헬라어 문장 검색 - Σεπτύ009́020́

(70인역 성경, 사무엘기 상권 20:)

ΚΑΙ ἀπέδρα Δαυὶδ ἐκ Ναυὰθ ἐν Ραμὰ καὶ ἔρχεται ἐνώπιον Ἰωνάθαν καὶ εἶπε. τί πεποίηκα καὶ τί τὸ ἀδίκημά μου καὶ τί ἡμάρτηκα ἐνώπιον τοῦ πατρόσ σου, ὅτι ἐπιζητεῖ τὴν ψυχήν μου̣ καὶ εἶπεν αὐτῷ Ἰωνάθαν. μηδαμῶσ σοι, οὐ μὴ ἀποθάνῃσ. ἰδοὺ οὐ μὴ ποιήσει ὁ πατήρ μου ρῆμα μέγα ἢ μικρὸν καὶ οὐκ ἀποκαλύψει τὸ ὠτίον μου. καὶ τί ὅτι κρύψει ὁ πατήρ μου ἀπ̓ ἐμοῦ τὸ ρῆμα τοῦτο̣ οὐκ ἔστι τοῦτο. καὶ ἀπεκρίθη Δαυὶδ τῷ Ἰωνάθαν καὶ εἶπε. γινώσκων οἶδεν ὁ πατήρ σου ὅτι εὕρηκα χάριν ἐν ὀφθαλμοῖσ σου, καὶ εἶπε. μὴ γνώτω τοῦτο Ἰωνάθαν, μὴ οὐ βούληται. ἀλλὰ ζῇ Κύριοσ καὶ ζῇ ἡ ψυχή σου, ὅτι, καθὼσ εἶπον, ἐμπέπλησται ἀνὰ μέσον ἐμοῦ καὶ τοῦ θανάτου. καὶ εἶπεν Ἰωνάθαν πρὸσ Δαυίδ. τὶ ἐπιθυμεῖ ἡ ψυχή σου καὶ τί ποιήσω σοι̣ καὶ εἶπε Δαυὶδ πρὸσ Ἰωνάθαν. ἰδοὺ δὴ νεομηνία αὔριον, καὶ ἐγὼ καθίσασ οὐ καθήσομαι φαγεῖν, καὶ ἐξαποστελεῖσ με, καὶ κρυβήσομαι ἐν τῷ πεδίῳ ἕωσ δείλησ. καὶ ἐὰν ἐπισκεπτόμενοσ ἐπισκέψηταί με ὁ πατὴρ σου, καὶ ἐρεῖσ. παραιτούμενοσ παρῃτήσατο ἀπ̓ ἐμοῦ Δαυὶδ δραμεῖν ἕωσ εἰσ Βηθλεὲμ τὴν πόλιν αὐτοῦ, ὅτι θυσία τῶν ἡμερῶν ἐκεῖ ὅλῃ τῇ φυλῇ. ἐὰν τάδε εἴπῃ. ἀγαθῶσ, εἰρήνη τῷ δούλῳ σου. καὶ ἐὰν σκληρῶσ ἀποκριθῇ σοι, γνῶθι ὅτι συντετέλεσται ἡ κακία παῤ αὐτοῦ. καὶ ποιήσεισ ἔλεοσ μετὰ τοῦ δούλου σου, ὅτι εἰσήγαγεσ εἰσ διαθήκην Κυρίου τὸν δοῦλόν σου μετὰ σεαυτοῦ. καὶ εἰ ἔστιν ἀδικία ἐν τῷ δούλῳ σου, θανάτωσόν με σύ, καὶ ἕωσ τοῦ πατρόσ σου ἱνατί οὕτωσ εἰσάγεισ με̣ καὶ εἶπεν Ἰωνάθαν. μηδαμῶσ σοι, ὅτι ἐὰν γινώσκων γνῶ ὅτι συντετέλεσται ἡ κακία παρὰ τοῦ πατρόσ μου τοῦ ἐλθεῖν ἐπὶ σέ, καὶ ἐὰν μὴ ᾖ εἰσ τὰσ πόλεισ σου, ἐγὼ ἀπαγγελῶ σοι. καὶ εἶπε Δαυὶδ πρὸσ Ἰωνάθαν. τίσ ἀπαγγείλῃ μοι, ἐὰν ἀποκριθῇ ὁ πατήρ σου σκληρῶσ̣ καὶ εἶπεν Ἰωνάθαν πρὸσ Δαυίδ. πορεύου καὶ μένε εἰσ ἀγρόν. καὶ ἐκπορεύονται ἀμφότεροι εἰσ ἀγρόν. καὶ εἶπεν Ἰωνάθαν πρὸσ Δαυίδ. Κύριοσ ὁ Θεὸσ Ἰσραὴλ εἶδεν, ὅτι ἀνακρινῶ τὸν πατέρα μου ὡσ ἂν ὁ καιρὸσ τρισσῶσ, καὶ ἰδοὺ ἀγαθὸν ᾖ περὶ Δαυίδ, καὶ οὐ μὴ ἀποστείλω πρόσ σε εἰσ ἀγρόν. τάδε ποιήσαι ὁ Θεὸσ τῷ Ἰωνάθαν καὶ τάδε προσθείη, ὅτι ἀνοίσω τὰ κακὰ ἐπὶ σὲ καὶ ἀποκαλύψω τὸ ὠτίον σου καὶ ἐξαποστελῶ σε καὶ ἀπελεύσῃ εἰσ εἰρήνην. καὶ ἔσται Κύριοσ μετὰ σοῦ, καθὼσ ἦν μετὰ τοῦ πατρόσ μου. καὶ ἐὰν μὲν ἔτι μου ζῶντοσ καὶ ποιήσεισ ἔλεοσ μετ̓ ἐμοῦ, καὶ ἐὰν θανάτῳ ἀποθάνω, οὐκ ἐξαρεῖσ ἔλεόσ σου ἀπὸ τοῦ οἴκου μου ἕωσ τοῦ αἰῶνοσ. καὶ εἰ μή, ἐν τῷ ἐξαίρειν Κύριον τοὺσ ἐχθροὺσ Δαυὶδ ἕκαστον ἀπὸ τοῦ προσώπου τῆσ γῆσ εὑρεθῆναι τὸ ὄνομα τοῦ Ἰωνάθαν ἀπὸ τοῦ οἴκου Δαυίδ, καὶ ἐκζητῆσαι Κύριοσ ἐχθροὺσ τοῦ Δαυίδ. καὶ προσέθετο ἔτι Ἰωνάθαν ὀμόσαι τῷ Δαυίδ, ὅτι ἠγάπησε ψυχὴν ἀγαπῶντοσ αὐτόν. καὶ εἶπεν Ἰωνάθαν. αὔριον νεομηνία, καὶ ἐπισκεπήσῃ, ὅτι ἐπισκεπήσεται καθέδρα σου. καὶ τρισσεύσεισ καὶ ἐπισκέψῃ καὶ ἥξεισ εἰσ τὸν τόπον σου, οὗ κρυβῇσ ἐν τῇ ἡμέρᾳ τῇ ἐργασίμῃ, καὶ καθήσῃ παρὰ τὸ ἐργὰβ ἐκεῖνο. καὶ ἐγὼ τρισσεύσω ταῖσ σχίζαισ ἀκοντίζων, ἐκπέμπων εἰσ τὴν ἀματταρί. καὶ ἰδοὺ ἀποστέλλω τὸ παιδάριον λέγων. δεῦρο εὑρέ μοι τὴν σχίζαν. ἐὰν εἴπω λέγων τῷ παιδαρίῳ. ὧδε ἡ σχίζα ἀπὸ σοῦ καὶ ὧδε, λάβε αὐτήν, παραγίνου, ὅτι εἰρήνη σοι, καὶ οὐκ ἔστι λόγοσ, ζῇ Κύριοσ. ἐὰν τάδε εἴπω τῷ νεανίσκῳ. ὧδε ἡ σχίζα ἀπὸ σοῦ καὶ ἐπέκεινα, πορεύου ὅτι ἐξαπέσταλκέ σε Κύριοσ. καὶ τὸ ρῆμα