Plutarch, De Alexandri magni fortuna aut virtute, chapter 2, section 1 3:

Ἀλέξανδροσ δ’ ὁ Φεραίων τύραννοσ ἔδει δὲ τοῦτο μόνον αὐτὸν καλεῖσθαι καὶ μὴ καταισχύνειν τὴν ἐπωνυμίαν. ν̓, θεώμενοσ τραγῳδὸν ἐμπαθέστερον ὑφ’ ἡδονῆσ διετέθη πρὸσ τὸν οἶκτον. ἀναπηδήσασ οὖν ἐκ τοῦ θεάτρου θᾶττον ἢ βάδην ἀπῄει, δεινὸν εἶναι λέγων, εἰ τοσούτουσ ἀποσφάττων πολίτασ ὀφθήσεται τοῖσ Ἑκάβησ καὶ Πολυξένησ πάθεσιν ἐπιδακρύων. οὗτοσ μὲν οὖν μικροῦ καὶ δίκην ἐπράξατο τὸν τραγῳδόν, ὅτι τὴν ψυχὴν αὐτοῦ καθάπερ σίδηρον ἐμάλαξεν.