴλ τῆσ θυγατρόσ σου τῆσ νεωτέρασ. εἶπε δὲ αὐτῷ Λάβαν. βέλτιον δοῦναί με αὐτήν σοι, ἢ δοῦναί με αὐτὴν ἀνδρὶ ἑτέρῳ. οἴκησον μετ̓ ἐμοῦ. καὶ ἐδούλευσεν Ἰακὼβ περὶ Ραχὴλ ἑπτὰ ἔτη, καὶ ἦσαν ἐναντίον αὐτοῦ ὡσ ἡμέραι ὀλίγαι, παρὰ τὸ ἀγαπᾷν αὐτὸν αὐτήν. εἶπε δὲ Ἰακὼβ τῷ Λάβαν. δόσ μοι τὴν γυναῖκά μου, πεπλήρωνται γὰρ αἱ ἡμέραι, ὅπωσ εἰσέλθω πρὸσ αὐτήν. συνήγαγε δὲ Λάβαν πάντασ τοὺσ ἄνδρασ τοῦ τόπου καὶ ἐποίησε γάμον. καὶ ἐγένετο ἑσπέρα, καὶ λαβὼν Λείαν τὴν θυγατέρα αὐτοῦ εἰσήγαγε πρὸσ Ἰακὼβ καὶ εἰσῆλθε πρὸσ αὐτὴν Ἰακώβ. ἔδωκε δὲ Λάβαν Λείᾳ τῇ θυγατρὶ αὐτοῦ Ζελφὰν τὴν παιδίσκην αὐτοῦ αὐτῇ παιδίσκην. ἐγένετο δὲ πρωί̈, καὶ ἰδοὺ ἦν Λεία. εἶπε δὲ Ἰακὼβ τῷ Λάβαν. τί τοῦτο ἐποίησάσ μοι̣ οὐ περὶ Ραχὴλ ἐδούλευσα παρὰ σοί̣ καὶ ἱνατί παρελογίσω με̣ ἀπεκρίθη δὲ Λάβαν. οὐκ ἔστιν οὕτωσ ἐν τῷ τόπῳ ἡμῶν, δοῦναι τὴν νεωτέραν πρὶν ἢ τὴν πρεσβυτέραν. συντέλεσον οὖν τὰ ἕβδομα ταύτησ, καὶ δώσω σοι καὶ ταύτην ἀντὶ τῆσ ἐργασίασ, ἧσ ἐργᾷ παῤ ἐμοί, ἔτι ἑπτὰ ἔτη ἕτερα. ἐποίησε δὲ Ἰακὼβ οὕτωσ καὶ ἀνεπλήρωσε τὰ ἕβδομα ταύτησ, καὶ ἔδωκεν αὐτῷ Λάβαν Ραχὴλ τὴν θυγατέρα αὐτοῦ αὐτῷ γυναῖκα. ἔδωκε δὲ Λάβαν τῇ θυγατρὶ αὐτοῦ Βαλλὰν τὴν παιδίσκην αὐτοῦ αὐτῇ παιδίσκην. καὶ εἰσῆλθε πρὸσ Ραχήλ. ἠγάπησε δὲ Ραχὴλ μᾶλλον ἢ Λείαν. καὶ ἐδούλευσεν αὐτῷ ἑπτὰ ἔτη ἕτερα. Ἰδὼν δὲ Κύριοσ ὁ Θεὸσ ὅτι ἐμισεῖτο Λεία, ἤνοιξε τὴν μήτραν αὐτῆσ. Ραχὴλ δὲ ἦν στεῖρα. καὶ συνέλαβε Λεία καὶ ἔτεκεν υἱὸν τῷ Ἰακώβ. ἐκάλεσε δὲ τὸ ὄνομα αὐτοῦ Ρουβὴν λέγουσα. διότι εἶδέ μου Κύριοσ τὴν ταπείνωσιν, καὶ ἔδωκέ μοι υἱόν. νῦν οὖν ἀγαπήσει με ὁ ἀνήρ μου. καὶ συνέλαβε πάλιν καὶ ἔτεκεν υἱὸν δεύτερον τῷ Ἰακὼβ καὶ εἶπεν. ὅτι ἤκουσε Κύριοσ ὅτι μισοῦμαι, καὶ προσέδωκέ μοι καὶ τοῦτον. ἐκάλεσε δὲ τὸ ὄνομα αὐτοῦ Συμεών. καὶ συνέλαβεν ἔτι καὶ ἔτεκεν υἱὸν καὶ εἶπεν. ἐν τῷ νῦν καιρῷ πρὸσ ἐμοῦ ἔσται ὁ ἀνήρ μου, τέτοκα γὰρ αὐτῷ τρεῖσ υἱούσ. διὰ τοῦτο ἐκάλεσε τὸ ὄνομα αὐτοῦ Λευεί. καὶ συλλαβοῦσα ἔτι ἔτεκεν υἱὸν καὶ εἶπε. νῦν ἔτι τοῦτο ἐξομολογήσομαι τῷ Κυρίῳ. διὰ τοῦτο ἐκάλεσε τὸ ὄνομα αὐτοῦ Ἰούδαν. καὶ ἔστη τοῦ τίκτειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Genesis 29:

(70인역 성경, 창세기 29:)

목록

SEARCH

MENU NAVIGATION