헬라어 문장 검색 - Πλυταρ́Ξιμον́16́

(플루타르코스, Κίμων, chapter 16)

ἦν μὲν οὖν ἀπ’ ἀρχῆσ φιλολάκων· καὶ τῶν γε παίδων τῶν διδύμων τὸν ἕτερον Λακεδαιμόνιον ὠνόμασε, τὸν δ’ ἕτερον Ἠλεῖον, ἐκ γυναικὸσ αὐτῷ Κλειτορίασ γενομένουσ, ὡσ Στησίμβροτοσ ἱστορεῖ· διὸ πολλάκισ τὸν Περικλέα τὸ μητρῷον αὐτοῖσ γένοσ ὀνειδίζειν. Διόδωροσ δ’ ὁ Περιηγητὴσ καὶ τούτουσ φησὶ καὶ τὸν τρίτον τῶν Κίμωνοσ υἱῶν Θεσσαλὸν ἐξ Ἰσοδίκησ γεγονέναι τῆσ Εὐρυπτολέμου τοῦ Μεγακλέουσ. ηὐξήθη δ’ ὑπὸ τῶν Λακεδαιμονίων ἤδη τῷ Θεμιστοκλεῖ προσπολεμούντων καὶ τοῦτον ὄντα νέον ἐν Ἀθήναισ μᾶλλον ἰσχύειν καὶ κρατεῖν βουλομένων.

οἱ δ’ Ἀθηναῖοι τὸ πρῶτον ἡδέωσ ἑώρων οὐ μικρὰ τῆσ πρὸσ ἐκεῖνον εὐνοίασ τῶν Σπαρτιατῶν ἀπολαύοντεσ· αὐξανομένοισ γὰρ αὐτοῖσ κατ’ ἀρχὰσ καὶ τὰ συμμαχικὰ πολυπραγμονοῦσιν οὐκ ἤχθοντο τιμῇ καὶ χάριτι τοῦ Κίμωνοσ. τὰ γὰρ πλεῖστα δι’ ἐκείνου τῶν Ἑλληνικῶν διεπράττετο, πρᾴωσ μὲν τοῖσ συμμάχοισ, κεχαρισμένωσ δὲ τοῖσ Λακεδαιμονίοισ ὁμιλοῦντοσ.

ἔπειτα δυνατώτεροι γενόμενοι καὶ τὸν Κίμωνα τοῖσ Σπαρτιάταισ οὐκ ἠρέμα προσκείμενον ὁρῶντεσ ἤχθοντο. καὶ γὰρ αὐτὸσ ἐπὶ παντὶ μεγαλύνων τὴν Λακεδαίμονα πρὸσ Ἀθηναίουσ, καὶ μάλιστα ὅτε τύχοι μεμφόμενοσ αὐτοῖσ ἢ παροξύνων, ὥσ φησι Στησίμβροτοσ, εἰώθει λέγειν· "ἀλλ’ οὐ Λακεδαιμόνιοί γε τοιοῦτοι. ὅθεν φθόνον ἑαυτῷ συνῆγε καὶ δυσμένειάν τινα παρὰ τῶν πολιτῶν.

ἡ δ’ οὖν ἰσχύσασα μάλιστα κατ’ αὐτοῦ τῶν διαβολῶν αἰτίαν ἔσχε τοιαύτην. Ἀρχιδάμου τοῦ Ζευξιδάμου τέταρτονἔτοσ ἐν Σπάρτῃ βασιλεύοντοσ ὑπὸ σεισμοῦ μεγίστου δὴ τῶν μνημονευομένων πρότερον ἥ τε χώρα τῶν Λακεδαιμονίων χάσμασιν ἐνώλισθε πολλοῖσ καὶ τῶν Ταϋγέτων τιναχθέντων κορυφαί τινεσ ἀπερράγησαν, αὐτὴ δ’ ἡ πόλισ ὅλη συνεχύθη πλὴν οἰκιῶν πέντε, τὰσ δ’ ἄλλασ ἤρειψεν ὁ σεισμόσ. ἐν δὲ μέσῃ τῇ στοᾷ γυμναζομένων ὁμοῦ τῶν ἐφήβων καὶ τῶν νεανίσκων λέγεται μικρὸν πρὸ τοῦ σεισμοῦ λαγὼν παραφανῆναι, καὶ τοὺσ μὲν νεανίσκουσ, ὥσπερ ἦσαν ἀληλιμμένοι, μετὰ παιδιᾶσ ἐκδραμεῖν καὶ διώκειν, τοῖσ δ’ ἐφήβοισ ὑπολειφθεῖσιν ἐπιπεσεῖν τὸ γυμνάσιον καὶ πάντασ ὁμοῦ τελευτῆσαι.

