헬라어 문장 검색 - Σεπτύ001́045́

(70인역 성경, 창세기 45:)

ΚΑΙ οὐκ ἠδύνατο Ἰωσὴφ ἀνέχεσθαι πάντων τῶν παρεστηκότων αὐτῷ, ἀλλ̓ εἶπεν. ἐξαποστείλατε πάντασ ἀπ̓ ἐμοῦ. καὶ οὐ παρειστήκει οὐδεὶσ τῷ Ἰωσήφ, ἡνίκα ἀνεγνωρίζετο τοῖσ ἀδελφοῖσ αὐτοῦ. καὶ ἀφῆκε φωνὴν μετὰ κλαυθμοῦ. ἤκουσαν δὲ πάντεσ οἱ Αἰγύπτιοι, καὶ ἀκουστὸν ἐγένετο εἰσ τὸν οἶκον Φαραώ. εἶπε δὲ Ἰωσὴφ πρὸσ τοὺσ ἀδελφοὺσ αὐτοῦ. ἐγώ εἰμι Ἰωσήφ. ἔτι ὁ πατήρ μου ζῇ̣ καὶ οὐκ ἠδύναντο οἱ ἀδελφοὶ ἀποκριθῆναι αὐτῷ. ἐταράχθησαν γάρ. εἶπε δὲ Ἰωσὴφ πρὸσ τούσ ἀδελφοὺσ αὐτοῦ. ἐγγίσατε πρόσ με, καὶ ἤγγισαν. καὶ εἶπεν. ἐγώ εἰμι Ἰωσὴφ ὁ ἀδελφὸσ ὑμῶν, ὃν ἀπέδοσθε εἰσ Αἴγυπτον. νῦν οὖν μὴ λυπεῖσθε, μηδὲ σκληρὸν ὑμῖν φανήτω, ὅτι ἀπέδοσθέ με ὧδε. εἰσ γὰρ ζωὴν ἀπέστειλέ με ὁ Θεὸσ ἔμπροσθεν ὑμῶν. τοῦτο γὰρ δεύτερον ἔτοσ λιμὸσ ἐπὶ τῆσ γῆσ, καὶ ἔτι λοιπὰ πέντε ἔτη, ἐν οἷσ οὐκ ἔστιν ἀροτρίασισ οὐδὲ ἄμητοσ. ἀπέστειλε γάρ με ὁ Θεὸσ ἔμπροσθεν ὑμῶν, ὑπολείπεσθαι ὑμῖν κατάλειμμα ἐπὶ τῆσ γῆσ καὶ ἐκθρέψαι ὑμῶν κατάλειψιν μεγάλην. νῦν οὐχ ὑμεῖσ με ἀπεστάλκατε ὧδε, ἀλλ̓ ἢ ὁ Θεόσ, καὶ ἐποίησέ με ὡσ πατέρα Φαραὼ καὶ κύριον παντὸσ τοῦ οἴκου αὐτοῦ καὶ ἄρχοντα πάσησ γῆσ Αἰγύπτου. σπεύσαντεσ οὖν ἀνάβητε πρὸσ τὸν πατέρα μου καὶ εἴπατε αὐτῷ. τάδε λέγει ὁ υἱόσ σου Ἰωσήφ. ἐποίησέ με ὁ Θεὸσ κύριον πάσησ γῆσ Αἰγύπτου. κατάβηθι οὖν πρόσ με καὶ μὴ μείνῃσ. καὶ κατοικήσεισ ἐν γῇ Γεσὲμ Ἀραβίασ καὶ ἔσῃ ἐγγύσ μου σὺ καὶ οἱ υἱοί σου καὶ οἱ υἱοὶ τῶν υἱῶν σου, τὰ πρόβατά σου καὶ οἱ βόεσ σου καὶ ὅσα σοι ἐστί, καὶ ἐκθρέψω σε ἐκεῖ. ἔτι γὰρ πέντε ἔτη λιμόσ. ἵνα μὴ ἐκτριβῇσ σὺ καὶ οἱ υἱοί σου καὶ πάντα τὰ ὑπάρχοντά σου. ἰδοὺ οἱ ὀφθαλμοὶ ὑμῶν βλέπουσι καὶ οἱ ὀφθαλμοὶ Βενιαμὶν τοῦ ἀδελφοῦ μου, ὅτι τὸ στόμα μου τὸ λαλοῦν πρὸσ ὑμᾶσ. ἀπαγγείλατε οὖν τῷ πατρί μου πᾶσαν τὴν δόξαν μου τὴν ἐν Αἰγύπτῳ καὶ ὅσα εἴδετε, καὶ ταχύναντεσ καταγάγετε τὸν πατέρα μου ὧδε. καὶ ἐπιπεσὼν ἐπὶ τὸν τράχηλον Βενιαμὶν τοῦ ἀδελφοῦ αὐτοῦ ἔκλαυσεν ἐπ̓ αὐτῷ, καὶ Βενιαμὶν ἔκλαυσεν