ὃ ἐλαλήσαμεν ἐγὼ καὶ σύ, ἰδοὺ Κύριοσ μάρτυσ ἀνὰ μέσον ἐμοῦ καὶ σοῦ ἕωσ αἰῶνοσ. Καὶ κρύπτεται Δαυὶδ ἐν ἀγρῷ, καὶ παραγίνεται ὁ μήν, καὶ ἔρχεται ὁ βασιλεὺσ ἐπὶ τὴν τράπεζαν τοῦ φαγεῖν. καὶ ἐκάθισεν ἐπὶ τὴν καθέδραν αὐτοῦ ὡσ ἅπαξ καὶ ἅπαξ, ἐπὶ τῆσ καθέδρασ παρὰ τοῖχον, καὶ προέφθασε τὸν Ἰωνάθαν, καὶ ἐκάθισεν Ἀβεννὴρ ἐκ πλαγίων Σαούλ, καὶ ἐπεσκέπη ὁ τόποσ Δαυίδ. καὶ οὐκ ἐλάλησε Σαοὺλ ἐν τῇ ἡμέρᾳ ἐκείνῃ, ὅτι εἴρηκε. σύμπτωμα φαίνεται μὴ καθαρὸσ εἶναι, ὅτι οὐ κεκαθάρισται. καὶ ἐγενήθη τῇ ἐπαύριον τοῦ μηνὸσ τῇ ἡμέρᾳ τῇ δευτέρᾳ καὶ ἐπεσκέπη ὁ τόποσ τοῦ Δαυίδ, καὶ εἶπε Σαοὺλ πρὸσ Ἰωνάθαν τὸν υἱὸν αὐτοῦ. τί ὅτι οὐ παραγέγονεν ὁ υἱὸσ Ἰεσσαὶ καὶ ἐχθὲσ καὶ σήμερον ἐπὶ τὴν τράπεζαν̣ καὶ ἀπεκρίθη Ἰωνάθαν τῷ Σαοὺλ καὶ εἶπεν αὐτῷ. παρῄτηται παῤ ἐμοῦ Δαυὶδ ἕωσ εἰσ Βηθλεὲμ τὴν πόλιν αὐτοῦ πορευθῆναι. καὶ εἶπεν. ἐξαπόστειλον δή με, ὅτι θυσία τῆσ φυλῆσ ἡμῖν ἐν τῇ πόλει, καὶ ἐνετείλαντο πρόσ με οἱ ἀδελφοί μου, καὶ νῦν εἰ εὕρηκα χάριν ἐν ὀφθαλμοῖσ σου, διαβήσομαι δὴ καὶ ὄψομαι τοὺσ ἀδελφούσ μου. διὰ τοῦτο οὐ παραγέγονεν ἐπὶ τὴν τράπεζαν τοῦ βασιλέωσ. καὶ ἐθυμώθη ὀργῇ Σαοὺλ ἐπὶ Ἰωνάθαν σφόδρα καὶ εἶπεν αὐτῷ. υἱὲ κορασίων αὐτομολούντων, οὐ γὰρ οἶδα ὅτι μέτοχοσ εἶ σὺ τῷ υἱῷ Ἰεσσαὶ εἰσ αἰσχύνην σου καὶ εἰσ αἰσχύνην ἀποκαλύψεωσ μητρόσ σου̣ ὅτι πάσασ τὰσ ἡμέρασ, ἃσ ὁ υἱὸσ Ἰεσσαὶ ζῇ ἐπὶ τῆσ γῆσ, οὐχ ἑτοιμασθήσεται ἡ βασιλεία σου. νῦν οὖν ἀποστείλασ λάβε τὸν νεανίαν, ὅτι υἱὸσ θανάτου οὗτοσ. καὶ ἀπεκρίθη Ἰωνάθαν τῷ Σαούλ. ἱνατί ἀποθνήσκει̣ τί πεποίηκε̣ καὶ ἐπῇρε Σαοὺλ τὸ δόρυ ἐπὶ Ἰωνάθαν τοῦ θανατῶσαι αὐτόν. καὶ ἔγνω Ἰωνάθαν ὅτι συντετέλεσται ἡ κακία αὕτη