Plutarch, Κίμων, chapter 16 3:

τὰ γὰρ πλεῖστα δι’ ἐκείνου τῶν Ἑλληνικῶν διεπράττετο, πρᾴωσ μὲν τοῖσ συμμάχοισ, κεχαρισμένωσ δὲ τοῖσ Λακεδαιμονίοισ ὁμιλοῦντοσ. ἔπειτα δυνατώτεροι γενόμενοι καὶ τὸν Κίμωνα τοῖσ Σπαρτιάταισ οὐκ ἠρέμα προσκείμενον ὁρῶντεσ ἤχθοντο. καὶ γὰρ αὐτὸσ ἐπὶ παντὶ μεγαλύνων τὴν Λακεδαίμονα πρὸσ Ἀθηναίουσ, καὶ μάλιστα ὅτε τύχοι μεμφόμενοσ αὐτοῖσ ἢ παροξύνων, ὥσ φησι Στησίμβροτοσ, εἰώθει λέγειν· "ἀλλ’ οὐ Λακεδαιμόνιοί γε τοιοῦτοι.