Xenophon, Hellenica, Ἑλληνικῶν Δ, chapter 7

(크세노폰, Hellenica, Ἑλληνικῶν Δ, chapter 7)

παρελθόντοσ δὲ τοῦ χειμῶνοσ, ὥσπερ ὑπέσχετο τοῖσ Ἀχαιοῖσ, εὐθὺσ ἀρχομένου τοῦ ἦροσ πάλιν φρουρὰν ἔφαινεν ἐπὶ τοὺσ Ἀκαρνᾶνασ. οἱ δὲ αἰσθόμενοι, καὶ νομίσαντεσ διὰ τὸ ἐν μεσογείᾳ σφίσι τὰσ πόλεισ εἶναι ὁμοίωσ ἂν πολιορκεῖσθαι ὑπὸ τῶν τὸν σῖτον φθειρόντων ὥσπερ εἰ περιεστρατοπεδευμένοι πολιορκοῖντο, ἔπεμψαν πρέσβεισ εἰσ τὴν Λακεδαίμονα, καὶ εἰρήνην μὲν πρὸσ τοὺσ Ἀχαιούσ, συμμαχίαν δὲ πρὸσ τοὺσ Λακεδαιμονίουσ ἐποιήσαντο. καὶ τὰ μὲν περὶ Ἀκαρνᾶνασ οὕτω διεπέπρακτο. ἐκ δὲ τούτου τοῖσ Λακεδαιμονίοισ τὸ μὲν ἐπ’ Ἀθηναίουσ ἢ ἐπὶ Βοιωτοὺσ στρατεύειν οὐκ ἐδόκει ἀσφαλὲσ εἶναι ὄπισθεν καταλιπόντασ ὅμορον τῇ Λακεδαίμονι πολεμίαν καὶ οὕτω μεγάλην τὴν τῶν Ἀργείων πόλιν, εἰσ δὲ τὸ Ἄργοσ φρουρὰν φαίνουσιν.

ὁ δὲ Ἀγησίπολισ ἐπεὶ ἔγνω ὅτι εἰή αὐτῷ ἡγητέον τῆσ φρουρᾶσ καὶ τὰ διαβατήρια θυομένῳ ἐγένετο, ἐλθὼν εἰσ Ὀλυμπίαν καὶ χρηστηριαζόμενοσ ἐπηρώτα τὸν θεὸν εἰ ὁσίωσ ἂν ἔχοι αὐτῷ μὴ δεχομένῳ τὰσ σπονδὰσ τῶν Ἀργείων, ὅτι οὐχ ὁπότε καθήκοι ὁ χρόνοσ, ἀλλ’ ὁπότε ἐμβάλλειν μέλλοιεν Λακεδαιμόνιοι, τότε ὑπέφερον τοὺσ μῆνασ. ὁ δὲ θεὸσ ἐπεσήμαινεν αὐτῷ ὅσιον εἶναι μὴ δεχομένῳ σπονδὰσ ἀδίκωσ ὑποφερομένασ. ἐκεῖθεν δ’ εὐθὺσ πορευθεὶσ εἰσ Δελφοὺσ ἐπήρετο αὖ τὸν Ἀπόλλω εἰ κἀκείνῳ δοκοίη περὶ τῶν σπονδῶν καθάπερ τῷ πατρί. ὁ δὲ ἀπεκρίνατο καὶ μάλα κατὰ ταὐτά. καὶ οὕτω δὴ Ἀγησίπολισ ἀναλαβὼν ἐκ Φλειοῦντοσ τὸ στράτευμα, ἐκεῖσε γὰρ αὐτῷ συνελέγετο, ἑώσ πρὸσ τὰ ἱερὰ ἀπεδήμει, ἐνέβαλε διὰ Νεμέασ.

οἱ δ’ Ἀργεῖοι ἐπεὶ ἔγνωσαν οὐ δυνησόμενοι κωλύειν, ἔπεμψαν, ὥσπερ εἰώθεσαν, ἐστεφανωμένουσ δύο κήρυκασ ὑποφέροντασ σπονδάσ. ὁ δὲ Ἀγησίπολισ, ἀποκρινάμενοσ ὅτι οὐ δοκοῖεν τοῖσ θεοῖσ δικαίωσ ὑποφέρειν, οὐκ ἐδέχετο τὰσ σπονδάσ, ἀλλ’ ἐνέβαλε καὶ πολλὴν ἀπορίαν καὶ ἔκπληξιν κατά τε τοὺσ ἀγροὺσ καὶ ἐν τῇ πόλει ἐποίησε. δειπνοποιουμένου δ’ αὐτοῦ ἐν τῇ Ἀργείᾳ τῇ πρώτῃ ἑσπέρᾳ, καὶ σπονδῶν τῶν μετὰ δεῖπνον ἤδη γιγνομένων, ἔσεισεν ὁ θεόσ.

