Plutarch, De Alexandri magni fortuna aut virtute, chapter 2, section 3 2:

ἃ τῷ μὴ μαθόντι χρῆσθαι κίνδυνόσ ἐστιν, οὐ δύναμισ οὐδὲ κόσμοσ, ἀλλ’ ἔλεγχοσ τῆσ ἀσθενείασ καὶ μικρότητοσ. "πάντα δεῖ τοῖσ πολεμίοισ εὔχεσθαι τἀγαθὰ πλὴν ἀνδρείασ· "γίγνεται γὰρ οὕτωσ οὐ τῶν ἐχόντων, ἀλλὰ τῶν κρατούντων. διὰ τοῦτό φασι καὶ τὴν φύσιν ἀγεννεστάτῳ ζῴῳ τῷ ἐλάφῳ κέρατα θαυμαστὰ τῷ μεγέθει καὶ τραχύτητι πρὸσ ἄμυναν ἐμφῦσαι, διδάσκουσαν ἡμᾶσ ὡσ οὐδὲν ὠφελεῖ τὸ ἰσχύειν καὶ ὡπλίσθαι τοὺσ μένειν καὶ θαρρεῖν μὴ δυναμένουσ.