Xenophon, Cyropaedia, Κύρου Παιδείασ Δ, chapter 2 46:

ἐννοήσατε δ’, ἔφη, ὡσ εἰ μηδ’ ἐκείνουσ αἰσχυντέον ἦν, οὐδ’ ὣσ ἡμῖν νῦν προσῆκεν οὔτε πλησμονῆσ πω οὔτε μέθησ· οὐ γάρ πω διαπέπρακται ἡμῖν ἃ βουλόμεθα, ἀλλ’ αὐτὰ πάντα νῦν ἀκμάζει ἐπιμελείασ δεόμενα. ἔχομεν γὰρ ἐν τῷ στρατοπέδῳ πολεμίουσ πολλαπλασίουσ ἡμῶν αὐτῶν, καὶ τούτουσ λελυμένουσ· οὓσ καὶ φυλάττεσθαι ἔτι προσήκει καὶ φυλάττειν, ὅπωσ ὦσι καὶ οἱ ποιήσοντεσ ἡμῖν τὰ ἐπιτήδεια· ἔτι δ’ οἱ ἱππεῖσ ἡμῖν ἄπεισι, φροντίδα παρέχοντεσ ποῦ εἰσι· κἂν ἔλθωσιν, εἰ παραμενοῦσιν.