호흡부호 보기
강세부호 보기
장단부호 보기
작은 Iota 보기
모든 부호 보기
ὁ μὲν ταῦτ’ εἶπεν. οἱ δὲ τριάκοντα πάντεσ μὲν ἐπῃσχύνθησαν αὐτὸν καὶ ἐσιώπησαν· ὁ δὲ Ἀγησίλαοσ χρόνῳ ποτὲ εἶπεν· Ἀλλ’ οἶμαι μέν σε, ὦ Φαρνάβαζε, εἰδέναι ὅτι καὶ ἐν ταῖσ Ἑλληνικαῖσ πόλεσι ξένοι ἀλλήλοισ γίγνονται ἄνθρωποι. οὗτοι δέ, ὅταν αἱ πόλεισ πολέμιαι γένωνται, σὺν ταῖσ πατρίσι καὶ τοῖσ ἐξενωμένοισ πολεμοῦσι καί, ἂν οὕτω τύχωσιν, ἔστιν ὅτε καὶ ἀπέκτειναν ἀλλήλουσ. καὶ ἡμεῖσ οὖν νῦν βασιλεῖ τῷ ὑμετέρῳ πολεμοῦντεσ πάντα ἠναγκάσμεθα τὰ ἐκείνου πολέμια νομίζειν· σοί γε μέντοι φίλοι γενέσθαι περὶ παντὸσ ἂν ποιησαίμεθα.
호흡부호 보기
강세부호 보기
장단부호 보기
작은 Iota 보기
모든 부호 보기