Xenophon, Cyropaedia, Κύρου Παιδείασ Δ, chapter 2 44:

οἱ μὲν δὴ ταῦτ’ ἀκούσαντεσ πολλῇ σπουδῇ τὰ παρηγγελμένα ἔπραττον· ὁ δὲ συγκαλέσασ τοὺσ ταξιάρχουσ ἔλεξε τοιάδε· ἄνδρεσ φίλοι, γιγνώσκομεν ὅτι νῦν ἔξεστιν ἡμῖν προτέροισ τῶν ἀπόντων συμμάχων ἀρίστου τυχεῖν καὶ τοῖσ μάλιστα ἐσπουδασμένοισ σίτοισ καὶ ποτοῖσ χρῆσθαι· ἀλλ’ οὔ μοι δοκεῖ τοῦτ’ ἂν τὸ ἄριστον πλέον ὠφελῆσαι ἡμᾶσ ἢ τὸ τῶν συμμάχων ἐπιμελεῖσ φανῆναι, οὐδ’ ἂν αὕτη ἡ εὐωχία ἰσχυροτέρουσ τοσοῦτον ποιῆσαι ὅσον εἰ δυναίμεθα τοὺσ συμμάχουσ προθύμουσ ποιεῖσθαι.