παρὰ τοῦ πατρὸσ αὐτοῦ θανατῶσαι τὸν Δαυίδ, καὶ ἀνεπήδησεν Ἰωνάθαν ἀπὸ τῆσ τραπέζησ ἐν ὀργῇ θυμοῦ καὶ οὐκ ἔφαγεν ἐν τῇ δευτέρᾳ τοῦ μηνὸσ ἄρτον, ὅτι ἐθραύσθη ἐπὶ τὸν Δαυίδ, ὅτι συνετέλεσεν ἐπ̓ αὐτὸν ὁ πατὴρ αὐτοῦ. Καὶ ἐγενήθη πρωί̈ καὶ ἐξῆλθεν Ἰωνάθαν εἰσ ἀγρόν, καθὼσ ἐτάξατο εἰσ τὸ μαρτύριον Δαυίδ, καὶ παιδάριον μικρὸν μετ̓ αὐτοῦ. καὶ εἶπε τῷ παιδαρίῳ. δράμε, εὑρέ μοι τὰσ σχίζασ, ἐν αἷσ ἐγὼ ἀκοντίζω. καὶ τὸ παιδάριον ἔδραμε, καὶ αὐτὸσ ἠκόντιζε τῇ σχίζῃ καὶ παρήγαγεν αὐτήν. καὶ ἦλθε τὸ παιδάριον ἕωσ τοῦ τόπου τῆσ σχίζησ, οὗ ἠκόντιζεν Ἰωνάθαν, καὶ ἀνεβόησεν Ἰωνάθαν ὀπίσω τοῦ νεανίου καὶ εἶπεν. ἐκεῖ ἡ σχίζα ἀπὸ σοῦ καὶ ἐπέκεινα. καὶ ἀνεβόησεν Ἰωνάθαν ὀπίσω τοῦ παιδαρίου αὐτοῦ λέγων. ταχύνασ σπεῦσον καὶ μὴ στῇσ. καὶ ἀνέλεξε τὸ παιδάριον Ἰωνάθαν τὰσ σχίζασ καὶ ἤνεγκε τὰσ σχίζασ πρὸσ τὸν κύριον αὐτοῦ. καὶ τὸ παιδάριον οὐκ ἔγνω οὐθέν, πάρεξ Ἰωνάθαν καὶ Δαυὶδ ἔγνωσαν τὸ ρῆμα. καὶ Ἰωνάθαν ἔδωκε τὰ σκεύη αὐτοῦ ἐπὶ τὸ παιδάριον αὐτοῦ καὶ εἶπε τῷ παιδαρίῳ αὐτοῦ. πορεύου, εἴσελθε εἰσ τὴν πόλιν. καὶ ὡσ εἰσῆλθε τὸ παιδάριον, καὶ Δαυὶδ ἀνέστη ἀπὸ τοῦ ἐργὰβ καὶ ἔπεσεν ἐπὶ πρόσωπον αὐτοῦ καὶ προσεκύνησεν αὐτῷ τρίσ, καὶ κατεφίλησεν ἕκαστοσ τὸν πλησίον αὐτοῦ, καὶ ἔκλαυσεν ἕκαστοσ τῷ πλησίον αὐτοῦ ἕωσ συντελείασ μεγάλησ. καὶ εἶπεν Ἰωνάθαν τῷ Δαυίδ. πορεύου εἰσ εἰρήνην, καὶ ὡσ ὀμωμόκαμεν ἡμεῖσ ἀμφότεροι ἐν ὀνόματι Κυρίου λέγοντεσ. Κύριοσ ἔσται μάρτυσ ἀνὰ μέσον ἐμοῦ καί σοῦ καὶ ἀνὰ μέσον τοῦ σπέρματόσ μου καὶ ἀνὰ μέσον τοῦ σπέρματόσ σου ἕωσ αἰῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 20:

(70인역 성경, 사무엘기 상권 20:)

목록

SEARCH

MENU NAVIGATION