τὸν δὲ τάφον αὐτῶν ἔτι νῦν Σεισματίαν προσαγορεύουσι. ταχὺ δὴ συνιδὼν ἀπὸ τοῦ παρόντοσ τὸν μέλλοντα κίνδυνον ὁ Ἀρχίδαμοσ, καὶ τοὺσ πολίτασ ὁρῶν ἐκ τῶν οἰκιῶν τὰ τιμιώτατα πειρωμένουσ σώζειν, ἐκέλευσε τῇ σάλπιγγι σημαίνειν, ὡσ πολεμίων ἐπιόντων, ὅπωσ ὅτι τάχιστα μετὰ τῶν ὅπλων ἀθροίζωνται πρὸσ αὐτόν.

ὃ δὴ καὶ μόνον ἐν τῷ τότε καιρῷ τὴν Σπάρτην διέσωσεν. οἱ γὰρ εἵλωτεσ ἐκ τῶν ἀγρῶν συνέδραμον πανταχόθεν ὡσ ἀναρπασόμενοι τοὺσ σεσωσμένουσ τῶν Σπαρτιατῶν. ὡπλισμένουσ δὲ καὶ συντεταγμένουσ εὑρόντεσ ἀνεχώρησαν ἐπὶ τὰσ πόλεισ καὶ φανερῶσ ἐπολέμουν, τῶν τε περιοίκων ἀναπείσαντεσ οὐκ ὀλίγουσ, καὶ Μεσσηνίων ἅμα τοῖσ Σπαρτιάταισ συνεπιθεμένων.

πέμπουσιν οὖν οἱ Λακεδαιμόνιοι Περικλείδαν εἰσ Ἀθήνασ δεόμενοι βοηθεῖν, ὅν φησι κωμῳδῶν Ἀριστοφάνησ καθεζόμενον ἐπὶ τοῖσ βωμοῖσ ὠχρὸν ἐν φοινικίδι στρατιὰν ἐπαιτεῖν. Ἐφιάλτου δὲ κωλύοντοσ καὶ διαμαρτυρομένου μὴ βοηθεῖν μηδ’ ἀνιστάναι πόλιν ἀντίπαλον ἐπὶ τὰσ Ἀθήνασ, ἀλλ’ ἐᾶν κεῖσθαι καὶ πατηθῆναι τὸ φρόνημα τῆσ Σπάρτησ, Κίμωνά φησι Κριτίασ τὴν τῆσ πατρίδοσ αὔξησιν ἐν ὑστέρῳ θέμενον τοῦ Λακεδαιμονίων συμφέροντοσ ἀναπείσαντα τὸν δῆμον ἐξελθεῖν βοηθοῦντα μετὰ πολλῶν ὁπλιτῶν.

ὁ δ’ Ιὤν ἀπομνημονεύει καὶ τὸν λόγον, ᾧ μάλιστα τοὺσ Ἀθηναίουσ ἐκίνησε, παρακαλῶν μήτε τὴν Ἑλλάδα χωλὴν μήτε τὴν πόλιν ἑτερόζυγα περιϊδεῖν γεγενημένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 16

(플루타르코스, Κίμων, chapter 16)

상위

목록

SEARCH

MENU NAVIGATION