ἐπὶ τῷ τραχήλῳ αὐτοῦ. καὶ καταφιλήσασ πάντασ τοὺσ ἀδελφοὺσ αὐτοῦ ἔκλαυσεν ἐπ̓ αὐτοῖσ, καὶ μετὰ ταῦτα ἐλάλησαν οἱ ἀδελφοὶ αὐτοῦ πρὸσ αὐτόν. Καὶ διεβοήθη ἡ φωνὴ εἰσ τὸν οἶκον Φαραὼ λέγοντεσ. ἥκασιν οἱ ἀδελφοὶ Ἰωσήφ. ἐχάρη δὲ Φαραὼ καὶ ἡ θεραπεία αὐτοῦ. εἶπε δὲ Φαραὼ πρὸσ Ἰωσήφ. εἰπὸν τοῖσ ἀδελφοῖσ σου, τοῦτο ποιήσατε. γεμίσατε τὰ φορεῖα ὑμῶν καὶ ἀπέλθετε εἰσ γῆν Χαναὰν καὶ ἀναλαβόντεσ τὸν πατέρα ὑμῶν καὶ τὰ ὑπάρχοντα ὑμῶν ἥκετε πρόσ με, καὶ δώσω ὑμῖν πάντων τῶν ἀγαθῶν Αἰγύπτου, καὶ φάγεσθε τὸν μυελὸν τῆσ γῆσ. σὺ δὲ ἔντειλαι ταῦτα, λαβεῖν αὐτοῖσ ἁμάξασ ἐκ γῆσ Αἰγύπτου τοῖσ παιδίοισ ὑμῶν καὶ ταῖσ γυναιξὶν ὑμῶν. καὶ ἀναλαβόντεσ τὸν πατέρα ὑμῶν παραγίνεσθε. καὶ μὴ φείσησθε τοῖσ ὀφθαλμοῖσ τῶν σκευῶν ὑμῶν, τὰ γὰρ πάντα ἀγαθὰ Αἰγύπτου ὑμῖν ἔσται. ἐποίησαν δὲ οὕτωσ οἱ υἱοὶ Ἰσραήλ. ἔδωκε δὲ Ἰωσὴφ αὐτοῖσ ἁμάξασ κατὰ τὰ εἰρημένα ὑπὸ Φαραὼ τοῦ βασιλέωσ καὶ ἔδωκεν αὐτοῖσ ἐπισιτισμὸν εἰσ τὴν ὁδόν, καὶ πᾶσιν ἔδωκε δισσὰσ στολάσ, τῷ δὲ Βενιαμὶν ἔδωκε τριακοσίουσ χρυσοῦσ καὶ πέντε ἐξαλλασσούσασ στολάσ, καὶ τῷ πατρὶ αὐτοῦ ἀπέστειλε κατὰ τὰ αὐτὰ καὶ δέκα ὄνουσ αἴροντασ ἀπὸ πάντων τῶν ἀγαθῶν Αἰγύπτου καὶ δέκα ἡμιόνουσ αἰρούσασ ἄρτουσ τῷ πατρὶ αὐτοῦ εἰσ ὁδόν. ἐξαπέστειλε δὲ τοὺσ ἀδελφοὺσ αὐτοῦ καὶ ἐπορεύθησαν. καὶ εἶπεν αὐτοῖσ. μὴ ὀργίζεσθε ἐν τῇ ὁδῷ. Καὶ ἀνέβησαν ἐξ Αἰγύπτου καὶ ἦλθον εἰσ γῆν Χαναὰν πρὸσ Ἰακὼβ τὸν πατέρα αὐτῶν, καὶ ἀνήγγειλαν αὐτῷ λέγοντεσ. ὅτι ὁ υἱόσ σου Ἰωσὴφ ζῇ, καὶ αὐτὸσ ἄρχει πάσησ γῆσ Αἰγύπτου. καὶ ἐξέστη τῇ διανοίᾳ Ἰακώβ. οὐ γὰρ ἐπίστευσεν αὐτοῖσ. ἐλάλησαν δὲ αὐτῷ πάντα τὰ ρηθέντα ὑπὸ Ἰωσήφ, ὅσα εἶπεν αὐτοῖσ. ἰδὼν δὲ τὰσ ἁμάξασ, ἃσ ἀπέστειλεν Ἰωσὴφ ὥστε ἀναλαβεῖν αὐτόν, ἀνεζωπύρησε τὸ πνεῦμα Ἰακὼβ τοῦ πατρὸσ αὐτῶν. εἶπε δὲ Ἰσραήλ. μέγα μοί ἐστιν, εἰ ἔτι Ἰωσὴφ ὁ υἱόσ μου ζῇ. πορευθεὶσ ὄψομαι αὐτὸν πρὸ τοῦ ἀποθανεῖν με.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Genesis 45:

(70인역 성경, 창세기 45:)

목록

SEARCH

MENU NAVIGATION