καὶ οἱ μὲν Λακεδαιμόνιοι ἀρξαμένων τῶν ἀπὸ δαμοσίασ πάντεσ ὕμνησαν τὸν περὶ τὸν Ποσειδῶ παιᾶνα· οἱ δ’ ἄλλοι στρατιῶται ᾤοντο ἀπιέναι, ὅτι καὶ Ἆγισ σεισμοῦ ποτε γενομένου ἀπήγαγεν ἐξ Ἤλιδοσ. ὁ δὲ Ἀγησίπολισ εἰπὼν ὅτι εἰ μὲν μέλλοντοσ αὐτοῦ ἐμβάλλειν σείσειε, κωλύειν ἂν αὐτὸν ἡγεῖτο· ἐπεὶ δὲ ἐμβεβληκότοσ, ἐπικελεύειν νομίζοι· καὶ οὕτω τῇ ὑστεραίᾳ θυσάμενοσ τῷ Ποσειδῶνι ἡγεῖτο οὐ πόρρω εἰσ τὴν χώραν.

ἅτε δὲ νεωστὶ τοῦ Ἀγησιλάου ἐστρατευμένου εἰσ τὸ Ἄργοσ, πυνθανόμενοσ ὁ Ἀγησίπολισ τῶν στρατιωτῶν μέχρι μὲν ποῖ πρὸσ τὸ τεῖχοσ ἤγαγεν ὁ Ἀγησίλαοσ, μέχρι δὲ ποῖ τὴν χώραν ἐδῄωσεν, ὥσπερ πένταθλοσ πάντῃ ἐπὶ τὸ πλέον ὑπερβάλλειν ἐπειρᾶτο. καὶ ἤδη μέν ποτε βαλλόμενοσ ἀπὸ τῶν τύρσεων τὰσ περὶ τὸ τεῖχοσ τάφρουσ πάλιν διέβη·

ἦν δ’ ὅτε οἰχομένων τῶν πλείστων Ἀργείων εἰσ τὴν Λακωνικὴν οὕτωσ ἐγγὺσ πυλῶν προσῆλθεν ὥστε οἱ πρὸσ ταῖσ πύλαισ ὄντεσ τῶν Ἀργείων ἀπέκλεισαν τοὺσ τῶν Βοιωτῶν ἱππέασ εἰσελθεῖν βουλομένουσ, δείσαντεσ μὴ συνεισπέσοιεν κατὰ τὰσ πύλασ οἱ Λακεδαιμόνιοι· ὥστ’ ἠναγκάσθησαν οἱ ἱππεῖσ ὥσπερ νυκτερίδεσ πρὸσ τοῖσ τείχεσιν ὑπὸ ταῖσ ἐπάλξεσι προσαραρέναι. καὶ εἰ μὴ ἔτυχον τότε οἱ Κρῆτεσ εἰσ Ναυπλίαν καταδεδραμηκότεσ, πολλοὶ ἂν καὶ ἄνδρεσ καὶ ἵπποι κατετοξεύθησαν. ἐκ δὲ τούτου περὶ τὰσ εἰρκτὰσ στρατοπεδευομένου αὐτοῦ πίπτει κεραυνὸσ εἰσ τὸ στρατόπεδον·

καὶ οἱ μέν τινεσ πληγέντεσ, οἱ δὲ καὶ ἐμβροντηθέντεσ ἀπέθανον. ἐκ δὲ τούτου βουλόμενοσ τειχίσαι φρούριόν τι ἐπὶ ταῖσ παρὰ Κηλοῦσαν ἐμβολαῖσ, ἐθύετο· καὶ ἐφάνη αὐτῷ τὰ ἱερὰ ἄλοβα. ὡσ δὲ τοῦτο ἐγένετο, ἀπήγαγε τὸ στράτευμα καὶ διέλυσε, μάλα πολλὰ βλάψασ τοὺσ Ἀργείουσ, ἅτε ἀπροσδοκήτωσ αὐτοῖσ ἐμβαλών.

일치하는 문장이 없습니다.

SEARCH

MENU NAVIGATION