헬라어 문장 검색 - Πλυταρ́ΔεΠψτηί24́0́0́

(플루타르코스, De Pythiae oraculis, section 24)

"οὐ μὴν ἀλλὰ καὶ τὸ τοῦ θεοῦ καὶ τῆσ προνοίασ σκοποῦντεσ, ὀψόμεθα πρὸσ τὸ βέλτιον γεγενημένην τὴν μεταβολήν. ἀμοιβῇ γὰρ ἐοίκε νομίσματοσ ἡ τοῦ λόγου χρεία, καὶ δόκιμον καὶ αὐτοῦ τὸ σύνηθέσ ἐστι καὶ γνώριμον, ἄλλην ἐν ἄλλοισ χρόνοισ ἰσχὺν λαμβάνοντοσ. "ἦν οὖν ὅτε λόγου νομίσμασιν ἐχρῶντο μέτροισ καὶ μέλεσι καὶ ᾠδαῖσ, πᾶσαν μὲν ἱστορίαν καὶ φιλοσοφίαν πᾶν δὲ πάθοσ ὡσ ἁπλῶσ εἰπεῖν καὶ πρᾶγμα σεμνοτέρασ φωνῆσ δεόμενον εἰσ ποιητικὴν καὶ μουσικὴν ἄγοντεσ. "οὐ γὰρ μόνον νῦν ὀλίγοι μόλισ ἐπαϊούσι, τότε δὲ πάντεσ ἠκροῶντο καὶ ἔχαιρον ᾀδομένοισ μηλοβόται τ’ ἀρόται τ’ ὀρνιχολόχοι τε κατὰ Πίνδαρον ἀλλ’ ὑπὸ τῆσ πρὸσ ποιητικὴν ἐπιτηδειότητοσ οἱ πλεῖστοι διὰ λύρασ καὶ ᾠδῆσ ἐνουθέτουν ἐπαρρησιάζοντο παρεκελεύοντο , μύθουσ καὶ παροιμίασ ἐπέραινον, ἔτι δ’ ὕμνουσ θεῶν εὐχὰσ παιᾶνασ ἐν μέτροισ ἐποιοῦντο καὶ μέλεσιν οἱ μὲν δι’ εὐφυϊάν οἱ δὲ διὰ συνήθειαν. "οὐκοῦν οὐδὲ μαντικῇ κόσμου καὶ χάριτοσ ἐφθόνει ὁ θεὸσ οὐδ’ ἀπήλαυνεν ἐνθένδε τιμωμένην μοῦσαν τοῦ τρίποδοσ, ἀλλ’ ἐπήγετο μᾶλλον ἐγείρων τὰσ ποιητικὰσ φύσεισ καὶ ἀσπαζόμενοσ, αὐτόσ τε φαντασίασ ἐνεδίδου καὶ συνεξώρμα τὸ σοβαρὸν καὶ λόγιον ὡσ ἁρμόττον καὶ θαυμαζόμενον. "ἐπεὶ δέ, τοῦ βίου μεταβολὴν ἅμα ταῖσ τύχαισ καὶ ταῖσ φύσεσι λαμβάνοντοσ, ἐξωθοῦσα τὸ περιττὸν ἡ χρεία κρωβύλουσ τε χρυσοῦσ ἀφῄρει καὶ ξυστίδασ μαλακὰσ ἀπημφίαζε καί που καὶ κόμην σοβαρωτέραν ἀπέκειρε καὶ ὑπέλυσε κόθορνον, οὐ φαύλωσ ἐθιζομένων ἀντικαλλωπίζεσθαι πρὸσ τὴν πολυτέλειαν εὐτελείᾳ καὶ τὸ ἀφελὲσ καὶ λιτὸν ἐν κόσμῳ τίθεσθαι μᾶλλον ἢ τὸ σοβαρὸν καὶ περίεργον· "οὕτω τοῦ λόγου συμμεταβάλλοντοσ ἅμα καὶ συναπολυομένου, κατέβη μὲν ἀπὸ τῶν μέτρων ὥσπερ ὀχημάτων ἡ ἱστορία καὶ τῷ πεζῷ μάλιστα τοῦ μυθώδουσ ἀπεκρίθη τάληθέσ· "φιλοσοφία δὲ τὸ σαφὲσ καὶ διδασκαλικὸν ἀσπασαμένη μᾶλλον ἢ τὸ ἐκπλῆττον, διὰ λόγων ἐποιεῖτο τὴν ζήτησιν ἀπέπαυσε δὲ τὴν Πυθίαν ὁ θεὸσ πυρικάουσ μὲν ὀνομάζουσαν τοὺσ αὑτῆσ πολίτασ ὀφιοβόρουσ δὲ τοὺσ Σπαρτιάτασ ὀρεᾶνασ δὲ τοὺσ ἄνδρασ ὀρεμπότασ δὲ τοὺσ ποταμούσ· "ἀφελὼν δὲ τῶν χρησμῶν ἔπη καὶ γλώσσασ καὶ περιφράσεισ καὶ ἀσάφειαν, οὕτω διαλέγεσθαι παρεσκεύασε τοῖσ χρωμένοισ ὡσ νόμοι τε πόλεσι διαλέγονται καὶ βασιλεῖσ ἐντυγχάνουσι δήμοισ καὶ μαθηταὶ διδασκάλων ἀκροῶνται, πρὸσ τὸ συνετὸν καὶ πιθανὸν ἁρμοζόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Pythiae oraculis, section 24

(플루타르코스, De Pythiae oraculis, section 24)

상위

목록

SEARCH

MENU NAVIGATION